फिलिप्पी 3:11 - राना थारु नयाँ नियम

¹¹ ताकी मए फिर मरो भओ मैसे जिन्दा करो जामओं।

परमेस्वर को सच्चो वचन

¹¹ जौ आसा मैं कि मैं खुद मौत से जिलाओ जांगो।

फिलिप्पी 3:11 Σταυροειδείς Αναφορές

लूका 14:14

तओ तुम धन्यके हुइहओ, काहेकी बे तुमर गुन घुमाए नाए पए हएं। जब धर्मीजान फिरसे मरके जिन्दा होबैगो तओ परमेश्वर तुमके इनाम देबैगो।”

यूहन्ना 11:24

मार्था बोसे कही, “मए जानत हओं, कि बा न्यायके दिनमे फिरसे जिन्दा हुइके उठजएहए।”

प्रेरित 23:6

पर जा यहूदी सभाघरमे कुछ सदुकीनको समुह और कुछ फरिसीनको समुहके हएं, कहिके पता पाएके पावल जोणसे कही, “ददाभइयओ, मए फरीसी समुहको आदमी हओं और फरिसीनको समुहके सन्तान हओं। मिर मुद्दा चलरहो हए, काहेकी मए आसरा करत हओं कि परमेश्वर मेरे आदमीनके फिर जिन्दा करैगो।”

प्रेरित 26:7

हमरे बाह्र कुल जा आसरा प्राप्त करनके दिनरात एकए मनसे परमेश्वरके आराधना करत हएं। हे राजा अग्रिपास, जहे आसराके ताहीं यहूदी मोके दोष लगात हएं।

प्रेरित 27:12

जाडोको समय बितानके बो बन्दरगाह अच्छो फिर नाए रहए। जहेमारे बहुत जैसे आदमी कोइ हालतमे फिर हुवाँसे जाएके फोनिक्स सहरमे पुगनके कोसिसमे रहएं। क्रेट टापूमे भओ बो फोनिक्स सहरमे दक्खिन-पछार और सिरे-पछार घेन घुमो भओ बन्दरगाह रहए।

रोमियों 11:14

ताकी कुछ रितिसे मए मरे अपने यहूदी जातिनसे जलन कर्बाएके उन मैसे कोइ एकको उद्धार करपाओं।

1 कोरिन्थी 15:23

पर हर आदमी एक ठिक क्रम अनुसार जिन्दा करोजाबैगो; ख्रीष्ट पहिलो आदमी रहए जोके जिन्दा करोगओ; फिर जब ख्रीष्ट लौटके आबैगो तओ बे सब जो ख्रीष्टमे हएं, उनके फिरसे जिन्दा करोजाबैगो।

1 कोरिन्थी 9:22

जब मए बे आदमीनके सँग होत हओं जौनको बिश्वास कमजोर हए, तओ उनके बरोबर ब्यबहार करत हओं। ताकी मए उनके ख्रीष्टके पिच्छु चलनमे मदत करपामओं। मए सब आदमीनके ताहीं सब कुछ बनो हओं, कि कोइन-कोइ रितिसे, कोइ कुछ आदमीके उद्धार करबाए पामओं।

1 कोरिन्थी 9:27

मए अपनो शरीरके काबु करत हओं, ताकी मए दुस्रेनको खराब अभिलाषन्के अनुसार नाए चलओं। कहुँ अइसो नाए होए, कि मए जो दुस्रेनके अच्छो समाचारको परचार करत हओं, और मए अपनए इनाम नाए पामओं।

2 कोरिन्थी 11:3

पर जैसे शैतान साँपके रुपमे अपनी चलाँकीसे पहिले बैयर हव्वाके छली, उइसीयए ख्रीष्ट घेनको तुमर निष्कपट और बाको सेवासे तुमर बिचार भ्रममे पणहएं कि कहिके मोके डर लागो हए।

1 थेसलोनिकी 3:5

तभीमारे जब मए जा जाने बिना रहो, कि तुम कैसे हओ, तओ परीक्षा करन बारो शैतान तुमर परीक्षा त नाए करी होए, और अइसो हुइहए कहेसे हमर मेहेनत बेकार हुइ जाबैगो कहिके मिर मनमे डर रहए। और अइसे नाए होए कहिके मए तिमोथीके तुमर बिश्वासको हाल जाननके ताहीं तुमर ठिन पठाओ हओं।

2 थेसलोनिकी 2:3

पर तुम बे सब गलत बातमे बिश्वास मत् करओ, जो आदमी येशू ख्रीष्टके आनके बारेमे तुमके बताए रहे हएं। प्रभु येशूके लौटके आनसे अग्गु बो दुष्ट आदमी प्रकट नाए भएतक, एक अइसो समय आबैगो जब बहुत आदमी परमेश्वरको बिरुद्धमे बिरोध करंगे।

2 तिमोथी 4:8

अब, परमेश्वर स्वर्गमे मेरे ताहीं एक मुकुट धरेपणे हए, काहेकी मए अपनो जीबनमे बाके खुसी करन बारो जीबन जिइयो हओं। हमर प्रभु येशू ख्रीष्ट जो धार्मिकताको न्यायधीश हए, जब बा लौटके आबैगो मोके बा मुकुट देबैगो। जो मुकुट बा मोके देबैगो बो मेरे ताहीं इकल्लो नाए हुइहए, बल्कि सबके ताहीं जो बाको लौटनको आसरा कर रहे हएं।

हिब्रू 11:35

बिश्वासएसे कुछ बैयर अपने मरे भए आदमीनके जिन्दा पाइं। कितने आदमी त मार खातए-खात मरिगए, पर बे जेलसे छुटनके ताहीं अपनो बिश्वास त्यागन नाए मानीं, ताकी बे मरके फिरसे जिन्दा हुइके औ अच्छो जीबन पाए सकएं।

प्रकाश 20:5

जे आदमी जिन्दा भएन मैसे पहिले रहएं, और जे खास रुपसे धन्य और पबित्र हएं। दुस्रो मृत्युको बिनके उपर कोइ शक्ति नाए हए। बे परमेश्वर और ख्रीष्टको पुजारी होमंगे और बिनके सँग बे एक हजार बर्षतक राज्य करंगे। जा एक हजार बर्षसे पहिले कोइ औ मरे भए आदमीनके जिन्दा नाए करोगओ रहए।