प्रकाश 1:5 - राना थारु नयाँ नियम

⁵ और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

परमेस्वर को सच्चो वचन

⁵ और ईसु मसीह के घाँईं से, भरोसा के काबिल गभा है, जो मौत से पहलिये जिलाओ गौ, और जो दुनिया के सब राजन को मुखिया भी है। बौ हमसे प्यार करथै, और अपने खून के जरिया बौ हमैं हमरे पापन से आजाद करी है।

प्रकाश 1:5 Σταυροειδείς Αναφορές

मत्ती 20:28

जैसी आदमीको लौंणा फिर सेवा पानके नाए, पर सेवा करन और बहुतनको पापनके मोल तिरके छुटानके ताहीं मोलके रुपमे अपन प्राण देन आओ।”

मत्ती 28:18

तओ येशू बिनके ठिन आएके कही, “स्वर्ग और पृथ्वीको सब अधिकार मोके दओगओ हए।

यूहन्ना 13:1

यहूदीनको निस्तार तेवहार सुरु होनसे पहिले येशू जानलै, कि अपना संसार छोडके दौवा परमेश्वरके ठिन लौट जानको समय आनलागो हए। बा संसारमे भए अपन चेलनके सब दिन प्रेम करत रहए। और बा बिनके आखिरी समय तक अपनए कता प्रेम करी।

यूहन्ना 13:34

“अब मए तुमके एक नयाँ आज्ञा देत हओं: तुम एकदुस्रेके अपनए कता प्रेम करओ। जैसी मए तुमके प्रेम करत हओं, उइसियए तुम फिर एकदुस्रेसे उइसी प्रेम करओ।

यूहन्ना 15:9

“जैसे दौवा मोसे अपनए कता प्रेम करीहए, उइसीयए मए फिर तुमके प्रेम करंगो, और तुम मिर प्रेम सँग एकतामे रहियए रहाबओ।

यूहन्ना 18:37

पिलातस येशूसे पुछीं, “का तुम राजा हओ?” येशू जबाफ दइके कही, “तुमही कहात हओ, कि मए राजा हओं। मए जनम लेन और संसारमे आनको कारण जा हए, कि मए सत्यके बारेमे सिखाए पामओं। सत्यके पालन करन बारे सब मेरी बात सुन्तहएं।”

यूहन्ना 3:11

नेहात्तओ, मए तोसे कहात हओं, हम जो जानत हएं बहे कहात हएं, और हम देखत हएं बहेको गवाही देत हएं। पर हम जो कहात हएं, तुम बोके उपर बिश्वास नाए करत हओ।

यूहन्ना 3:16

काहेकी परमेश्वर संसारके आदमीनसे अइसो प्रेम करी, कि बा अपन ठिन रहो एकलौटो लौंणा दइदइ, ताकी बाके उपर बिश्वास करन बारे कोइ फिर नाश नाए होबए, पर कभी फिर नाश नाए होन बारो जीबन पाबए।

यूहन्ना 3:32

जो कुछ बे देखीं, और सुनिहएं, बहेको गवाही बे देत हएं, तहुँफिर बहुत कम आदमी बाको गवाही ग्रहण करीं।

प्रेरित 20:28

तुम अपन ताहीं और अपने पुरा समुहके ताहीं साबधान रहियओ। पबित्र आत्मा तुमके समुहको मण्डलीको अगुवा बनानके कारणसे तुम, ख्रीष्टको अप्नो खुनसे किन भओ परमेश्वरको मण्डलीको रेखदेख तुम करओ।

प्रेरित 26:23

अगमबक्ता कहिडारी रहएं, कि ख्रीष्टके दुख भोगके मरन पणैगो, बा मरे भए मैसे जिन्दा होनमे सबसे पहिलो होबैगो और बा यहूदी और गैर-यहूदीनके परचार करैगो कि बे मुक्ति पाए सकत हएं।”

रोमियों 3:25

परमेश्वर, ख्रीष्ट येशूके हमर ताहीं पाप क्षमाको बलिदान स्वरुप दइके ख्रीष्टको खुन हमर ताहीं बहाओ गओ हए कहिके बिश्वास करन बारे आदमीनको पाप मिटाए दइ हए। परमेश्वर पापको सजाय ख्रीष्टमे दइके अपनएके न्यायी दिखाइ। परमेश्वर ख्रीष्ट आनसे पहिले अपनो गुस्सा थामके आदमीके पापको सजाय नाए दइ।

रोमियों 8:37

पर जे सब खराब बातके उपर बाके द्वारा पुरा रुपसे जीत हम्रीए हए, जो हमसे प्रेम करत हए।

1 कोरिन्थी 6:11

पहिले तुम मैसे कुछ उइसीयए ब्यबहार करत रहओ, पर तुम प्रभु येशू ख्रीष्टके नाउँसे और हमरे परमेश्वरको आत्मा तुमर पापनके धोए दइ, और तुमके पबित्र बनाइ और तुमके धर्मी बनाइ।

गलातियों 2:20

जा अइसो रहए, जैसे मए ख्रीष्टके सँग क्रूसमे मरीगओ, और अब मए जिन्दा नाए हओं, पर ख्रीष्ट मोएमे जीइत हए; जैसे मए अब जिइरहो हओं। अब मए परमेश्वरको लौंणामे भरोसा करके जीइ रहो हओं, जो मोसे इतनो जद्धा प्रेम करत हए, कि बा मेरे ताहीं अपनी ज्यान दइदइ।

इफिसियों 2:4

पर परमेश्वर बहुत दयालु हए, बा अपनो महान प्रेमसे हमके प्रेम करी।

इफिसियों 5:2

ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।

कलस्सी 1:18

जैसे आदमी अपन मुणसे शरीरके नियन्त्रण करत हए, उइसी ख्रीष्ट अपन मण्डलीके नियन्त्रण करत हए, बहे सुरु हए, और मरे भए मैसे जीइ उठन बारो मैसे पहिलो हए, ताकी सब बातमे बहे बडो होबए।

1 तिमोथी 6:13

सबके जीबन देन बारो परमेश्वरके और सँगए-सँग हाकिम पन्तियस पिलातसके अग्गु न्यायके ताहीं लाओभओ समयमे मजबुतसे सच्चो बात कहान बारो येशू ख्रीष्टके साक्षी धरके मए तोके जा आज्ञा देत हओं।

1 तिमोथी 6:15

और परमेश्वर जो इकल्लो राजा हए, जो प्रसंसाको लायक हए, राजनको सबसे महान राजा और प्रभुनको प्रभु हए, बहे ख्रीष्ट येशूके ठिक समयमे प्रकट करैगो।

हिब्रू 10:29

अगर मोशाको नियम कानुन अनुसार सजाय उइसीयए रहए कहेसे, जौन परमेश्वरको लौंणाके स्वीकार नाएकरैगो बोके औ जद्धा सजाय होबैगो। बो परमेश्वरको लौंणाको पाउँसे कुल्चदइ हए, जौनके बो आदर नाए करत हए। बो ख्रीष्टको खुनके अशुद्ध मानत हए, जौन परमेश्वर बोके पबित्र बनानके ताहीं नयाँ करार सुरु करी। बो पबित्र आत्माके अपमान करी, जोसे बो अनुग्रह पाइ रहए।

हिब्रू 9:14

जा सोँचओ, कि मृत्यु घेन लैजान बारो कामसे ख्रीष्टको खुन हमर हृदयके त झन् कित्तो अच्छेसे शुद्ध बनाए सकत हए, ताकी हम जिन्दा परमेश्वरको आराधना कर पामएं। काहेकी अनन्त आत्माको शक्तिसे ख्रीष्ट हमके हमर पापके ताहीं एक सिद्ध बलिके रुपमे परमेश्वरके चढाइ।

1 पतरस 1:19

पर ख्रीष्टको बहुमोल खुनसे किनेगए हओ, जो निर्दोष और निष्खोट भेंणा कता रहए।

1 यूहन्ना 1:7

बहे करएं, जो अच्छो हए, जैसे परमेश्वर सिद्ध रुपमे बहुत अच्छो हए उइसियए हम फिर अच्छो जीबन जीइके, परमेश्वर और औरे आदमीनके सँग संगती करएं, तओ बाको लौंणा येशू ख्रीष्टको खुनसे हमके सब पापसे शुद्ध करैगो।

1 यूहन्ना 4:10

सच्चो प्रेम जा हए, कि हम परमेश्वरसे प्रेम नाए करे बल्कि परमेश्वर हमके प्रेम करीहए, और हमर पाप क्षमा करनके ताहीं अपन लौंणाके बलिदान होनके पठाइ।

प्रकाश 11:15

जब सातौँ स्वर्गदूत अपन तुरही फुँकी, तओ मए स्वर्गमे बडो अबाजके पुकारत सुनो: “संसारमे अब औ कोइ नाए हए, जो राज्य करए। सिरफ हमर प्रभु परमेश्वर और बाको चुनो भओ ख्रीष्ट हए। और बा हमेसा-हमेसाके ताहीं राज्य करैगो।”

प्रकाश 11:3

बो समय मए अपने दुई साक्षीन्के एक हजार दुई सओ साठी दिननके ताहीं मेरे सन्देशनकी घोषणा करनको अधिकार देमंगो। बे शोक करन बारो लत्ता पैँधे होमंगे।”

प्रकाश 17:14

बे थुमाके बिरुद्धमे युद्ध करंगे, पर थुमा उनके हराए देबैगो, काहेकी बा प्रभुनको प्रभु और राजनको फिर राजा हए। बा अपनो बुलाएभए, चुनेभए और विश्वासयोग्य आदमीनके सँग बिनके हराए देबैगो।”

प्रकाश 19:11

तओ मए स्वर्ग खुलो देखो और हुवाँ एक सेतो घोडा रहए। बक उपर सवार होन बारो परमेश्वरको बिश्वासयोग्य और सच्चो सेवक कहोजात हए। परमेश्वरके दृष्टिमे सही भए अनुसार बा बाके दुश्मनको इन्साफ और युद्ध करैगो।

प्रकाश 19:16

बाको लत्ता और दहिना जाँघमे “राजनको फिर राजा और प्रभुनको फिर प्रभु” लिखो हए।

प्रकाश 2:13

मए जानत हओं, कि तए शैतानको सिंहासनके अधिनमे हए, पर अइसो होतए-होत तए मोएमे अपनो बिश्वासके मजबुत करो हए, और तए मिर शिक्षनके नाए छोडो हए। हियाँतककी, तहुँफिर नाए छोडो, जब बहुत समय पहिले एन्टिपासको हत्या करोगओ रहए। बो मिर बचनके परचार करनमे बिश्वासयोग्य रहए, जहेमारे बोके तेरे सहरमे मारडारीं जो शैतानके अधिनमे हए।

प्रकाश 3:14

येशू मोसे जा फिर कही, “लाउडिकिया सहरके मण्डलीके स्वर्गदूतके जा सन्देश लिख: मए बहे हओं जौनके आमेन कहोजात हए, काहेकी मए बिश्वासयोग्य हओं और मेरे द्वारा परमेश्वरके बारेमे कहीभइ सब बात सत्य हएं। जो कुछ फिर बा सृष्टि करीहए मए बे सबको स्रोत हओं। जो मए तोसे कहात हओं बोके सुन:

प्रकाश 7:14

और मए बोसे कहो, “हे स्वामी, मए नाए जानत हओं पर तए जानत हए।” बो मोसे कही, “जे सेते लत्ता पैँधेभए आदमी बेहिं हएं, जौनको मृत्यु कष्टको भयानक समयमे भओ रहए। जे बे आदमी हएं, जौन थुमाके खुनसे अपनएके सफा बनाए लइ हएं।”