मर्कूस 13:11 - राना थारु नयाँ नियम

¹¹ जब तुम पकणिगए और तुमके अदालतमे लैचलेगए, तओ का कहमंगे और का बोलंगो करके चिन्ता मत् करीयओ। बो समयमे परमेश्वर जो कुछ फिर तुमसे कहाबैगो, बहे बुलियओ। काहेकी तुम बहे शब्द बोलैगे, जो पबित्र आत्मा तुमके देहए।

परमेस्वर को सच्चो वचन

¹¹ जब बे तुमकै लै जाएकै सौंपैं, तौ अग्गु से चिंता मत करियो कि हम का बोलंगे; और तुमकै जैसो बताओ जाबै बैसोई कहियो; काहैकि बोलन बारे तुम ना बल्किन पवित्र आत्मा है।

मर्कूस 13:11 Σταυροειδείς Αναφορές

मत्ती 10:17

पर आदमीनसे होसियार हुइयओ, काहेकी बे तुमके अदालतमे सौपदेहएं। और बे यहूदी सभाघरमे तुमके कोर्रा लगए हएं।

मर्कूस 13:12

आदमी अपन भइया और बहिनियनके सँग बिश्वासघात करंगे काहेकी बे मिर चेला हएं। अइयादौवा अपन बच्चनके बिरोध करंगे और बच्चा अपन अइयादौवाको बिरोध करंगे और बिनके मारन लगए हएं।

मर्कूस 13:9

“तुम अपनो बारेमे होसियार रहाबओ। तुमर दुस्मन तुमके कचेहेरीमे और यहूदी सभाघरमे लैजएहएं और बे तुमके पिटंगे, काहेकी तुम मिर चेला हओ। जहेमारे हाकिम और राजाके ठिन, जाँचके ताहीं तुम खडा होबैगे और मिर बारेमे तुम गवाही देहओ।

लूका 21:12

पर जे सब बात होनसे अग्गु आदमी तुमके पकणंगे, और सतामंगे, और तुमके यहूदी सभाघरमे सौँपदेहएं, और जेलमे डार देहएं। तुमके मिर नाउँको खातिर राजा और हाकिमके अग्गु पुगाए देहएं

यूहन्ना 3:27

बप्तिस्मा देन बारो यूहन्ना जबाफ दइ, “जब तक आदमीके स्वर्गसे नाए दओ जएहए, तबतक बो कोइ चीज नाए करपए हए।

प्रेरित 2:4

तओ बे सब पबित्र आत्मासे भरीगए, और जौन बरदान पबित्र आत्मा बिनके दइ, बो अनुसार बे फरक-फरक भाषा मस्कन लागे।

प्रेरित 3:13

अब्राहाम, इसहाक और याकूबको परमेश्वर, हमर पुर्खाको परमेश्वरए अपनो सेवक येशूके आदर करी, पर तुम बाके मारनके ताहीं यहूदी अगुवनको हातमे सौँपदए, और जब पिलातस बाके छोडनके बिचार करी, तओ तुम बोके अग्गु अस्वीकार करे।

प्रेरित 4:31

जब बे प्राथना करडारीं तओ जहाँ बे जमा भए रहएं, बो ठाउँ हालिगओ। और बे सब जनै पबित्र आत्मासे भरिगए और बे परमेश्वरको बचन हिम्मतसे सुनातए रहे।

प्रेरित 6:10

तओ बो जो कुछ फिर कही, बे बोको कुछ जबाफ नाए दइ पाइं। काहेकी पबित्र आत्मा बोके बहुत बुद्धिमानीसे मस्कनमे मदत करी।

प्रेरित 6:15

यहूदी सभाघरमे बैठे बे सब बोके देखीं, और बोको चहेरा स्वर्गदूतको चहेरा कता चमकन डटो रहए।

प्रेरित 7:55

पर बो पबित्र आत्मासे भरके स्वर्ग घेन देखी। और बो परमेश्वरको महिमा देखी और येशूके परमेश्वरको दहिने घेन ठाणो फिर देखी।

1 कोरिन्थी 2:13

और जहेमारे हम जे बातनके औरे आदमीनके बतात हएं, जो बात हम परचार करत हएं बो बात आदमीनको बुद्धी नाए सिखाइ हए, बल्कि पबित्र आत्माको सिखाओ भओ शिक्षा मस्कत हएं और पबित्र आत्मा भए बारेनके इकल्लो हम आत्माके सच्चे बातनके बुझात हएं।

इफिसियों 3:5

जा गुप्त योजना, बितोगओ पुस्तनके आदमीनके नाए बताओ गओ रहए, पर अब बा पबित्र आत्माके माध्यमसे अपने पबित्र चुनेभए चेला और अगमबक्तनके जा योजनाको खुलासा करी हए।

याकूब 1:5

अगर तुम मैसे कोइके बुद्धिकी कमी हए, तओ दोष नाए लगान बारो परमेश्वरसे मागओ, बा तुमके देबैगो।

1 पतरस 1:12

पर परमेश्वर बे अगमबक्तनसे कही कि बिनको सन्देश अपने ताहीं नाए बल्कि तुमर ताहीं हए, जौन तुम हबए सुने हओ। परमेश्वर स्वर्गसे अपनो पबित्र आत्माके, तुम आदमी, अच्छो समाचार परचार करपाबओ कहिके मदत करनके पठाइ। जा सब इत्नो अचम्मोको हए कि स्वर्गदूत फिर उत्सुकताके साथ जे बात भओ देखरहे हएं।