प्रकाश 19:6 - राना थारु नयाँ नियम

⁶ तओपिच्छु, मए जो सुनो बो बहुत जद्धी आदमीनको चिल्लाओभओ अबाज कता लागत रहए। जा अबाज बडो झरनासे गिरो भओ पानी कता और गर्जनको अबाज कता रहए। बे कहीं, “हल्लेलूयाह! काहेकी हमर सर्बशक्तिमान परमेश्वर राजा हए।

परमेस्वर को सच्चो वचन

⁶ फिर मैं सुनो एक बड़ी भीड़ की अबाज जैसी, एक गरजन बारे झरना की अबाज के तराहनी, और गड़गड़ाहट की तेज अबाज के तराहनी। मैं उन्हैं जौ कहत सुनो, “परमेस्वर की स्तुति करौ! काहैकि हमरो प्रभु, सर्वसक्तिमान परमेस्वर राजा है!

प्रकाश 19:6 Σταυροειδείς Αναφορές

मत्ती 6:13

हमके सतावटमे पणनके मत् दियओ, पर शैतानसे छुटैयओ। काहेकी राज्य, पाराक्रम और महिमा सदासर्वदा तुमरी हए, आमेन।”

प्रकाश 1:15

बाको पाउँ आगीको भट्टीमे निख्रो भओ फूलके बर्तन कता रहएं, और जब बा मस्कत रहए बाको अबाज बडो झरनासे आन बारो अबाज कता सुनाइ देत रहए।

प्रकाश 1:8

प्रभु परमेश्वर कहात हए, “महीँ हओं जौन सब चिजनको सुरुवात करो, और महीँ हओं जो सब चीजके खतम करंगो। मए बहे हओं, जो समयकी सुरुवातसे लैके अबतक और हमेसएके ताहीं नाए बद्लत हओं, मए सर्बशक्तिमान परमेश्वर हओं।”

प्रकाश 12:10

फिर मए स्वर्गसे जा बडो सब्द आत सुनो, “अब हमर परमेश्वर अपने आदमीनके बचाबैगो! अब बा अपनो शक्तिके इस्तमाल करैगो और राजाके रुपमे राज्य करैगो! अब बोको ख्रीष्ट संसारमे अपनो अधिकारको दाबी करैगो! काहेकी रातदिन हमर बिश्वासी ददाभइयनके दोष लगातए शैतान अब हमर परमेश्वरको उपस्थितिमे नाए ठाणैगो। बोके स्वर्गसे बाहिर फेँको गओ हए।

प्रकाश 14:2

और मए स्वर्गसे कोइ पानीको झरना कता बडो अबाज या गर्जनको बडो अबाज कता सोनो। जा बीणा बजान बारो अपनो बिणा बजाएके निक्रन बारो सुर कता लगत रहए।

प्रकाश 19:1

जब शक्तिशाली स्वर्गदूत मसक्डारी, तओ मए स्वर्गसे एक बडो आदमीनको समुह अइसो कहात जैसो सुनो, जो अइसो रहए, “हल्लेलूयाह! मुक्ति, महिमा और शक्ति हमर परमेश्वरके हएं।

प्रकाश 19:4

और बे चौबिसौ धर्मगुरु और बे चार जिन्दा प्राणी घुपटा पणके, सिंहासनमे बिराजमान भओ परमेश्वरके अइसे कहिके दण्‍डवत्‌ करीं, “आमेन, हल्लेलूयाह!”

प्रकाश 21:22

मए कोइ मन्दिर नाएदेखो काहेकी सर्बशक्तिमान परमेश्वर और थुमा बो सहरमे हएं। जहेमारे हुवाँ मन्दिरको कोइ जरुरत नाए हए।

प्रकाश 4:5

बो सिंहासनसे बिजुली, अबाज और गर्जन निक्रत रहए और बो सिंहासनके अग्गु सात बत्ति पज्रे रहएं जे परमेश्वरके सात आत्मा हएं।

प्रकाश 6:1

फिर मए देखो, कि थुमा बे सात मोहर मैसे एकके खोली; और मए चार जिन्दा प्राणीन मैसे एकके बुलात सुनो। बोको अबाज गर्जन कता तेज रहए। बो कही, “अब जा, अग्गु बढ।”

प्रकाश 8:5

तओ फिर स्वर्गदूत धुपौरो लैके बेदीके उपरसे पजरत अंग्रासे भरदइ, और पृथ्वीमे फेँकदइ और सिंहासनसे बिजुली, अबाज और हलाचाला आओ।