प्रकाश 22:17 - राना थारु नयाँ नियम

¹⁷ पबित्र आत्मा और थुमाको दुलहीन येशूसे कही, “तुमके जरुर करके आन पणैगो।” हर एकजनै, जो जा बात सुन्तहएं बोके फिर कहान पणैगो, “आबओ।” जो फिर प्यासो हए, बो आबए और बहे पानी पिबए जो सेँतएमे जीबन देतहए।

परमेस्वर को सच्चो वचन

¹⁷ आत्मा और दुल्हेन दोनों कहथैं, “आ!” और जो कोई जौ सुनथै, बौ भी जौ कहबै, “आ!” और जो प्यासो होबै, बौ आबै और जो कोई चाहे बौ जिंदगी को पानी सेंत-मेंत लेबै।

प्रकाश 22:17 Σταυροειδείς Αναφορές

यूहन्ना 1:37

जा सुनके बे दुई चेला येशूके पिच्छु लग्गए।

यूहन्ना 4:10

येशू बोके जबाफ दइके कही, “तए नाए जानतहए, कि परमेश्वर तोके देन चाँहत हए। और तए जा फिर नाए जानतहए, कि तोसे पानी मागन बारो कौन हए। अगर तए जनतो कहेसे, तए मोसे मँगतो तओ मए तोके बो पानी देतो, जो जीबन देतहए।”

यूहन्ना 4:11

बो बैयर येशूसे कही, “हजुर, तुमरसँग पानी भरन बारो बर्तन कुछु फिर नाएहए, और कुँइयाँ फिर बहुत गहिरी हए। तओ तुमर ठिन बो पानी कहाँसे अएहए जौन पानी जीबन देत हए?

यूहन्ना 4:14

पर जौनकोइ मिर दइभइ पानी पिइहए, बोके कभु प्यास नाए लगैगो। और जौन पानी मए बोके देमंगो, बो अइसो पानी देतएरहान बारो कुँइँयाँ बन्जएहए, जौन बोके कभी फिर नाश नाए होन बारो जीबन देहए।”

यूहन्ना 4:29

“आओ, एक आदमीके देखओ, जौन मए करोभओ सब कामके बारेमे मोके बताए दइ। कहुँ बहेता ख्रीष्ट नाएहए?”

यूहन्ना 7:37

अब तेवहारको अन्तिम दिन और तेवहारको मुख्य दिनमे, येशू ठाणके सबए सुनपामएं करके चिल्लाएके कही, “अगर कोइ प्यासो हए तओ बा मिर ठिन अबए और पिबए।

रोमियों 3:24

पर परमेश्वर अपनो अनुग्रहसे हमके येशू ख्रीष्टके द्वारा हमर पापनको दण्डसे छुटकारा करत हए, हम कुछ करे बिना परमेश्वर हमके धार्मि घोषित करी हए।

1 कोरिन्थी 2:12

हम उइसे नाए सोँचत हएं, जैसे संसारके आदमी करत हएं; बल्कि हम बो आत्मा पाए हएं जो परमेश्वरके घेनसे आत हए। हम जा बरदान जहेमारे पाए ताकी हम परमेश्वरको दओ भओ सब बातनके जान पामएं।

प्रकाश 14:13

फिरसे मए स्वर्गसे कोइके मस्कत सुनो, और बा मोसे कही: “जे बातनके हियाँ लिख। अबसे, अइसे आदमी धन्यके हएं, जो परमेश्वरमे बिश्वास करके मरत हएं।” तओ पबित्र आत्मा पक्का करी और कही, “जा सत्य हए। बे धन्यके हएं, काहेकी बे अपनो कठिन परिश्रमसे अराम करंगे और बिनको करोभओ कामसे उनके इनाम दओ जाबैगो।”

प्रकाश 2:7

हरकोइ, जो मिर सन्देशके सम्झन चाँहत हए, बोके बे बातके ध्यानसे सुनन पणो जो परमेश्वरको पबित्र आत्मा मण्डलीनसे कहात हए: ‘बे आदमी जो बुराइके हराए देत हएं, उनके मए जीबन देन बारो पेणसे फल खानको अधिकार देमंगो, जो पेण परमेश्वरको स्वर्गको बगियामे हए।’”

प्रकाश 21:2

मए पबित्र सहरके फिर देखो, जोकी स्वर्गको यरूशलेम रहए, जो सहर परमेश्वरके ठिनसे स्वर्ग मैसे तरे आत रहए। बो सहरके एक दुल्हीन कता तयार करोगओ रहए, जौनके लत्ता पैँधाओगओ रहए और सिंगार करोगओ रहए और जो दुलहासे बेहा करनके ताहीं तयार हए।

प्रकाश 21:6

बा मोसे कही, “अब सब खतम हुइगओ। महीँ हओं जौन सब चिजनको सुरुवात करो, और महीँ हओं जो सब चीजके खतम करंगो, सुरु और अन्त महीँ हओं। जोकोइ फिर प्यासो हए, बोके मए बहे पानीको भकभकासे सेँतएमे पानी पिइनके देमंगो जौन कभी फिर नाश नाए होन बारो जीबन देतहए।

प्रकाश 21:9

और फिर बे सात स्वर्गदूत मैसे एक जनै, जौन आदमीनके उपर सात अन्तिम बिपत्ति भरेभए सात कटोरा अख्नाइ रहएं, उन मैसे एक आएके मोसे बात करी और अइसे कही, “आ, मए तोके दुलहीन दिखामंगो जौननको जल्दीए थुमासे बेहा होबैगो।”

प्रकाश 22:1

तओपिच्छु स्वर्गदूत मोके एक नदिया दिखाइ जोमे जीबनको पानी रहए। पानी सफा सिसा कता चम्कत रहए। जा पानी परमेश्वर और थुमाको सिंहासनसे बहात रहए।

प्रकाश 22:16

मए येशू, अपनो स्वर्गदूतनके तुमर ठिन मण्डलीके ताहीं जा गवाही देन पठाओ हओं, जो परमेश्वरको आदमीनको समुहसे हएं। मए दाऊद राजाको जर हओं। मए बहे हओं, जौनके सुबेरेको तारा अर्थात् सबसे जद्धा चम्कन बारो तारा कहोजात हए।”

प्रकाश 7:17

काहेकी थुमा, जो सिंहासनके बीचमे हए, उनकी रेखदेख करैगो। उइसीयए, जैसे एक बकरेहेरा अपने भेंणाके रेखदेख करत हए। और बा उन्हएं ताजा पानी पिनके ताहीं लैजाबैगो जो आदमीनके जीबन देतहए। और परमेश्वर उनकी आँखीसे सब आँसु पोँछ डारैगो।”