मत्ती 20:14 - राना थारु नयाँ नियम

¹⁴ तुमरी देहाणी लैजाओ, और चलेजाओ; मिर इच्छा हए कि जित्नो तुमके दओ, उत्नुवए जे पिच्छु बारेके फिर देहओं।

परमेस्वर को सच्चो वचन

¹⁴ अब अपनी मजदूरी लियौ और घरै जाबौ। अब मैं जहो कै उतनोई दुंगो जित्तो मैं तोकै दौ।

मत्ती 20:14 Σταυροειδείς Αναφορές

मत्ती 20:13

तओ जमिनदार बिन मैसे एक जनैके जबाफ दइ, “ए सँगी, मए तुमर उपर कुछु अन्याय नाए करोहओं; का तुम मिर सँग एक पुरा दिनको देहाणीमे काम करनके ताहीं कबुल नाए करे रहओ?

मत्ती 20:15

पक्का मोके हियाँ अधिकार हए कि मए अपने पैसा अपनी इच्छाके अनुसार खर्च करेहओं। तुमके जलन नाएहोनके चाहो काहेकी मए दुस्रे प्रति दानी हओं।

मत्ती 6:16

जब तुम उपवास बैठतहओ, तओ कपटी जैसो उदासी चेहेरा मत् दिखाओ, काहेकी आदमी उनके उपवास बैठो देखएं करके बे चाँहत हए। मए तुमसे कहात हओं, कि बे जो करीं, आदमीनसे प्रसंसा पाएडारीं हएं।

मत्ती 6:2

जहेमारे जब तुम दान देत हओ, तओ बडो दिखानके ताहीं मत् करओ, जैसी कपटी यहूदी सभाघरको गल्लीमे करत हएं ताकी आदमी उनकी बढाइ करएं, मए तुमसे सच्चो कहात हओं, कि बे जो करीं, आदमीनसे प्रसंसा पाएडारी हएं।

मत्ती 6:6

पर जब तुम प्राथना करैगे तओ अपन कोठामे जाओ; और फाटक बन्द करके अपन दौवासे प्राथना करओ जो गुप्तमे हए, तओ तुमर दौवा जो गुप्तमे देखत हए तुमके प्रतिफल देबैगो।

लूका 15:31

दौवा अपन लौंणासे कही, ‘मेरो लौंणा, तए त मिर सँग सदिमान हए; और जो कुछ मिर हए बो सब तेरी हए।

लूका 16:25

पर अब्राहाम कही, ‘ए लौंणा याद कर, तए अपन जीबन कालमे सबसे अच्छी-अच्छी चीज पाएडारो हए, और लाजरस खराब चीज पाइ रहए। पर अब बो हियाँ अराम पाएरहो हए, और तए कष्ट पाएरहो हए।

यूहन्ना 17:2

काहेकी तुम बाके सब आदमीके उपर अधिकार दएहओ और तुम दएभए, सबके बा कभी फिर नाश नाए होन बारो जीबन देबए।

रोमियों 3:19

हम जानत हएं, कि नियम कानुन जो कुछ कहात हए, बो उन्हीनसे कहात हए जो नियम कानुनके अधिनमे हएं जहेमारे, ताकी आदमीनके बहाना बनानसे रोक पाबए और संसारके सब आदमी परमेश्वरके न्यायके अधिनमे होमएं।

रोमियों 3:4

नाए! बिरकुल नाए! बल्कि परमेश्वर सदा सच्चो मस्कत हए और हर एक आदमी झुठा ठहिरे, जैसे पबित्र-शास्त्र परमेश्वरके बारेमे कहात हए, “तुमर बोलो भओ बातमे ठिक हए कहिके आदमी देखंगे, और फैसला होन बेला तुमरुए जीत होबैगो।”