रोमियों 1:7 - राना थारु नयाँ नियम

⁷ मए तुम सबके लिखरहो हओं जो रोम सहरमे हएं जौननके परमेश्वर प्रेम करत हए, और बाके अपने पबित्र आदमी होनके ताहीं बुलाए गए। हमरे दौवा परमेश्वर और प्रभु येशू ख्रीष्टके तरफसे तुमके अनुग्रह और शान्ति मिलतए रहाबए।

परमेस्वर को सच्चो वचन

⁷ बे सबन के जो रोम देस मैं परमेस्वर के प्रिय हैं और पवित्र होन के ताहीं मस्काए गै हैं: आपन के परम दऊवा परमेस्वर और प्रभु ईसु मसीह के घाँईं से तुमकै दया और सांति मिलत रहबै।

रोमियों 1:7 Σταυροειδείς Αναφορές

मत्ती 5:16

अइसियए तुमर उजियारो आदमीनके अग्गु चमकए ताकी बे तुमर अच्छो कामके देखके तुमर दौवा, जौन स्वर्गमे हए, बाकी बढाइ करएं।”

यूहन्ना 20:17

येशू बोसे कही, “मिर पाउँ पकणके मोके मतरोक, काहेकी मए अभएतक दौवाके ठिन उपर नाए गओ हओं, बल्कि मेरे बिश्वासी ददाभइयनके ठिन जाएके उनसे कहिदे, कि मए अपनो दौवा और तुमर दौवा, और मिर परमेश्वर और तुमर परमेश्वरके ठिन उपर जातहओं।”

प्रेरित 15:23

और उनके सँगमे बे जा चिट्ठी लिखके पठाइं: “सिरिया परदेशको एन्टिओखिया सहरके और किलिकिया परदेशमे रहन बारे गैर-यहूदी बिश्वासी ददाभइयनके, चुनेभए चेला और मण्डलीके अगुवनके नमस्कार!

प्रेरित 9:13

तओ हननिया जबाफ दइके कही, “हे प्रभु, मए जा आदमीके बारेमे बहुतनसे सुनो हओं, कि जा यरूशलेम सहरमे तेरे पबित्र जनके बहुत सताइ हए।

रोमियों 1:6

तुम जो रोम सहरमे रहात हओ, तुम फिर जे आदमीनको हिस्सा हओ, जौननके येशू ख्रीष्टके होन ताहीं बुलाए गए हओ।

रोमियों 5:1

जहेमारे हम बिश्वाससे परमेश्वरके अग्गु धर्मी ठहिरे हएं और प्रभु येशू ख्रीष्ट हमर ताहीं करोभओ काम द्वारा परमेश्वरके सँग हमर मेलमिलाप भओ हए।

रोमियों 5:5

हम जा आसरामे दुखि नाए होमंगे, काहेकी परमेश्वर पबित्र आत्मा दइ हए और पबित्र आत्मा हमर हृदयमे परमेश्वरको प्रेम भरदइ हए।

रोमियों 8:28

और हम जानत हएं, कि जो आदमी परमेश्वरसे प्रेम करत हए, परमेश्वर उनके ताहीं सब चिजनके एक अच्छी अन्तमे लात हए; अर्थात् बिनके ताहीं जौनन्के बो चुनी हए।

रोमियों 8:39

नए बादरमे भए शक्ति, नए पृथ्वीके तरे भए शक्ति, नए सृष्टिको कोइ फिर शक्ति हमके परमेश्वरको प्रेमसे अलग कर्पएहए, जो हमर प्रभु येशू ख्रीष्टमे प्रकट करोगओ हए।

रोमियों 9:25

गैर-यहूदीनके बारेमे, परमेश्वर अगमबक्ता होशेकी किताबमे कहात हए, “जौन मेरे आदमी नाए हएं, बिनके मए, मिर प्रजा बनामंगो। और जौनके मए प्रेम नाए करो रहओं, बाके मए मिर प्रिय कहामंगो;

1 कोरिन्थी 1:24

पर बे, जौनन्के परमेश्वर अपने आदमी होनके ताहीं बुलाइ हए चहुँ यहूदी होए चहुँ ग्रीक भाषा मस्कन बारे होएं, ख्रीष्ट परमेश्वरको शक्ति और परमेश्वरको ज्ञान हए।

1 कोरिन्थी 16:23

हमर प्रभु येशू ख्रीष्टको अनुग्रह तुमर सँग रहातए रहाबए।

2 कोरिन्थी 13:14

प्रभु येशू ख्रीष्टको अनुग्रह, परमेश्वरको प्रेम और पबित्र आत्माको संगती तुमर सबए सँग रहबए।

गलातियों 6:18

हे मेरे बिश्वासी ददाभइयओ, मए प्राथना करत हओं, कि हमर प्रभु येशू ख्रीष्टको अनुग्रह तुम सबके सँग रहाबए। आमेन।

इफिसियों 1:2

मए प्राथना करत हओं, कि हमर दौवा परमेश्वर और प्रभु येशू ख्रीष्ट तुमके अनुग्रह करए और शान्ति प्राप्त करनमे तुम्री मदत करए।

इफिसियों 6:23

मए हमर दौवा परमेश्वरसे और प्रभु येशू ख्रीष्टसे प्राथना करत हओं, कि बे तुम बिश्वासी ददाभइयनके शान्ति देमएं। बे अइसे करएं, कि अपनए एकदुस्रेसे प्रेम करएं और ख्रीष्टमे निरन्तर बिश्वास करतए रहाएं।

फिलिप्पी 1:2

हम प्राथना करत हएं, कि हमर दौवा परमेश्वर और प्रभु येशू ख्रीष्ट तुमके अनुग्रह और शान्ति देबए।

फिलिप्पी 4:13

ख्रीष्टके द्वारा जौन मोके शक्ति देतहए, बहेमे मए सब कुछ कर सकत हओं।

फिलिप्पी 4:20

हाम्रो परमेश्वर दौवाकी महिमा सदासर्वदा होतए रहाबए। आमेन।

फिलिप्पी 4:23

हमर प्रभु येशू ख्रीष्टको अनुग्रह तुमरसँग रहातए रहाबए। आमेन।

कलस्सी 1:2

ख्रीष्टमे, बे पबित्र और भरोसायोग्य बिश्वासी ददाभइयाके नाउँसे जो कलस्से सहरमे रहात हएं। मए प्राथना करत हओं, कि हमर दौवा परमेश्वर और प्रभु येशू ख्रीष्ट तुमके अनुग्रह और शान्ति देबए।

कलस्सी 3:12

जहेमारे जबकी परमेश्वर तुमके अपने पबित्र आदमी होनके ताहीं चुनी हए, और तुमसे प्रेम करत हए, तभीमारे तुम सब करुणा, भलाइ, नम्रता और धैर्य धारण करओ।

कलस्सी 3:15

और बो शान्ति जो ख्रीष्ट देतहए, बोके तुमर विचारमे नियन्त्रण करनके देओ, काहेकी तुम सब एकए शरीरके अंग हओ, और जहेमारे तुमके एकदुस्रेके सँग शान्तिसे रहानके ताहीं बुलाओ गओ हए।

1 थेसलोनिकी 1:1

मए पावल, सिलास और तिमोथीके घेनसे जा चिट्ठी थेसलोनिके सहरमे रहान बारे मण्डलीके ताहीं लिखरहे हएं। जो दौवा परमेश्वर और प्रभु येशू ख्रीष्टसे सम्बन्धित हए। मए प्राथना करत हओं, कि परमेश्वर तुमर उपर अनुग्रह करए और शान्ति देबए।

1 थेसलोनिकी 1:3

जब हम अपनो दौवा परमेश्वरसे प्राथना करत हएं, तओ हम बे कामके याद करत हएं जो तुम बिश्वासके कारण करत हओ। और दुस्रेनके उपर प्रेम दिखानके ताहीं जो कडी मेहेनत तुम करत हओ, और तुम सतावट सहे करत हओ काहेकी तुम प्रभु येशू ख्रीष्टको लौटनको आसरा कर रहेहओ।

1 थेसलोनिकी 1:4

और हे मेरे बिश्वासी ददाभइयओ, तुमके जा बात पता होबए, कि परमेश्वर आदमीनके प्रेम करत हए। परमेश्वर तुमके अपनो बनानके ताहीं चुनी हए।

1 थेसलोनिकी 4:7

काहेकी परमेश्वर हमके अशुद्ध जीबन जीइनके ताहीं नाए, पर पबित्र जीबन जीइनके ताहीं बुलाइ हए।

1 थेसलोनिकी 5:28

हमर प्रभु येशू ख्रीष्टको अनुग्रह तुमर सँग होतए रहाबए।

2 थेसलोनिकी 1:2

मए प्राथना करत हओं, कि दौवा परमेश्वर और प्रभु येशू ख्रीष्ट तुमके अनुग्रह करए और शान्ति देबए।

2 थेसलोनिकी 3:16

मए प्राथना करत हओं, कि प्रभु जो शान्तिको स्रोत हए बा हर तरिकासे तुमके लगातार शान्ति देत रहाबए, और प्रभु तुम सबके सँग लगातार रहाबए।

2 थेसलोनिकी 3:18

मए प्राथना करत हओं, कि हमर प्रभु येशू ख्रीष्टको अनुग्रह तुमरसँग रहातए रहाबए।

1 तिमोथी 1:2

मए जा चिट्ठी तिमोथीके लिखरहो हओं: तए मिर अपनो लौंणा जैसो हए, काहेकी तए ख्रीष्टमे बिश्वास करत हए। मए प्राथना करत हओं, कि हमर दौवा परमेश्वरसे और हमर प्रभु येशू ख्रीष्टसे तोके अनुग्रह, दया और शान्ति मिलतए रहाबए।

1 तिमोथी 6:2

और जौननके मालिक बिश्वासी हएं, मालिकके बे बिश्वासी ददाभइया होनके कारण मालिकनके ठिक सम्मान देमएं; बल्कि उनके कमैयनके ताहीं और मेहेनतसे काम करन चाहो, काहेकी उनके फाइदा होनो अपनुवए प्यारो बिश्वासी दादा-भइयनके फाइदा होनो हए। जे बातनको उपदेश दएकर और बिनको पालन करनके ताहीं सबके उत्साहित कर।

2 तिमोथी 1:2

हे तिमोथी, मए तोके जा चिट्ठी लिखरहो हओं, और तए मेरे ताहीं एक प्रिय लौंणाके हानी हए। मए प्राथना करत हओं, कि दौवा परमेश्वर और हमर प्रभु येशू ख्रीष्ट तोके अनुग्रह, दया और शान्ति देबए।

2 तिमोथी 4:22

मए प्राथना करत हओं, कि प्रभु तेरे सँग रहाबए और बाको अनुग्रह फिर तेरे सँग रहाबए।

तीतुस 1:4

मए जा चिट्ठी तीतसके लिखरहो हओं, जो मिर अपनो लौंणा कता हए, काहेकी बो येशू ख्रीष्टमे बिश्वास करत हए। दौवा परमेश्वर और हमर मुक्तिदाता येशू ख्रीष्टके घेनसे तोके अनुग्रह और शान्ति मिलतए रहाबए।

फिलेमोन 1:25

मए प्राथना करत हओं, कि प्रभु येशू ख्रीष्टको अनुग्रह तिर उपर रहातए रहाबए।

फिलेमोन 1:3

मए प्राथना करत हओं, कि हमर दौवा परमेश्वर और हमर प्रभु येशू ख्रीष्ट तिर उपर अनुग्रह करए, और तोके शान्ति देबए।

याकूब 1:1

मए याकूब, जा चिट्ठीके लिखरहो हओं। मए परमेश्वर और प्रभु येशू ख्रीष्टको सेवकके तरफसे बे इस्राएल देशके बाह्र कुल जो संसार भर बिग्दे हएं, बिनके नमस्कार।

1 पतरस 1:15

तुमर करन बारे सब बातमे अपनएके गलत चीजसे अलग करओ, काहेकी परमेश्वर, जौन तुमके चुनी हए, बा पबित्र हए।

1 यूहन्ना 3:1

बिचार करओ, कि दौवा परमेश्वर हमसे कैसो प्रेम करीहए, बाको प्रेमको कारण हम परमेश्वरके सन्तान कहेगए हएं। पर जौन आदमी जा संसारके आदमीसे सम्बन्ध बनात हएं, बे नाए जानत हएं, कि हम परमेश्वरके सन्तान हएं। काहेकी बे दौवा परमेश्वरके नाए चिन्हत हएं।

2 यूहन्ना 1:3

दौवा परमेश्वर, और बाको लौंणा, येशू ख्रीष्टके तरफसे अनुग्रह, दया और शान्ति होबए। और जे सब चीज हमरे ताहीं हएं जौन सत्य पालन करत हएं और एकदुस्रेसे प्रेम करत हएं।

प्रकाश 2:1

येशू मोसे अइसेफिर कही, “एफिसस सहरके मण्डलीके स्वर्गदूतके जा सन्देश लिख: मए बहे हओं, जो सात ताराके अपने दहिना हातमे लएहओं, और सात सोनोके दियनके बीचमे नेँगत हओं। जो मए तोसे कहात हओं बोके सुन:

प्रकाश 2:12

येशू मोसे अइसेफिर कही, “पर्गामम सहरके मण्डलीके स्वर्गदूतके जा सन्देश लिख: मए बहे हओं जौनके सँग दुनौ घेन पैनो धार बारो तरबार हए। जो मए तोसे कहात हओं बोके सुन:

प्रकाश 2:18

येशू मोसे अइसेफिर कही: थिआटीरा सहरके मण्डलीके स्वर्गदूतके जा लिख: जा सन्देश परमेश्वरको लौंणासे हए। जौनको आँखी आगीको ज्वाला कता हए और जौनक पाउँ आगीको भट्टीमे निख्रो भओ फूलके बर्तन कता रहएं। जो मए तोसे कहात हओं बोके सुन:

प्रकाश 2:29

हरकोइ जो मिर सन्देशके सम्झन चाँहत हए, बोके बे बातके ध्यानसे सुनन पणो जो परमेश्वरको पबित्र आत्मा मण्डलीनसे कहात हए:

प्रकाश 2:8

येशू मोसे अइसेफिर कही, “और स्मुर्ना सहरके मण्डलीके स्वर्गदूतके जा सन्देश लिख: महीँ बा हओं, जो सब चिजनके सुरु करो हओं। महीँ बा हओं, जो सब चिजनके अन्त करंगो और मए एक चोटी मरिगओ रहओं, पर अब मए जिन्दा हुइगओ हओं, और सदादिन जिन्दा रहामंगो। मए जो कहात हओं बोके सुन:

प्रकाश 22:21

मए प्राथना करत हओं, कि हमर प्रभु येशू ख्रीष्ट पबित्र आदमीनके अनुग्रह करतए रहाबए। आमेन।

प्रकाश 3:14

येशू मोसे जा फिर कही, “लाउडिकिया सहरके मण्डलीके स्वर्गदूतके जा सन्देश लिख: मए बहे हओं जौनके आमेन कहोजात हए, काहेकी मए बिश्वासयोग्य हओं और मेरे द्वारा परमेश्वरके बारेमे कहीभइ सब बात सत्य हएं। जो कुछ फिर बा सृष्टि करीहए मए बे सबको स्रोत हओं। जो मए तोसे कहात हओं बोके सुन:

प्रकाश 3:22

तुम जो सुन्त हओ, बो सुनीभइ बातके बारेमे ध्यानसे सोँचओ, कि पबित्र आत्मा मण्डलीनसे का कहात हए।”

प्रकाश 3:7

येशू मोसे जा फिर कही, “फिलाडेल्फिया सहरके मण्डलीके स्वर्गदूतके जा सन्देश लिख: मए बहे हओं जो पबित्र और सत्य हए, जोके सँग राजा दाऊदको चाभी हए, जब मए बो चभीसे ढोका खोलंगो, बोके कोइ फिर बन्द नाए कर्पएहए और जब मए चाभीसे बन्द करंगो बोके कोइ फिर नाए खोल पएहए। जो मए तोसे कहात हओं बोके सुन: