रोमियों 1:30 - राना थारु नयाँ नियम

³⁰ और औरेके बदनाम करन बारे, परमेश्वरके घृणा करन बारे, हेंकण, अहंकारी, अभिमानी, दुष्ट काम ढुँणत नेँगन बारे, अइयादौवाके आज्ञापालन नाए करन बारे,

परमेस्वर को सच्चो वचन

³⁰ और बदनामी करन बारे, परमेस्वर कै अच्छो ना मानन बारे, दुसरेन को आदर नाय करन बारे, अभिमानी, फोकिया, बुरी बात करन बारे, अपने अईय्या-बाबा को कहनो नाय मानन बारे;

रोमियों 1:30 Σταυροειδείς Αναφορές

मत्ती 15:4

काहेकी परमेश्वर कही हए, ‘अपन अइयादौवाके आदर करओ,’ और ‘जो अपन अइयादौवाके बिरुद्धमे खराब बात बोलैगो बोके मरनए पणैगो।’

मत्ती 16:21

येशूके कैसे यरूशलेम सहरमे जानपणैगो, और यहूदी अगुवनको समुह और मुखिया यहूदी पुजारी और मोशाको नियम कानुन सिखान बारेसे बहुत कष्ट भोगन पणैगो, मरन पणैगो और तिसरो दिनमे जिन्दा हुइके उठन पणैगो करके येशू बहे बेरासे अपन चेलनके बातनलागो।

लूका 21:16

पर तुमर अइयादौवा, ददाभइया, नातेदार और सँगी फिर तुमके पकणाए देहएं, और तुम मैसे कोइ-कोइके बे मारङगे।

यूहन्ना 7:7

संसार तुमके घृणा नाए कर्पएहए, पर मोके त घृणा करत हए, काहेकी मए संसारको चालचलन खराब हए कहिके गवाही देत हओं।

प्रेरित 5:36

काहेकी आजके दिनसे पहिले थूदास फिर मए बडो आदमी हओं करके दाबी करी, और लगभग: चार सओ आदमी बोके पिच्छु लागे। पर बो मरिगओ; और बोके पिच्छु लागन बारे सब तितरबितर भए और सब मरिगए।

रोमियों 2:17

पर तुम अपनएके यहूदी कहात हओ और मोशाको नियम कानुनमे भरोसा करत हओ। और घमण्ड करत हओ, कि तुम परमेश्वरके खास आदमी हओ।

रोमियों 2:23

तुमर ठिन परमेश्वरको नियम कानुन हए कहिके घमण्ड हए, का तुम बहे ब्यवस्था नाए मानके परमेश्वरके अनादर करत हओ?

रोमियों 3:27

तओ, का अइसो कुछ हए, जोके बारेमे हम घमण्ड कर सकएं? घमण्ड करनको त बातए नैयाँ। कौनछो नियमके कारणसे हम घमण्ड करएं? का जा जहे कारण हए, कि हम नियम कानुनके पालन करत हएं? नाए! बिरकुल नाए! बल्कि, येशू ख्रीष्टमे हमर बिश्वासको कारण हममे धर्म-कर्मको घमण्ड करनकी बातए नाए आत हए।

2 कोरिन्थी 10:15

हम सिमा नाँघके दुस्रेनको मेहेनतमे गर्ब नाए करत हएं, पर हमर आसरा जा हए, कि तुमर बिश्वास बढतए जात पेती तुमर बीचमे हमर काम और जद्धा बढतए जाबैगो।

2 कोरिन्थी 12:20

काहेकी मोके डर हए, कहुँ अइसो नाए होए, कि मए आएके जैसो चाँहत हओं, उइसो तुमके नाए पामओं। और मोके फिर जैसो तुम नाए चाँहत हओ उइसीयए पाबओ। मोके डर हए, कि तुममे लडाइ, डाह, क्रोध, स्वार्थ, बिजरो, चुग्ली, घमण्ड और गोलमाल हुइ सकत हए।

2 थेसलोनिकी 2:4

बो दुष्ट आदमी परमेश्वरको बिरोध करैगो और दुस्रे सब चीजके जौनके आदमी आराधना करत हएं, और परमेश्वरके रुपमे बुलात हएं। और बो अपनएके जे सबसे बडो मानैगो। हियाँतककी दुष्ट आदमी परमेश्वरको मन्दिरमे बैठैगो। और बो, आदमीके ठिन अपनएके परमेश्वर हओं कहिके कएहए।

2 तिमोथी 3:2

काहेकी आदमी सिरफ अपनएके माया करंगे, धनको लोभ करंगे, अपनएके बडे सम्झंगे, घमण्डी होमंगे, औरेन्के बदनाम करन बारो शब्द मस्कंगे, अइयादौवाको आज्ञा नाए मानंगे, धन्यबाद नाए देन बारे, अपबित्र होमंगे,

तीतुस 3:3

काहेकी हम फिर पहिले समयमे मुरख, परमेश्वरको आज्ञापालन नाए करन बारे, और आदमीनसे धोखा खाएभए हएं, और हम हर मेलके खराब काम करनके नाए छोडपात रहएं, जौनके हम करन चाँहत रहएं। अइसे करके हमके आनन्द मिलत रहए। और हम अपने समय खराब तरिकासे ब्यबहार करनमे और दुस्रे आदमीनसे डहा करनमे बितात रहएं। और हम घृणित आदमी रहएं; हर कोइ आदमी हमसे घृणा करत रहए, और हम बोसे घृणा करत रहएं।

याकूब 3:5

उइसीयए जिभ फिर एक छोटो अंग हए, पर बडे-बडे बातमे घमण्ड करत हए। देखओ, छोटोसे-छोटो आगीकी चिँल्गी फिर बडोसे-बडो जंगलके जलाए देतहए।

याकूब 4:16

पर अब तुम अपनो घमण्डी योजनाके बारेमे घमण्ड करत हओ। अइसे घमण्ड करनो अच्छो नाएहए।

2 पतरस 2:18

जब बे आदमीनके सिखात हएं तओ बे बिना कामके और गर्बके सब्द इस्तमाल करत हएं। बे आदमीनके, अपन शरीरके चाहो भओ लाज लगन बारो काम करन सिखात हएं और बे आदमीनके फिरसे पाप करनके ताहीं धोखा देत हएं, जौन आदमी भर्खर दुष्ट जीबन शैलीके त्यागी हएं।

यहूदा 1:16

जे आदमी बिनके सँग भओ सबए बातके ताहीं परमेश्वरके दोष लगात हएं और गुनासो करत हएं और बे अपनो इच्छा अनुसार करनके खोजो भओ दुष्ट काम करत हएं। बे अपने बारेमे घमण्ड करत हएं और बे अपनो चाहो भओ बात पानके ताहीं, औरे आदमीनको प्रसंसा करो दिखावा करत हएं।