मत्ती 7:25 - राना थारु नयाँ नियम

²⁵ और पानी पणो, बैहिया आइ, आँधी चली और बो घर उपर ठुको, तहुँफिर बो घर नाए उजणो। काहेकी बो जग चट्टानमे बनाओ गओ रहए।

परमेस्वर को सच्चो वचन

²⁵ मेंहें आओ और नदिया मैं बाढ़ आई, और आँधी चली, घर मैं से टक्कर खाईं, लेकिन बौ नाय गिरो, काहैकि बाकी बुनियाद चट्टान मैं पड़ी रहैं।

मत्ती 7:25 Σταυροειδείς Αναφορές

मत्ती 16:18

मए तुमसे कहात हओं, कि तुम पत्रुस हओ। मए मिर मण्डली जा चट्टान उपर स्थापित करंगो, और पातालको फाटक बो उपर बिजय नाए हुइपए हए।

मत्ती 7:24

“जहेमारे जौन मिर जा बचनके सुनत हए और मानत हए, मए एक बुद्धिमान आदमीके बरोबर मानंगो जौन अपन घर चट्टान उपर बनाइ।

मत्ती 7:26

जौन मिर जा बचन सुनत हए और नाए मानैगो कहेसे, बोको तुलना मए एक मुरख आदमीसे करत हओं, जौन अपन घर जग बिनाको बनाइ।

मत्ती 7:27

घर बनाएके पानी पणो, बहिया आइ, आँधी चली और बो घरमे ठुक्के बो घर उजणीगओ, और बोको सब बिनास हुइगओ।”

प्रेरित 14:22

और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

इफिसियों 3:17

तुमके अपने दिलन्मे मजबुत होनचाहो, ताकी जब तुम ख्रीष्टमे बिश्वास करओ तओ बा तुमर दिलमे रहाए। मए प्राथना करत हओं, कि परमेश्वरके ताहीं और एकदुस्रेके ताहीं तुमर प्रेम तुमके मजबुत बनाबए और तुमके गिरनसे बचाबए।

कलस्सी 2:7

ख्रीष्टमे तुमर बिश्वास एक रुखा कता होन पणत हए, जोको जर बहुत गहिरो तक अँदो होत हए। याफिर एक अइसो घर कता होए, जौन एक मजबुत जगमे बनोगओ रहात हए। अपन बिश्वासमे मजबुत बने रहाबओ जैसो तुमके सिखाओ गओ रहए, और रोजदिन धन्यबाद देतए रहाओ।

याकूब 1:12

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

1 पतरस 1:5

परमेश्वर अपनो बडो शक्ति द्वारा तुमके सुरक्षित रक्खैगो काहेकी तुम येशूमे बिश्वास करत हओ। बा तुमके अनन्त दिनतक सुरक्षित रक्खैगो, जब ख्रीष्ट लौटके आबैगो। तओ तुमके पता चलैगो, कि परमेश्वर तुमके पुरा रुपसे पाप और मृत्युसे बचाइ हए।

1 पतरस 1:7

जे समस्यान्को उदेश्य जा दिखानके ताहीं हए, कि तुम नेहात्तओ परमेश्वरमे भरोसा करत हओ। तुमर येशू ख्रीष्टमे बिश्वास सोनोसे जद्धा महिंगो हए। जैसे नाश होन बारो सोनो आगीसे जाँचो जातहए और शुद्ध बनाओ जातहए। अगर तुमर बिश्वास आगी कता परीक्षासे जँचके फिर मजबुत रहाबैगो कहेसे येशू ख्रीष्ट लौटके आन बारो दिनमे तुमके बहुत प्रसंसा, महिमा और सम्मान लाबैगो।

1 यूहन्ना 2:19

बे ख्रीष्ट बिरोधी हमर सँग छोडके चलेगए, पर बे अपने नाए रहएं। अगर बे हमरे अपने हुइते, तओ बे हमरी सँग हुइते। बे चलेगए, जोसे जा दिखात हए, कि बिनमे कोइ फिर हमर अपनो नाए रहए।