रोमियों 1:8 - राना थारु नयाँ नियम

⁸ पहिले मए तुम सबके येशू ख्रीष्टके द्वारा अपने परमेश्वरके धन्यबाद देत हओं, काहेकी येशू ख्रीष्टमे तुमर बिश्वासको बारेमे बहुत ठाउँमे आदमी बात करत हएं।

परमेस्वर को सच्चो वचन

⁸ सबसे पहले मैं तुम सबन के ताहीं ईसु मसीह के घाँईं से अपने परमेस्वर कै धन्यवाद करथौं, काहैकि तुमरे बिस्वास की बात पूरी दुनिया मैं हुई रइ है।

रोमियों 1:8 Σταυροειδείς Αναφορές

मत्ती 24:14

और राजाको जा अच्छो समाचार सारा संसारमे सब जाति-जातिके आदमीनके ताहीं गवाहीके ताहीं परचार करो जएहए, ताकी सबए देशके जा स्वीकार करनके मौका मिलए।”

लूका 2:1

बे दिनमे रोमको महाराजा कैसर अपनो सबए रोमी साम्राज्यके आदमीनके नाउँ दर्ता करनके ताहीं हुकुम जारी करी।

प्रेरित 11:28

बिन मैसे अगाबस नाउँ भओ एक अगमबक्ता रहए। पबित्र आत्मा बोके पृथ्वी भर अनिकाल पणन बारो हए कहिके बताइ रहए। और पिच्छु रोमी महाराजा सम्राट क्लौडियसको शासनकालमे अनिकाल पणो।

प्रेरित 28:22

पर तिर बिचार का हए, बहे हम तोसे सुनन चाँहत हएं। काहेकी हम जानत हएं, कि हरेक ठाउँमे जा ख्रीष्टियन समुहके बिरोधमे आदमी बात करत हएं।”

रोमियों 10:18

पर मए जा पुँछत हओं, “का इस्राएल देशके आदमी ख्रीष्टके बारेमे सन्देश नाए सुनीं?” नेहात्तओ बे सुनीं हएं काहेकी पबित्र-शास्त्रमे लिखो हए, “बाको बचन पुरा पृथ्वीमे और पृथ्वीमे हर ठिहतक पुगीगए हएं।”

रोमियों 16:19

हर कोइ जानत हए, कि तुम कित्तो अच्छेसे प्रभुको आज्ञा मानत हओ; जहेमारे मए तुमर बारेमे आनन्द करत हओं; पर मए चाँहत हओं, कि जो असल हए बाके ताहीं तुम बुद्धिमान होबओ, और जो खराब हए बामे निर्दोष रहाबओ।

रोमियों 6:17

तुम पापको कमैया होए करत रहओ, पर अब तुम बहे शिक्षन्के पालन करेहओ, जो तुमके मिलो। जहेमारे मए परमेश्वरके धन्यबाद करत हओं।

1 कोरिन्थी 1:4

मए तुमर ताहीं अपनो परमेश्वरके रोज धन्यबाद देत हओं, काहेकी परमेश्वर तुमके ख्रीष्ट येशूके सँग तुमर एकजुटके कारण बहुत अनुग्रह करीहए।

2 कोरिन्थी 2:14

पर परमेश्वरके धन्यबाद होए, काहेकी हमर ख्रीष्ट सँगको सम्बन्धके मारे, परमेश्वर रोज हमके ख्रीष्टके सँग डुरीयात हए। और अब बा हमके मिठो बासना आन बारो धुप कता सब ठाउँमे ख्रीष्टको ज्ञान फैलानके प्रयोग करत हए।

इफिसियों 1:15

जे सबकेमारे, जबसे मए, प्रभु येशूके उपर तुमर बिश्वास और परमेश्वरके पबित्र आदमी प्रति तुमर प्रेमको समाचार सुनो,

इफिसियों 1:16

तओ मए हमेसा तुमर ताहीं परमेश्वरके धन्यबाद दओ और अपनो प्राथनामे तुमके सम्झो।

इफिसियों 3:21

बाको महिमा मण्डलीमे और ख्रीष्ट येशूमे सदा दिन बहुत पुस्तातक होतए रहाबए। आमेन।

इफिसियों 5:20

और जो कुछ हमर प्रभु येशू ख्रीष्ट करीहए बे सब चीजके ताहीं रोज हमर दौवा परमेश्वरके, सब बातके ताहीं धन्यबाद देओ।

फिलिप्पी 1:11

और येशू ख्रीष्टके द्वारा तुममे धर्मी काम दिखाइ पणए, जोसे परमेश्वरको महिमा और स्तुति होत रहाबए।

फिलिप्पी 1:3

सुरुक दिनसे तुम येशू ख्रीष्टके बारेमे जा अच्छो समाचारमे बिश्वास करे, जाके फैलानमे तुम मेरे सँग सहयोगी हओ। जाकेमारे मए जब फिर तुमर बारेमे सोँचत हओं, तओ मए परमेश्वरके धन्यबाद देत हओं, और मए आनन्दसे तुम सबके ताहीं परमेश्वरसे मदतके ताहीं प्राथना करत हओं।

कलस्सी 1:3

जब हम तुमर ताहीं प्राथना करत हएं, हम अपने प्रभु येशू ख्रीष्टको दौवा, परमेश्वरके धन्यबाद देत हएं।

1 थेसलोनिकी 1:2

हम तुम सबके ताहीं परमेश्वरके धन्यबाद देत हएं और रोज प्राथना करत पेती फिर तुमके सम्झे करत हएं,

1 थेसलोनिकी 2:13

जहेमारे हम फिर परमेश्वरके लगातार धन्यबाद देत हएं; कि जब हमसे परमेश्वरको सन्देश सुने हओ, हम तुमर बीचमे परचार करे, तओ तुम आदमीको सन्देश नाए पर परमेश्वरको सन्देश हए समझके स्वीकार करे। और अब परमेश्वरको जा सन्देश तुमरमे काम कर रहो हए, जौन ख्रीष्टमे बिश्वास करत हएं।

2 थेसलोनिकी 1:3

हे मेरे बिश्वासी ददाभइयओ, तुमर ताहीं हमके लगातार परमेश्वरके धन्यबाद देन पणो, और अइसो करनो हमरे ताहीं सही हए। काहेकी तुम प्रभु येशूमे लगातार बहुतसे बहुत बिश्वास करत हओ, और तुम सब लगातार एकदुस्रेसे बहुतसे बहुत प्रेम करत हओ।

2 तिमोथी 1:3

मए परमेश्वरके धन्यबाद देत हओं, जौनको मए और मेरे पुर्खा शुद्ध बिबेकसे सेवा करेहएं। जब फिर मए प्राथना करत हओं, तओ मए तिर नाउँ हमेसा याद करत हओं।

फिलेमोन 1:4

मए जब फिर तेरे ताहीं प्राथना करत हओं, मए हमेसा तेरे ताहीं परमेश्वरके धन्यबाद देत हओं।

हिब्रू 13:15

जहेमारे आओ हम येशू द्वारा लगातार परमेश्वरको प्रसंसा अपनो ओँठसे करएं। जहे बाके ताहीं हमर बलिदान हए।

1 पतरस 4:11

उदाहरणके ताहीं, अगर तुमर सँग परचार करनको बरदान हए कहेसे, तुमके परमेश्वरको बचन परचार करन पणत हए। अगर तुमर सँग औरे आदमीनके मदत करनको बरदान हए कहेसे, बो तुम परमेश्वरके माध्यामसे दओगओ शक्तिसे करओ। तओ बोसे येशू ख्रीष्टद्वारा परमेश्वरके महिमा मिलैगो। सबए महिमा और शक्ति हरदम बहेको हए! आमेन।