मत्ती 22:16 - राना थारु नयाँ नियम

¹⁶ बे अपन चेलनके, हेरोदी दलके आदमीनके सँग येशूके ठिन पठाइं। बे कहीं, “ए महान गुरु, हम जानत हएं, तुम सत्य हओ, और परमेश्वरको डगर सच्चो हए करके तुम सिखात हओ, और तुम कोइसे नाए डरात हओ, काहेकी तुम आदमीके मुँहुँ देखके काम नाए करत हओ।

परमेस्वर को सच्चो वचन

¹⁶ बे अपने चेलन कै हेरोदियन के संग बाके झोने जौ कहेन कै भेजीं, “गुरुजी, हम जानथैं, कि तैं सच्चो है और परमेस्वर की रहा सच्चाई से सिखाथै, और कोई की परबा नाय करथै, काहैकि तैं इंसानन को मोहों देखकै बात नाय करथै।

मत्ती 22:16 Σταυροειδείς Αναφορές

मत्ती 22:24

“महान गुरु, मोशा त कही रहए कि, अगर कोइ आदमी बिना सन्तान हुइके मरजएहए तओ बोको ददाको सन्तान खडा करए।

मत्ती 22:26

अइसियए करके मझला और सझला फिर और सातौ जनै उइसी करीं।

मत्ती 26:18

येशू कही, “सहरमे एक आदमी ठिन जाओ, और बोसे कहाओ, ‘महान गुरु कही हए, मिर समय ढिँगै आइगओ हए। मए अपन चेला सँग तुमर घरमे यहूदीनको निस्तार तेवहार मनएहओं।’ ”

मत्ती 26:49

तुरन्त येशू ठिन जाएके यहूदा इस्करियोत कही, “हे महान गुरु प्रणाम!” और बो बाके चुमी।

मर्कूस 10:17

और जैसियए येशू अपन चेलनके सँग फिरके यात्रा करन सुरु करी, एक आदमी येशू ठिन दौरत आओ और आदर देनके ताहीं घुपटा पणो और बासे पुछी, “हे महान गुरु, मए का काम करओं, कि परमेश्वर मोके कभी फिर नाश नाए होन बारो जीबन देए?”

मर्कूस 12:13

तओ पिच्छु, यहूदी अगुवनको समुह येशूके ठिन, कुछ फरिसीनको समुहके आदमी और राजा हेरोदके साथ देन बारेनके पठाइ, ताकी बे बासे प्रश्न पुँछके बाको अइसी बात पकणपामएं, जोसे बे बाके गिरफ्तार करपाएं।

मर्कूस 12:14

बे आएके येशूसे कहीं, “महान गुरु, हम जानत हएं, कि तए हमेसा सच्चो बतात हए, और तए जा बातसे नाए डरात हए, कि दुस्रे आदमी तिर बारेमे का सोँचत हएं। काहेकी तए सबके सँग बरोबर ब्यबहार करत हए। और परमेश्वरको डगर सच्चो तरिकासे सिखात हए। अब हमएं बता, का रोमको महाराजा कैसरके, कर देन हमर ब्यवस्थाके बिरुद्ध हए?

मर्कूस 3:6

तओ फरिसीनको समुह बाहिर चलेगए और येशूके कैसे मारएं कहिके बे तुरन्त, राजा हेरोदके साथ देन बारे आदमीनके सँग बाके बिरुद्धमे सल्लाह करीं।

मर्कूस 8:15

येशू चेलनके होसियारीसे चेतावनी दइ, “फरिसीनको समुहको खमिर और राजा हेरोदके खमिरसे होसियार रहियओ।”

लूका 20:21

बे बासे पुछीं “महान गुरु, हम जानत हएं, तुम ठिक-ठिक बोलत हओ और ठिक-ठिक सिखात हओ, और कोइको पक्षपात नाए करत हओ, पर सच्चाईसे परमेश्वरको डगर सिखात हओ।

लूका 7:40

येशू बोको बिचार पता पाएके बोके जबाफ दइके कही, “ए सिमोन, मोके तोसे कुछ बात कहानके हए।” बो कही, “बताबओ, गुरुज्यू।”

यूहन्ना 14:6

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

यूहन्ना 18:37

पिलातस येशूसे पुछीं, “का तुम राजा हओ?” येशू जबाफ दइके कही, “तुमही कहात हओ, कि मए राजा हओं। मए जनम लेन और संसारमे आनको कारण जा हए, कि मए सत्यके बारेमे सिखाए पामओं। सत्यके पालन करन बारे सब मेरी बात सुन्तहएं।”

यूहन्ना 7:18

अपनो बातसे मस्कन बारो त अपनो प्रसंसा ढुणत हए। पर जौन अपनएके पठान बारोके प्रसंसा ढुणत हए, बो आदमी इमान्दार होतहए, और बोमे थोरी फिर बेमानी नाए होत हए।

2 कोरिन्थी 2:17

काहेकी तमान आदमी हानी हम परमेश्वरको बचन रुपैयाके ताहीं परचार नाए करत हएं, पर शुद्ध मनसे और ख्रीष्टको अधिकारसे हम परमेश्वरको बचन परचार करत हएं, जा जानके, कि परमेश्वर हमके देखन डटो हए।

2 कोरिन्थी 4:2

हम सरम लागन बारे काम और लुकी-छिपी करन बारो काम नाए करत हएं। हम छलकपट वा परमेश्वरको बचनमे मिलाओट करन बारो काम फिर नाए करत हएं। पर हम परमेश्वरके अग्गु सत्य इकल्लो सिखात हएं और जा सत्य हए कहिके हर आदमी गवाही देन सिकंगे।

2 कोरिन्थी 5:16

जहेमारे अबसे हम कोइके, आदमीको दृष्टिकोणसे नाए देखंगे। हम ख्रीष्टके एक समयमे आदमीके दृष्टिकोणसे देखे रहएं, पर अबसे बाके उइसे नाए देखंगे।

गलातियों 1:10

स्पष्ट रुपसे, मए आदमीनके खुसी करनके कोसिस नाए कररहो हओं, पर मए परमेश्वरके खुसी करन चाँहत हओं। मए आदमीनके खुसी करनके कोसिस नाए कररहो हओं, अगर मए अबतक आदमीनके खुसी करत रहितो तओ ख्रीष्टको दास नाए हुइतो।

गलातियों 2:6

फिर यरूशलेम सहरकी मण्डलीके अगुवा जो सन्देश मए सिखात रहओं, बोके बदलनके ताहीं मोके मजबुर नाए करीं। मोके जा बातसे कोइ फरक नाएहए, कि बे अगुवा कौन हएं।

1 थेसलोनिकी 2:4

परमेश्वर हमके योग्य समझके अच्छो समाचार सौंपी हए। जहेमारे हम आदमीनके नाए, बल्कि हमर हृदय जानन बारो, परमेश्वरके खुसी करनके ताहीं शिक्षा देत हएं।

याकूब 3:17

पर जो ज्ञान परमेश्वरसे आतहए, बो त पहिले पबित्र होतहए; फिर शान्ति देन बारो, कोमल, सुधो, कृपापूर्ण, और अच्छो फलसे भरो भओ, बिना भेदभाबको और बिना कपटको होतहए।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।