फिलिप्पी 4:17 - राना थारु नयाँ नियम

¹⁷ मए जा चिट्ठी जाकेमारे नाए लिखो, कि मए रुपैया चाँहत हओं, बल्कि मए अइसो फल चाँहत हओं कि, जो तुमर फाइदाके ताहीं बढत जाबए।

परमेस्वर को सच्चो वचन

¹⁷ ऐसो ना है कि मैं सिरफ दान लेनो चाहथौं; बल्किन, मैं तुमरे खाता मैं जुड़े भै फायदा देनो चाहथौं।

फिलिप्पी 4:17 Σταυροειδείς Αναφορές

यूहन्ना 15:16

तुम मोके नाए चुनेहओ बल्कि मए तुमके चुनो और तुमर फरा टिकाउ होबए कहिके मए तुमके नियुक्त करके पठान डटो हओं, काहेकी तुम मिर चेला हओ और तुम मोसे सम्बन्धमे रहाबैगे तओ जो कुछ दौवासे माँगैगे बो तुमए देबैगो।

यूहन्ना 15:8

मिर दौवाकी महिमा जहेसे होत हए, कि तुम बहुत फरा फराओ, तब्ही इकल्लो तुम मेरे चेला बनपाबैगे।”

रोमियों 15:28

जहेमारे, मए सबसे पहिले यरूशलेम सहर जाएरहो हओं, ताकी बे जे जमा करो भओ भेँटी दएपामओं। जाके पिच्छु, फिर मए रोम देशमे आएके तुमसे मिलनके बाद स्पेन देशमे जामंगो।

2 कोरिन्थी 11:16

मए फिरसे कहात हओं, मोए कोइ फिर मुरख नाए सम्झए। पर तुम अइसे सम्झत हओ कहेसे फिर मुरखए कता मोके स्वीकार करओ, ताकी मए फिर कुछु घमण्ड करपामओं।

2 कोरिन्थी 9:5

जहेमारे तुमर प्रतिज्ञा करोभओ आदरमे रुपैयाको ब्यवस्था पहिलीए मिलानके ताहीं मोसे अग्गु बिश्वासी ददाभइयनके तुमर ठिन पठानके मए आवश्यक मानो। तभीमारे जा रुपैया जबरजत्ती नाए, बल्कि राजीखुसीसे दओगओ भेँटीके रुपमे तयार होबए।

फिलिप्पी 1:11

और येशू ख्रीष्टके द्वारा तुममे धर्मी काम दिखाइ पणए, जोसे परमेश्वरको महिमा और स्तुति होत रहाबए।

फिलिप्पी 4:11

जा नाएकी मेरे सँग बे सब चीज नाए रहएं, जो मोके जरुरी रहए। काहेकी मए जा सिखो हओं, कि जैसो परिस्थितिमे होए, बहेमे सन्तुष्ट रहान पणत हए।

1 थेसलोनिकी 2:5

तुम जानत हओ, कि हम नए त कभी कोइसे अच्छो बात करके फसाए हएं, और नए त हम तुमसे धन पानके ताहीं लोभ करेहएं। परमेश्वर जाको साक्षी हए, कि हम अइसे नाए रहएं।

1 तिमोथी 3:3

बो एक दरोहा आदमी या अइसो आदमी नाए होन पणो जो हमेसा लडतए रहात हए। पर बो दयालु और शान्त स्वाभावको आदमी होन पणो। और बाद-बिबाद करन बारो नाए होए और धनको लालची नाए होबए।

1 तिमोथी 6:10

काहेकी धनको प्रेम सब किसिमको खराबीको जर हए, कुछ आदमी धीरे-धीरे ख्रीष्ट येशूको शिक्षामे बिश्वास करन छोड दइ हएं। काहेकी बे धनके बहुत चाँहत रहएं। और अब अपनए-अपनएके कोइ एक हथियार लैके अँदाओ कता बे बहुत मेलके दुखमे पणे हएं।

तीतुस 1:7

काहेकी मण्डलीके रेखदेख करन बारे अगुवा परमेश्वरको कामके जिम्मा लए होत हएं। जहेमारे बे कोइ दोष नाए भए बारे आदमी होन पणत हए। बे अपनो मनपरी करके घमण्डसे फुलन बारे, जल्दी गुस्सान बारे, दारु पिन बारे, लडाइ करन बारे और मनमे लोभ होन बारे नाए होमएं।

तीतुस 3:14

सिरफ इतकए इकल्लो नाए, तोके बिश्वासीनके सिखातए रहान पणो, कि अपने ध्यानके अच्छे काम करनके ताहीं लगातार मेहेनत करतए रहाएं, ताकी बेहीं आदमीनको जरुरत पुरा करपामएं, जौनके ठिन बिनको जरुरीको चीज कुछु नाए हए। और अइसे कर्नेसे बिश्वासी एक लक्षके सँग अपन जीबन जीइ लेहएं।

हिब्रू 6:10

जैसी तुम अच्छो काम करेहओ और अब परमेश्वरको नाउँमे, परमेश्वरके आदमीनके ताहीं प्रेमसे सेवाको काम करत हओ, परमेश्वर तुमके भुलैगो नाए। काहेकी बा धर्मी हए।

1 पतरस 5:2

जैसे बकरेहेरा अपनो भेंणाके रेखदेख करत हए, उइसीयए तुमके फिर सबए आदमीनको रेखदेख करन पणत हए, जौननके परमेश्वर तुमर जिम्मामे दइ हए। जा अपनो इच्छासे करओ, काहेकी बो परमेश्वर, तुम करओ कहिके चाँहत हए। जा कामके अपने मनसे करओ। जा काम रुपैया पानके ताहीं मत् करओ, पर परमेश्वर और आदमीनको सेवा करनको इच्छासे करओ।

2 पतरस 2:15

बे ठिक काम करन बन्द करदइ हएं, और बे बहे गलत काम करन सुरु करी हएं, जो बओरके लौंणा बालाम बहुत समय पहिले करी रहए। बो गलत काम करके रुपैया कमानके मन पणाइ।

2 पतरस 2:3

जे गुरु लोभी होमंगे, और तुमसे रुपैया पानके ताहीं तुमके, बनाओ भओ कहानी सुनाएके बे तुमके धोखा देहएं। परमेश्वर बिनके सजाय देबैगो कहिके बहुत पहिले निर्णय करडारी हए, और बा जा करनके तयार हए। बा नेहात्तओ बिनके नष्ट करैगो।

यहूदा 1:11

परमेश्वर बिनके दण्ड देहए! काहेकी बे कयिनके कता अपनो जीबन खराब तरिकासे जीइत हएं, जौन गुस्साके कारण अपनो भइयाको हत्या करी रहए। काहेकी परमेश्वर बक ददाको भेँटी ग्रहण करी रहए। बे बालाम कता हएं, जौन रुपैया पानके ताहीं परमेश्वरके आदमीनके पाप करबानके कोसिस करी। बे कोरह कता नाश होमंगे, जौन परमेश्वर मोशाके दओ भओ अधिकारके बिरुद्ध बिद्रोह करी रहएं।