प्रकाश 13:15 - राना थारु नयाँ नियम

¹⁵ दुस्रो राक्षसके परमेश्वरके द्वारा पहिलो राक्षसको मूर्तिके बनाएके बोके जिन्दा करनको अनुमति दओगओ रहए, ताकी राक्षसको मूर्ति बोल पाबए। और बे आदमीनके मरबाए डारए, जो बो राक्षसको मूर्तिके आराधना नाए करत हएं।

परमेस्वर को सच्चो वचन

¹⁵ दूसरे जानवर कै पहले जानवर की मूर्ति मैं जान डारन की इजाजत दई गई, ताकी मूर्ति बात कर सकै और बे सबन कै मार डारै जो बाकी आराधना नाय करथैं।

प्रकाश 13:15 Σταυροειδείς Αναφορές

याकूब 2:26

जैसे शरीर साँस बिना मरो होतहए, उइसीयए बिश्वास फिर भले काम बिना मरो होतहए।

प्रकाश 13:1

मए एक राक्षसके समुन्दर मैसे निक्रत देखो, जौनके सात मुण और दश सिंग रहएं। और बक हर सिंगमे एक मुकुट रहए और बक हर मुणमे परमेश्वरके बिरुद्धमे बदनामको नाउँ रहएं।

प्रकाश 13:12

जा दुस्रो राक्षस बो पहिलो राक्षसको सब अधिकारको इस्तमाल करत रहए। दुस्रो राक्षस पृथ्वी और जामे रहान बारेनसे बो पहिलो राक्षसको आराधना करबात रहए, जौनको दुखौनोको निसान ठिक हुइगओ रहए।

प्रकाश 13:14

पहिलो राक्षसको शक्तिसे अचम्मोके काम करेके कारणसे बहुत आदमी दुस्रो राक्षससे प्रभाबित भए और धोखा पाइं। दुस्रो राक्षसके द्वारा आदमीनसे कहोगओ, कि बे पहिलो राक्षसको पुजा करनके ताहीं एक मूर्ति बनामएं, जो हथियारसे अध्मरा हुइगओ रहए, पर फिरसे अच्छो हुइगओ रहए।

प्रकाश 14:11

आगीसे निक्रन बारो धुवाँ जौन बिनके दुख देबैगो बो हमेसा बादर घेन उणतए रहाबैगो। रातदिन बिनके सताओ जएहए, काहेकी बे राक्षसको और बोको मूर्तिको आराधना करीं और बे बो राक्षसको नाउँको छाप लैं।”

प्रकाश 14:9

तओ फिर तिस्रो स्वर्गदूत और दुई स्वर्गदूतनके पिच्छु लागो। जा बडो अबाजसे अइसे कहात बिनके पिच्छु आओ, “जो कोइ फिर आदमी बो राक्षसको या बोको मूर्तिके आराधना करैगो और जौनको माथोमे या बोको हातमे छाप लागो हए,

प्रकाश 16:2

जहेमारे पहिलो स्वर्गदूत कटोरामे भओ चीज पृथ्वीमे अख्नाइ, और डर लागन बारो और पिरान बारो दुखौनो बे आदमीनमे दिखाइ पणो, जोमे बो राक्षस अपनो छाप लगाए रहए। और बे आदमीनमे दिखाइ पणो, जौन बोको मूर्तिकी आराधना करी रहएं।

प्रकाश 16:5

तओ मए बो स्वर्गदूतके अइसे कहात सुनो, जौनके पुरो रुपमे पानीमे अधिकार रहए, बो परमेश्वरसे कही, “हे पबित्र परमेश्वर, जो समयकी सुरुवातसे लैके अबतक और हमेसा नाए बद्लत हओ, तुमर दओगओ सजाय ठिक हए।

प्रकाश 17:14

बे थुमाके बिरुद्धमे युद्ध करंगे, पर थुमा उनके हराए देबैगो, काहेकी बा प्रभुनको प्रभु और राजनको फिर राजा हए। बा अपनो बुलाएभए, चुनेभए और विश्वासयोग्य आदमीनके सँग बिनके हराए देबैगो।”

प्रकाश 17:17

बो बैयर जोके तए देखो रहए, बो एक बहुत बडो सहर हए जो पृथ्वीमे सब राजनमे शासन करत हए। जे सब चीज बो बैयरके भओ रहए, काहेकी परमेश्वर अपने उदेश्य पुरा करनके ताहीं उनको मनके निर्देशन करीहए। जहे कारण हए, कि बा अपनो अधिकार राक्षसके दइदइ हए ताकी बो शासन करए, जबतककी बो सब पुरा नाए हुइजाए जो परमेश्वर कही रहए।”

प्रकाश 17:6

और मए देखो, कि बो बैयर परमेश्वरके पबित्र आदमीनको खुन पिइके दर्हुया कता नसा हुइगइ रहए। काहेकी बे येशूमे बिश्वासयोग्यतासे येशूको अनुशरण करे रहएं। जा देखके मोके बहुत अचम्मो लागो।

प्रकाश 18:20

तुम जो स्वर्गमे बैठत हओ, बोके सँग भओ बातमे आनन्द मनाबओ! हे पबित्र आदमी, चुनेभए चेला और अगमबक्ता आनन्द मनाबओ। काहेकी परमेश्वर बेबिलोन सहरके बे बातनके ताहीं दोषी ठहिराइ हए, जो काम बा तुमर सँग करीहए।”

प्रकाश 18:24

परमेश्वर बेबिलोन सहरके जा कारणसे सजाय दइ, काहेकी बो सहर अगमबक्तनके, पबित्र आदमीनके और संसारमे भए सबए आदमीनके मारनको दोषी रहएं।”

प्रकाश 19:20

तओ बो राक्षस और बोके सँगमे दुस्रो राक्षस फिर पक्णोगओ, बो झुठो अगमबक्ता राक्षसको तरफसे अचम्मोके चिन्हा दिखाइ और सबए आदमीनके धोखा दइ, जौन राक्षको छाप लगाए रहएं, और जौन बोको मूर्तिके आराधना करे रहएं। जे दुनौ आगी और गन्धकको कुण्डामे जिन्दए फेँकेगए।

प्रकाश 20:4

और फिरसे मए कुछ सिंहासन देखो, जोमे बैठन बारेनको मुण कटो गओ रहए, काहेकी बे येशूको सन्देश और परमेश्वरको बचनके परचार करी रहएं। जे राक्षस या बोको मूर्तिको आराधना नाए करी रहएं, और जे अपनो माथोमे और हातनमे राक्षसको छाप नाए लगाए रहएं। बे फिरसे जिन्दा भए रहएं और सिंहासनमे बैठे रहएं। परमेश्वर बिनके राज्य करनके अधिकार दइ, और बे ख्रीष्ट सँग एक हजार बर्षतक राज्य करीं।