मत्ती 7:15 - राना थारु नयाँ नियम

¹⁵ “झुठो अगमबक्तासे होसियार रहाओ, जो तुमर ठिन भेंणाके रुपमे भेष बादलके आत हएं। पर खासमे बे नुक्सान करन बारे गुलहा कता होत हएं।

परमेस्वर को सच्चो वचन

¹⁵ “झूठे भविस्यवक्तन से चहाचीते रहबौ, जो भेंड़ के सकल मैं लत्ता पहने तुमरे झोने आथैं, लेकिन भीतर से फाड़न बारे भेंड़िया हैं।

मत्ती 7:15 Σταυροειδείς Αναφορές

मत्ती 10:17

पर आदमीनसे होसियार हुइयओ, काहेकी बे तुमके अदालतमे सौपदेहएं। और बे यहूदी सभाघरमे तुमके कोर्रा लगए हएं।

मत्ती 16:11

मए तुमसे, रोटीको बारेमे नाए कहो हओं करके तुम काहे नाए बुझत हओ? पर मए त फरिसीनको समुह और सदुकीनको समुहको खमिरसे होसियार रहियओ कहिके कहो हओं।”

मत्ती 16:6

येशू बिनसे कही, “ध्यान देओ, फरिसीनको समुह और सदुकीनको समुहको खमिरसे होसियार रहियओ।”

मत्ती 24:11

बहुत झुठे अगमबक्ता आमंगे, और बहुत आदमीनके धोखा देमंगे।

मत्ती 7:14

काहेकी पतरो हए फाटक, और अग्ठी हए बो डगर, जौन अनन्त जीबनमे पुगात हए, और थोरीए आदमी बोके पातहएं।”

लूका 12:15

येशू बिनसे कही, “होसियार रहाबओ, सब किसिमके लालचसे बचके काम करओ, काहेकी आदमीको जिन्दगी बोको धनसम्पतिके प्रशस्ततामे नाए रहात हए।”

लूका 6:26

परमेश्वर तुमके दण्ड देहए, जब सब आदमी तुमरी प्रसंसा करंगे! काहेकी अइसियए तुमर पुर्खा फिर झुठो अगमबक्ताको प्रसंसा करत रहएं।”

यूहन्ना 10:12

पर भेंणा देखन रक्खोगओ कमैया गुलहाके देखके भेंणनके छोडके भागत हए काहेकी भेंणा बोको अपने नाए हएं। गुलहा भेंणनके झुण्डमे हमला करत हए और तितरबितर करदेत हए।

प्रेरित 13:40

जहेमारे होसियार होबओ, नत अगमबक्ताके किताबमे कही जा बात तुमर उपर आए पणंगी:

प्रेरित 13:6

जाके पिच्छु बे सबए टापूके एक गाउँसे दुस्रे गाउँकी यात्रा करीं और अन्तिममे बे पाफोस सहरमे पुगीगए। हुवाँ बे एक बार-येशू कहान बारो यहूदिया परदेशके जादुगरके भेँटीं। बो अपनएके मए अगमबक्ता हओं कहात रहए।

गलातियों 2:4

तीतसके खतना नाए भओके बारेमे एक मुद्दा बनिगओ, जब कुछ झुठे बिश्वासी ददाभइया हमर समुहसे गुप्त रुपसे आए। और हमर उद्धारकर्ता येशूमे भओ हमर स्वतन्त्रताके नाश करनके कोसिस करत रहएं। ताकी बे हमके फिरसे यहूदी समुहको नियम कानुनको गुलाम बनाए पामएं।

इफिसियों 4:14

जहेमारे, अबसे हमके बच्चा कता नाए होन हए, और हम बे नैयाँके कता नाए होमएं जौनन्के लणुरा अग्गु-पच्छु ढकेलत हए और हबा इतएउतए घुमात हए। जाको अर्थ जा हए, कि चलाँख और ठगिया आदमी अब अपनी झुठी शिक्षासे हमके धोखा नाए दइपए हएं।

इफिसियों 5:6

कोइके फिर तुमके जा सुझाब दइके धोखा देन मतदेओ कि बास्ताबमे परमेश्वर बे आदमीनके दण्ड नाए देइगो जो अइसो पाप करत हएं।

फिलिप्पी 3:2

बे खराब आदमीसे होसियार रहाओ जो कुत्ता हानी हएं। बे आदमीसे होसियार रहाओ, जो कहात हएं, कि तुमके बचाएजानके ताहीं खतना करबान जरुरी हए।

कलस्सी 2:8

ध्यान देओ, कि बेकम्मा और झुठी बातसे कोइ तुमके नाए फसाए पाबए, जौन ख्रीष्टके अनुसार नाए हुइके आदमीनको परम्परा और संसारकी शिक्षामे अधारित रहात हएं, और जौनके कारण हम आदमीनको दौवा भओ, जो शिक्षाके पिच्छु चलन नाए चाँहत हएं, बो कारण जहेहए।

2 तिमोथी 3:13

पर दुष्ट आदमी और बे धोखेबाज आदमी औ जद्धा दुष्ट काम करंगे। बे आदमी प्रभुके धोखा देमंगे और बे अपनए दुस्रेके द्वारा धोखा खामंगे।

2 तिमोथी 4:3

काहेकी अइसो समय आबैगो, कि आदमी सच्चो सन्देश स्वीकार करन नाए चाहंगे, पर बे अपनुयए इच्छाके इकल्लो पुरा करंगे। और बे अइसे गुरुके खोजमे हुइहएं, जौन बिनसे बहे बातके इकल्लो कहामंगे, जो बात बे सुनन चाहंगे।

2 पतरस 3:17

जहेमारे प्रिय हो, तुमके पहिलीए पता हए, कि जे बात होमंगे। जहेमारे होसियार रहाओ ताकी नियम कानुन नाए मानन बारे आदमी तुमके झुट बोलके नाए बहकामएं। अगर तुम बिनको देखासेखी करे कहेसे, तुम सच्चो बातमे बिश्वास करनके बन्द करदेबैगे।

1 यूहन्ना 4:1

हे मेरे प्यारे सँगीउ, हरकोइ आदमीनके उपर बिश्वास मत् करओ, जो पबित्र आत्मासे मस्कनको दाबि करत हए, पर आत्मनके जाँचओ कि बे परमेश्वरके घेनसे हएं, कि नाए हएं। काहेकी बहुतसे झुठे अगमबक्ता संसारमे हएं।

यहूदा 1:4

मए जा लिखनडटो हओं, काहेकी झुटो शिक्षा सिखान बारे कोइ परमेश्वरको आज्ञा नाए मानन बारे कुछ आदमी तुमर बीचमे चुप्पएसे घुसँगे। जे आदमीनसे परमेश्वर बहुत पिढी अग्गु पबित्र-शास्त्रमे कही रहए, कि बा सजाए देबैगो। बे गलत अनैतिक काम करन बहाना बनानके ताहीं परमेश्वरको अनुग्रहके बारेमे हमर सन्देशके बदली हएं। बे हमर अकेलो मालिकके और प्रभु येशू ख्रीष्टके फिर अस्वीकार करत हएं।

प्रकाश 16:13

जाके पिच्छु मए तीन भुत देखो जो मुण्का कता दिखात रहएं। एक अजिंगरके मुँहुँसे बाहेर आओ, एक पहिलो राक्षसको मुँहुँसे बाहिर आओ, एक दुस्रो राक्षसको मुँहुँसे बाहिर आओ, अर्थात् बो जो झुठो सन्देश दइ रहए।

प्रकाश 17:6

और मए देखो, कि बो बैयर परमेश्वरके पबित्र आदमीनको खुन पिइके दर्हुया कता नसा हुइगइ रहए। काहेकी बे येशूमे बिश्वासयोग्यतासे येशूको अनुशरण करे रहएं। जा देखके मोके बहुत अचम्मो लागो।

प्रकाश 19:20

तओ बो राक्षस और बोके सँगमे दुस्रो राक्षस फिर पक्णोगओ, बो झुठो अगमबक्ता राक्षसको तरफसे अचम्मोके चिन्हा दिखाइ और सबए आदमीनके धोखा दइ, जौन राक्षको छाप लगाए रहएं, और जौन बोको मूर्तिके आराधना करे रहएं। जे दुनौ आगी और गन्धकको कुण्डामे जिन्दए फेँकेगए।

प्रकाश 20:10

तओ बे शैतानके, जौन जे सब आदमीनके धोखा दइ रहए, बोके बो ठिहा फेँकदइं जहाँ गन्धक और आगी पज्रत हए। बो बहे ठिहामे होबैगो, जहाँ बे पहिलीएसे राक्षस और झुठो अगमबक्तनके फेँकी रहएं। आगी बे सबके रातदिन रोज तड्पाबैगो।