फिलिप्पी 3:1 - राना थारु नयाँ नियम

¹ जहेमारे हे मेरे बिश्वासी ददाभइयओ, तुम प्रभुमे हओ कहिके आनन्दीत रहाओ। जौन बात मए तुमके पहिले लिखो हओं, बेहीं बात तुमके घरी-घरी लिखनमे मोके कोइ झन्झट नाए लागत हए, और जब मए बेहीं बात तुमके घरी-घरी कहात हओं तओ जा बात तुमके झुठे गुरुनसे बचाएके धरैगो।

परमेस्वर को सच्चो वचन

¹ आखरी मैं, मेरे भईय्यौ, प्रभु के संग खुस रहबौ। मैं जो पहले लिखो हौं बाकै दुबारा लिक्खन मैं मोकै कोई दिक्कत ना है, और अगर मैं ऐसो करथौं, तौ तुमरिये भलाई है।

फिलिप्पी 3:1 Σταυροειδείς Αναφορές

मत्ती 5:12

तओ रमाओ और बहुत खुसी होबओ, काहेकी स्वर्गमे तुमर बडो इनाम हुइहए। और अइसियए बहुत समय अग्गु अगमबक्तनके बे सताइ रहएं।”

लूका 1:47

और मए मिर उद्धार करन बारो परमेश्वरमे आनन्दित हओं,

रोमियों 5:11

इतकए इकल्लो नाए, पर अब त प्रभु येशू ख्रीष्टद्वारा परमेश्वरसे हमर मेलमिलाप हुइगओ हए; जहेमारे हम परमेश्वरमे आनन्दित हएं।

2 कोरिन्थी 13:11

अन्तमे बिश्वासी ददाभइया, अब बिदा पामओं। सिध्दताको लक्ष्य धरओ। एक-दुस्रेके उत्साहित करओ। एक-दुस्रेके सँग सहमत होबओ। शान्तिमे रहबओ, तओ प्रेम और शान्तिको परमेश्वर तुमर सँग होबैगो।

इफिसियों 6:10

तुमर ताहीं मिर अन्तिम सब्द जा हए, कि आत्मिक रुपसे प्रभुको शक्तिशाली सामर्थसे मजबुत बनओ।

फिलिप्पी 3:3

काहेकी खास करके हम परमेश्वरके आदमी हएं, जो परमेश्वरको आत्माकी अगुवाईसे आराधना करत हएं, और येशू ख्रीष्टमे घमण्ड करत हएं, और शरीरके उपर भरोसा नाए करन बारे सच्चो खतना हम करेहएं।

फिलिप्पी 4:4

प्रभुमे रोज आनन्द करओ, मए फिरसे कहात हओं, आनन्द करओ।

फिलिप्पी 4:8

जहेमारे, हे मेरे बिश्वासी ददाभइयओ, जो-जो बात सच्चे हएं, और जो-जो बात आदरणीय हएं, और जो-जो बात धर्मी हएं, और जो-जो बात पबित्र हएं, और जो-जो सुन्दर हएं, और जो-जो बात प्रसंसा करनके लायक हएं, अन्तमे जो-जो बात बहुत अच्छे हएं। और अइसे चीज जोके आदमी सम्मान करत हएं, बिन्हिनमे तुमर मन लागो रहाबए।

1 थेसलोनिकी 4:1

हे मेरे बिश्वासी ददाभइयओ, निष्कर्षमे जा हए, कि हम प्रभु येशू ख्रीष्टके नाउँमे तुमसे बिन्ती और आग्रह करत हएं कि अइसे तरिकासे जीबन जीइबओ, जो परमेश्वरके खुसी करत हए, जैसे हम तुमके सिखाए हएं। तुम पहिलीयएसे जा तरिकासे जीइत हओ, और हम तुमके अइसे करनके ताहीं औ जद्धा प्रोत्सहान करत हएं।

1 थेसलोनिकी 5:16

सब दिन खुसी राहओ।

याकूब 1:2

हे मेरे बिश्वासी ददाभइयओ, जब तुममे बहुत किसिमके परीक्षा आमंगे, तओ जाके बडो खुसीको बात समझीयओ।

1 पतरस 3:8

अन्तमे, मए तुमके जा कहान चाँहत हओं, कि बिश्वासी ददाभइयन सँग एकजुटमे बैठओ, एकदुस्रेके ताहीं सोँचे करओ, एकए परिवारको सदस्य कता एकदुस्रेनके प्रेम करओ। एकदुस्रेनके ताहीं दयालु होबओ और एकदुस्रेन सँग नम्र होबओ।

1 पतरस 4:13

जाके बारेमे खुसी होबओ, काहेकी तुम ख्रीष्टको भोगो भओ कष्टमे सहभागी भए हओ। बहेमारे जब ख्रीष्ट सबए आदमीनके अपनो महिमा प्रकट करनके फिरसे आबैगो, तओ नेहात्तओ तुमर आनन्द बहुत होबैगो।

2 पतरस 3:1

हे मेरे प्यारे सँगीउ, मए जे दुनौ चिठ्ठी तुमर ताहीं लिखो हओं, ताकी मए तुमके पहिले सिखाइ भइ बातके याद करबाए पामओं, और तुमर मनमे सफा बिचार जगाए पामओं।