मत्ती 26:41 - राना थारु नयाँ नियम

⁴¹ जगे रहओ, परमेश्वरसे प्राथना करओ और सतावटमे मतपणओ। आत्मा त नेहात्तओ तयार हए, पर शरीर कमजोर हए।”

परमेस्वर को सच्चो वचन

⁴¹ जगत रहाबौ, और प्रार्थना करत रहाबौ, कि तुम परिक्छा मैं ना पड़ो! आत्मा तौ तैयार है, पर सरीर कमजोर है।”

मत्ती 26:41 Σταυροειδείς Αναφορές

मत्ती 24:42

जहेमारे जगे रहओ, काहेकी कौन दिन तुमर प्रभु अएहए, सो तुम नाए जानत हओ।

मत्ती 25:13

जहेमारे जगे रहाबओ, काहेकी मए घुमके आन बारो दिन, और बो समय तुम पता नाए पएहओ।

मत्ती 26:38

तओ येशू बिनसे कही, “मिर प्राण गहिरो शोकसे अध्मरा हुइगओ हए। तुम हियाँ बैठियओ, और मिर सँग जगे रहियओ।”

मत्ती 6:13

हमके सतावटमे पणनके मत् दियओ, पर शैतानसे छुटैयओ। काहेकी राज्य, पाराक्रम और महिमा सदासर्वदा तुमरी हए, आमेन।”

मर्कूस 14:38

जगे रहाओ और परमेश्वरसे प्राथना करतए रहओ, तुम सतावटमे नाए पणनके ताहीं जगे रहाओ और प्राथना करत रहाओ। तुमर ह्रदय सही हए, पर तुमर शरीरमे तागतकी कमी हए।”

लूका 11:4

और हमर पाप क्षमा करओ, काहेकी हम फिर हमर बिरुद्धमे अपराध करन बारेके क्षमा करत हएं। और हमके सतावटमे पणन मत् दियओ।”

लूका 21:36

जहेमारे संसार रहाबओ, और हर समय परमेश्वरसे प्राथना करत रहाबओ, ताकी तुम जे सब आन बारे घटनासे बच पाबओ। और मए, आदमीको लौंणाके अग्गु ठाणनके लायक बन पाबओ।”

लूका 22:40

बो ठाउँमे पुगके येशू उनसे कही, “तुम सतावटमे नाए पणओ कहिके परमेश्वरसे प्राथना करतए रहाओ।”

लूका 22:46

बा बिनसे कही, “तुम काहे उँघाए रहेहओ? उठओ और सतावटमे नाए पणन ताहीं परमेश्वरसे प्राथना करओ।”

लूका 8:13

पत्थर बारी जमिनमे पणन बारे बेही हएं, जौन परमेश्वरको बचन सुनके खुसीसे ग्रहण करत हएं। पर बिनकी जर नाए होत हए, और बे थोरी समयके ताहीं बे बिश्वास करत हएं, पर सतावटके समयमे बे अलोप हुइजात हएं।

रोमियों 8:3

काहेकी जो काम मोशाको नियम कानुन हमर पापमय शरीरके कारण दुर्बल हुइके नाए करपाइ, बोके परमेश्वर करी, अर्थात् बा अपनो लौंणाके मनैकी शरीरमे पठाइ, और बा हमर पापके ताहीं बलिदान होनके ताहीं ख्रीष्टके शरीरमे पापको दण्ड दइ।

1 कोरिन्थी 10:13

पाप करनको इच्छा हम सबके ठिन जरुर आत हएं, पर परमेश्वर बिश्वासयोग्य हए: काहेकी परमेश्वर तुमर ताहीं अइसो एकौ परीक्षा नाए देहए, जो परीक्षामे तुम लणनमे सक्षम नाए होओ। बल्कि परमेश्वर तुमके शक्ति देबैगो, ताकी तुम पापसे बचनमे सक्षम रहाओ।

1 कोरिन्थी 16:13

साबधान रहाओ, बिश्वासमे स्थिर रहाओ, सहासी आदमी बनओ, बिश्वासमे मजबुत बनओ।

1 कोरिन्थी 9:27

मए अपनो शरीरके काबु करत हओं, ताकी मए दुस्रेनको खराब अभिलाषन्के अनुसार नाए चलओं। कहुँ अइसो नाए होए, कि मए जो दुस्रेनके अच्छो समाचारको परचार करत हओं, और मए अपनए इनाम नाए पामओं।

गलातियों 5:24

और बे आदमी जो उद्धारकर्ता येशू ख्रीष्टसे सम्बन्धित हएं, बे अपने जीबनके पापमय खराब इच्छा और अभिलाषनके सँग क्रूसमे चढाए दइ हएं।

इफिसियों 6:18

और हमके उइसीयए प्राथना करन चाहो जैसे पबित्र आत्मा हमके अगुवाई करत हए। और जगतए रहाओ और पबित्र आदमीनके ताहीं लगातार प्राथना करओ।

1 पतरस 4:7

सबए बातको अन्त ढिँगै आइगओ हए। जहेमारे तुम स्पष्ट रुपमे सोँचओ और अपनएके अधिनमे धरओ, ताकी तुम प्राथना करपाबओ।

1 पतरस 5:8

होस करओ, जगे रहाओ, काहेकी तुमर दुश्मन शैतान आदमीनके नष्ट करनके ताहीं चारौ तरफ घुमरहे हएं। बे गर्जन बारो बघटा कता कौनके पामओं और खामओं कहिके दावमे घुमरहे हएं।

2 पतरस 2:9

परमेश्वर पहिलेके समयमे करेभए जे सब काम हमके जा दिखात हए, कि धार्मि जीबन जीइन बारे आदमी समस्यामे पणत हएं तओ प्रभु परमेश्वर जरुर सुरक्षित करत हए। और हम जा फिर पक्का होन सकत हएं, कि बा सबए आदमीनको न्याय करन बारो दिन नाए आनतक बा दुष्ट आदमीनके लगातार सजाय देबैगो।

प्रकाश 16:15

दुष्ट आत्मा सासकनके और उनको फौजनके बहे ठिहामे इकट्ठा करी जौनके हिब्रू भाषामे आर-मागेड्डोन कहोजात हए। जहेमारे प्रभु येशू कही, “जा बात सुन, मिर आगमन एक चुट्टा कता इक्बरी हुइहए। बो आदमी धन्यको हए, जो मिर आगमनके बेरामे जग्तए रहात हए, और अपनो कपडा तयार करे रहात हए। अगर बे अइसे करहएं, तओ बे नङ्गा नाए होमंगे और कोइ फिर उनके सरममे नाए करैगो, चहुँ बे बाहिर बहुत आदमीनके बीचमे चले जाएं।”

प्रकाश 3:10

तए मेरे सन्देशके पालन करो ताकी जब तए दुख उठाबए तओ बोके धैर्य साथ सहिपाबए। जहेमारे, मए तोके बडी परीक्षाके समयमे रक्षा करंगो। परीक्षाको जा समय संसारके सब आदमीनमे आबैगो।