मत्ती 20:26 - राना थारु नयाँ नियम

²⁶ तुमर बीचमे अइसो नाए होबए, पर जौन तुमर बीचमे बडो होनके इच्छा करत हए, बो सबको सेवक बनए।

परमेस्वर को सच्चो वचन

²⁶ पर तुमरे बीच मैं ऐसो नाय होनो चाहिए; पर तुम मैं जो कोई पहलो बननो चाहबै बाकै तुमरो सेवक बननो होगो।

मत्ती 20:26 Σταυροειδείς Αναφορές

मत्ती 20:27

जौन तुम मैसे पहिलो होन इच्छा करत हए, बो तुमर सेवक होन पणैगो,

मत्ती 25:44

बे फिर अइसे कहिके जबाफ देहएं, ‘प्रभु, कब हम तुमके भुखानो और प्यासो देखे, परदेशी और नंग्बा और बिमार देखे, और जेलमे देखे, और तुमर सेवा नाए करे?’

मत्ती 27:55

हुवाँ गालील परदेशसे आएभए बहुत बैयर फिर रहएं, बे दुरसे जा सब देखनडटि रहएं। बे येशूको सेवा-सत्कार करत गालील परदेशसे येशूके पिच्छुपिच्छु आइ रहएं।

मर्कूस 10:43

पर तुम बिनके जैसो मतहोबओ। बल्कि तुम मैसे जौन अगुवा बनन चाँहत हए, बोके एकदुस्रेक सेवा करन चाहो। बो जौन दुस्रेके अगुवाइ करन चाँहत हए, बोके एक सेवक कता सबको सेवा करनपणो।

मर्कूस 10:45

मए अइसो जाकेमारे कहात हओं काहेकी मए आदमीको लौंणा, दुस्रेकी सेवा करनके ताहीं जा दुनियामे आओ हओं। मए जाकेमारे नाए आओ, कि दुस्रे मिर सेवा करएं। मए आदमीनके बिनके पापनसे मोल तिरके छुटानके ताहीं अपन जीबन देनआओ हओं।”

मर्कूस 9:35

येशू बैठिगओ और बाह्र चेलनके अपने ठिन इकट्ठा होनके ताहीं बुलाइ और उनसे कही, “अगर कोइ आदमी बडो बनन चाँहत हए तओ पहिले अपनएके सबसे छोटो सम्झए और सबको सेवक बनए।”

लूका 18:14

मए तुमसे कहात हओं, अइसे कहान बारो फरिसी नाए रहए। पर कर उठान बारो रहए, जो परमेश्वरके अग्गु धर्मी ठहेरो गओ। काहेकी हरएक जो कोइ अपनएके बडो बनात हए, बो निचो करो जएहए, और जो अपनएके निचो बनाबैगो बो बडो होबैगो।”

लूका 22:26

पर तुम अइसो मतहोबओ। तुम मैसे जौन बडो हए, बो छोटो बनए, और अगुवा होन बारो सेवक होबए।

यूहन्ना 18:36

येशू जबाफ दइके कही, “मिर राज्य जा संसारको जैसो नाए हए, अगर मिर राज्य जा संसारको राज्य कता हुइतो तओ मोके पछ्यान बारे मोके यहूदी समुहके अगुवनसे बचानके ताहीं लणते। पर मिर राज्य उइसो नाए हए।”

प्रेरित 13:5

सलामिस सहरमे जाएके यहूदी सभाघरमे घुसके बे परमेश्वरको बचन सुनान लागे। बो काममे मदत करनके ताहीं बे मर्कूस कहान बारो यूहन्नाके फिर सँगमे लैगए रहएं।

2 कोरिन्थी 1:24

हम तुमर बिश्वासके उपर हमर अधिकार जमान नाए चाँहत हएं। पर तुमर आनन्दके ताहीं तुमरे सँग मिलके काम करत हएं। काहेकी अपन बिश्वासमे तुम स्थिर हओ।

2 तिमोथी 1:18

न्यायके दिन प्रभु ओनेसिफरसके अपनो महान दया दिखाबए। और तए अपनए अच्छेसे जानत हए, कि बो एफिसस सहरमे मिर कित्नो सहायता करी।

फिलेमोन 1:13

मए ओनेसिमसके मिर मदत करनके ताहीं रखान चाँहत रहओं, जबकी मए येशू ख्रीष्टके बारेमे अच्छो समाचार सुनानके कारण जेलमे हओं। बो हियाँपर मोके मदत करनके ताहीं तेरो ठिहा लए सकत रहए। काहेकी मए जानत हओं, कि तए मिर मदत करन चाँहत हए।

हिब्रू 1:14

स्वर्गदूतनको उदेश्य का हए तओ? बे त परमेश्वरको सेवा करन बारे इकल्ले हएं। परमेश्वर बिनके मुक्ति पान बारेनके रेखदेख करनके ताहीं पठात हए।

1 पतरस 4:11

उदाहरणके ताहीं, अगर तुमर सँग परचार करनको बरदान हए कहेसे, तुमके परमेश्वरको बचन परचार करन पणत हए। अगर तुमर सँग औरे आदमीनके मदत करनको बरदान हए कहेसे, बो तुम परमेश्वरके माध्यामसे दओगओ शक्तिसे करओ। तओ बोसे येशू ख्रीष्टद्वारा परमेश्वरके महिमा मिलैगो। सबए महिमा और शक्ति हरदम बहेको हए! आमेन।

1 पतरस 5:3

और सासक कता तुमर जिम्मामे दइ आदमीनके उपर हुकुम मत् चलाओ, पर बिनके ताहीं असल उदाहरण होबओ।

प्रकाश 17:6

और मए देखो, कि बो बैयर परमेश्वरके पबित्र आदमीनको खुन पिइके दर्हुया कता नसा हुइगइ रहए। काहेकी बे येशूमे बिश्वासयोग्यतासे येशूको अनुशरण करे रहएं। जा देखके मोके बहुत अचम्मो लागो।