फिलिप्पी 1:6 - राना थारु नयाँ नियम

⁶ मोके जा बातको भरोसा हए, कि परमेश्वर तुममे कुछ अच्छो काम करन सुरु करीहए, और परमेश्वर बो दिनमे पुरा करैगो, जब येशू ख्रीष्ट लौटके आबैगो।

परमेस्वर को सच्चो वचन

⁶ और तभई मोकै यकीन है कि परमेस्वर, जो तुम मैं जौ अच्छो काम सुरू करी है, बहे बाकै मसीह ईसु के दिन ले खतम करैगो।

फिलिप्पी 1:6 Σταυροειδείς Αναφορές

यूहन्ना 6:29

येशू बिनसे कही, “परमेश्वरको काम जा हए, कि तुम मोएमे बिश्वास करओ जौनके बा पठाइ हए।”

प्रेरित 11:18

जा बात सुनके प्रभुमे बिश्वास करन बारे यहूदी ददाभइया पत्रुसके दोष लगान छोडीं और परमेश्वरके प्रसंसा करके कहान लग्गए, “तओ त परमेश्वर गैर-यहूदीनके फिर कभु नाश नाए होन बारो जीबनके ताहीं अपने पाप छोडके परमेश्वर घेन घुमके और येशू ख्रीष्टमे बिश्वास करनको दान दइ हए।”

प्रेरित 16:14

और हमर बात सुनन बारे मैसे लिडिया नाउँ भइ एक बैयर रहए। बो बैयर थिआटीरा कहान बारो सहरसे आएके फिलिप्पी सहरमे बैजनी रंगको लत्ताको व्यपार करत रहए। लिडिया परमेश्वरको डर मानन बारी लौंणीया रहए। पावलकी कहीभइ बातमे ध्यान देनके ताहीं प्रभु बोको मन खोलदइ।

1 कोरिन्थी 1:8

हमर प्रभु येशू ख्रीष्ट पृथ्वीमे लौटके आन बारो दिनमे, तुम निर्दोष होबओ कहिके परमेश्वर तुमके अन्तक बिश्वासमे मजबुत बनाबैगो।

2 कोरिन्थी 1:15

तुम हमके बुझैगे कहिके मोके आसरा रहए, जहेमारे मए तुमके दुई चोटी भेँटनके आएके दोबर आशिष देन चाँहत रहओं।

2 कोरिन्थी 2:3

और मए जो बात लिखो बो जाकेमारे लिखो, कि मए आत पेती जौन आदमीनसे मोके आनन्द मिलनके रहए बिनके द्वारा मए दुखी नाए होमओं। काहेकी, मोके आनन्द हुइहए तओ तुमके फिर आनन्द हुइहए कहिके मिर पक्को बिश्वास हए।

2 कोरिन्थी 7:16

मोके बहुत खुसी लागो हए, कि मए तुममे पुरा भरोसा करपाओ हओं।

2 कोरिन्थी 9:4

अगर माकेडोनिया परदेशके कुछ बिश्वासी मिर सँग आए और तुम उपहारके रुपमे रुपैया नाए दइपाए कहेसे तुमर बिश्वास लायकता द्वारा हम सरममे पणजामंगे, पर तुमके फिर बहुत सरम लगैगो। काहेकी हम तुमर उपर बहुत भरोसा करे रहएं।

गलातियों 5:10

मए परमेश्वरमे भरोसा करत हओं, कि बा तुमके झुठो शिक्षनमे बिश्वास करनसे बचाए रहाबए; पर जो तुमके परेसान करत हए, बो चहुँ कोइ फिर होबए बो परमेश्वरसे दण्ड पाबैगो।

इफिसियों 4:12

उनको जिम्मेदारी जा हए, कि बे परमेश्वरके पबित्र आदमीनके बाको काम करनके ताहीं तयार करएं और ख्रीष्टको शरीर अर्थात् मण्डलीनके निर्माण करएं।

फिलिप्पी 1:10

ताकी तुम सबसे ठिक चीजके छानपाबओ, और उनके स्वीकार करके ख्रीष्टके लौटके आनतक शुद्ध और निर्दोष होतए रहाबओ।

फिलिप्पी 1:29

काहेकी परमेश्वर तुमके सिरफ ख्रीष्टमे बिश्वास करनके इकल्लो नाए, बल्कि दु:ख सहनके फिर अनुग्रह दइ हए, काहेकी तुम बामे बिश्वास करत हओ।

फिलिप्पी 2:12

जहेमारे हे मेरे प्रिय सँगीउ, जब मए तुमर सँग रहओं, तओ तुम सब परमेश्वरको आज्ञा मानतए रहे। अब मए तुमसे दुर भओ हओं, तहुँफिर तुमके जे बातके मानन पणैगो। और तुम सब जनै डरातए, और लग्लागात बे सब काम करओ जो तुमर ताहीं ठिक हए, जौन तुमके परमेश्वर मुक्ति दइ हए।

फिलिप्पी 2:13

काहेकी परमेश्वर तुममे काम कर रहोहए, तभीमारे तुमके बो सब काम करन इच्छा और शक्ति देतहए, जौन काममे परमेश्वर खुसी होतहए।

फिलिप्पी 2:16

और तुम जीबनको अच्छो समाचारके मजबुतसे पकणे रहाबओ। अइसो करे कहेसे जब ख्रीष्ट फिरसे आबैगो, तओ मिर दौड और मेहेनत बेकामको नाए गओ हए कहिके मए घमण्ड कर पामंगो।

कलस्सी 2:12

जब तुमके बप्तिस्मा दओगओ तओ बो जा दिखात हए, कि तुमर पापी स्वभाबके दफ्नाओ गओ हए। अइसीयए जैसे ख्रीष्ट दफ्नाओ गओ रहए। और तुमके एक नयाँ स्वभाबके सँग जिन्दा कराओगओ जैसे ख्रीष्टके जिन्दा बनाओगओ रहए। अइसे जा कारणसे भओ रहए, काहेकी तुम बिश्वास करओ, कि परमेश्वर अपन शक्तिसे ख्रीष्टके मरे मैसे फिरसे जिइबाए दइ।

1 थेसलोनिकी 1:3

जब हम अपनो दौवा परमेश्वरसे प्राथना करत हएं, तओ हम बे कामके याद करत हएं जो तुम बिश्वासके कारण करत हओ। और दुस्रेनके उपर प्रेम दिखानके ताहीं जो कडी मेहेनत तुम करत हओ, और तुम सतावट सहे करत हओ काहेकी तुम प्रभु येशू ख्रीष्टको लौटनको आसरा कर रहेहओ।

2 थेसलोनिकी 1:11

जहेमारे लगातार हम, तुम सबके ताहीं प्राथना फिर करत हएं, ताकी हमर परमेश्वर तुमके बहे करनके लायक बनाबए जो करनके ताहीं बा तुमके बुलाइ हए। और परमेश्वर अपनो शक्तिके द्वारा सब काममे मदत करए ताकी तुमर सब भले इच्छा पुरा होएं और जो कुछ फिर तुम बिश्वाससे कर रहेहओ, बो पुरा होबए।

2 थेसलोनिकी 3:4

और हमके प्रभुमे तुमर भरोसा हए, कि हम तुमके जो कुछ करनके कहे हएं, तुम उइसी कर रहेहओ और करतए रहाबैगे।

फिलेमोन 1:21

मए तोके जा चिट्ठी जहेमारे लिखो हओं, काहेकी मोके बिश्वास हए, कि तए बहे करैगो, जो मए तोसे करनके बिन्ती कररहो हओं। पर मोके पता हए, कि तए बोसे फिर जद्धा करैगो, जो मए तोसे करनके बिन्ती कररहो हओं।

हिब्रू 10:35

जो होएसे फिर प्रभुमे भरोसा करन बारो हिम्मत मत् छोडओ। याद करओ, कि जा तुमर ताहीं बडो इनाम लाबैगो।

हिब्रू 12:2

हमर बिश्वास सुरु करन बारो और पुरा करन बारो येशूके देखत रहाएं। बा भबिष्यमे पान बारो आनन्दके ताहीं कुछु जैसो नाए मानके क्रूसको कष्ट भोगी और मरीगओ, और हबए परमेश्वरको सिहासनमे दहिना हात घेन उँचो सम्मानको ठाउँमे बैठो हए।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

2 पतरस 3:10

पर ख्रीष्ट नेहात्तओ दुबरा लौटके आबैगो। बा चोर कता, नाए सोँचो भओ समयमे लौटके आबैगो। बो बेला बादरमे बडो अबाज होबैगो और बादर हराए जाबैगो। बादरमे भओ सूर्य, जोनी और तारा आगीसे पुरा रुपमे नष्ट होबैगो। बो दिन, आदमी पृथ्वीमे करोभओ सब कामके न्याय करनके ताहीं परमेश्वर प्रकट करैगो।