रोमियों 11:28 - राना थारु नयाँ नियम

²⁸ यहूदी परमेश्वरके दुस्मन हएं, काहेकी बे अच्छो समाचारमे बिश्वास नाए करन चाँहत हएं, और जाके ताहीं तुमर फाइदा हुइगओ हए। पर परमेश्वर उनके प्रेम करत हए काहेकी बा उनके अपने ताहीं चुन्लै हए। जहे बातके बे उनको पुर्खासे बाचा करी रहए।

परमेस्वर को सच्चो वचन

²⁸ काहैकि बे सुसमाचार कै नकारथैं, यहूदि तुम मैं गैर यहूदि ताहीं परमेस्वर के दुस्मीं हैं। लेकिन परमेस्वर के चुनन के बजह से, बे अपने परखन के बजह से प्रिय हैं।

रोमियों 11:28 Σταυροειδείς Αναφορές

मत्ती 21:43

जहेमारे मए तुमसे कहात हओं, परमेश्वरको राज्य तुमसे छिनो जएहए, और एक अइसो जाति-जातिके आदमीके दओ जएहए, जौन बोको फरा लाबए।

लूका 1:54

बा हमर पुर्खासे करो अपन बाचा याद करीहए, अपन सेवक इस्राएल देशके आदमीनके सहयोग करनके आओ हए,

प्रेरित 14:2

पर बिश्वास नाए करन बारे यहूदी, गैर-यहूदी आदमीनके प्रभुमे बिश्वास करन बारे बिश्वासी ददाभइयनको बिरोधमे भणकाइं।

प्रेरित 18:6

तओ जब यहूदी पावलको बिरोध करके बोको बदनाम करीं तओ पावल बिनके चेतावनी दइके अपनो लत्तासे धुधर झरात कही, “परमेश्वरको सन्देशके अस्वीकार करनके कारणसे तुम अपनए बो खुनको जिम्मेदार हओ, जो तुमके परमेश्वरके घेनसे मिलैगो। अबसे मए गैर-यहूदीनके ठिन जाएके परमेश्वरको बचन परचार करंगो।”

रोमियों 11:11

तओ मए पुँछत हओं, का इस्राएली आदमीनके ठोकर लगनके कारण सदामानके ताहीं हराइगए हएं? नाए! बिरकुलए नाए! पर उनको अपराधके कारण गैर-यहूदीनके उद्धार मिलो, ताकी इस्राएल देशके आदमीनके जलन होबए।

रोमियों 11:30

काहेकी पहिले तुम अन्यजाति आदमी परमेश्वरको आज्ञापालन नाएकरे रहओ पर अभए इस्राएल देशके आदमी आज्ञापालन नाए करोके कारण इकल्लो परमेश्वरको दया तुम पाएहओ।

रोमियों 11:7

तब्ही जा बहे हए जो भओ हए: तहुँफिर इस्राएल देशमे रहान बारे परमेश्वरमे सही होनके कोसिस करीं, पर बे सफल नाएभए, पर जौन आदमीनके परमेश्वर चुनी बे बाके सँग धर्मी घोषित भए। और बाँकी इस्राएलीन्के जिद्दी बनाओ दओगओ और परमेश्वरकी बात सुनन्से इन्कार करदइं।

रोमियों 5:10

काहेकी जब हम परमेश्वरके दुश्मन रहएं तओ बाको लौंणाको मृत्युके द्वारा बा हमरे सँग मेलमिलाप करी, जहेमारे हम नेहात्तओ जा जान सकत हएं, कि अब जबकी हमर बाके सँग मेलमिलाप हए, तओ बा हमके बचाबैगो। काहेकी ख्रीष्ट जिन्दा हए।

रोमियों 9:5

अब्राहाम, इसहाक और याकूब उनके पुर्खा हएं, और जहाँ तक उनको मानब स्वभाबको सम्बन्ध हए, ख्रीष्ट अपनए फिर एक इस्राएली रहए। परमेश्वर, जो सबके उपर राज्य करत हए, बाकी हमेसाके ताहीं प्रसंसा होतए रहाबए। आमेन।