मत्ती 11:11 - राना थारु नयाँ नियम

¹¹ नेहात्तओ, मए तुमसे कहात हओं, जा दुनियामे जन्मो आदमी मैसे बप्तिस्मा देन बारो यूहन्नासे महान और कोइ नाए हए। तहुँफिर स्वर्गको राज्यमे जो सबसे छोटो हए, बप्तिस्मा देन बारो यूहन्ना इनसे महान हए।

परमेस्वर को सच्चो वचन

¹¹ मैं तुमसे सच कहथौं, कि जो बईय्यर से जनमें हैं, उनमैं से यूहन्ना बपतिस्मा देनबारे से कोई बड़ो नाय भौ; पर जो स्वर्ग के राज्य मैं छोटो से छोटो इंसान भी बासे बड़ो है।

मत्ती 11:11 Σταυροειδείς Αναφορές

मत्ती 11:10

यूहन्ना बो आदमी हए, जौनके बारेमे पबित्र-शास्त्रमे अइसो लिखो हए, ‘देखओ, मए अपन खबर पुगान बारो आदमी तुमर अग्गुअग्गु पठामंगो, जौन तुमर अग्गु तुमरी डगर तयार करैगो।’

मत्ती 11:12

और जबसे बप्तिस्मा देन बारो यूहन्ना परचार करन सुरु करी, बो समयसे लैके हबएतक परमेश्वरको राज्य जोडसे फैलरहो हए, और बिरोधी आदमी जाके उपर हमला करत हएं।

मत्ती 3:1

बहे समयमे बप्तिस्मा देन बारो यूहन्ना यहूदिया परदेशको जंगली इलाकामे आओ, और अइसो कहात परचार करन लागो,

मत्ती 3:11

जौन मोसे पिच्छु आबैगो, बा मोसे बहुत शक्तिशाली हए, और कमैया बनके लोहोकके बाको जुत्ताको तनि खोलनको लायकको मए नाए हओं। मए तुमके पानीसे बप्तिस्मा दओ हओं। पर बा तुमके पबित्र आत्मासे बप्तिस्मा देबैगो और आगीको बप्तिस्मा देहए।

मत्ती 5:19

जहेमारे जौन जे आज्ञा मैसे सबसे छोटोसे छोटो आज्ञा मैसे कोइ उलंघन करैगो, और आदमीनके उइसी करनके सिखए हए, बो स्वर्गको राज्यमे सबसे छोटो कहोजाबैगो; पर जौन कोइ उनके पालन करैगो और उनके सिखए हए, बेहीं स्वर्गके राज्यमे बडो कहेजामंगे।

लूका 1:15

काहेकी बो प्रभुके अग्गु महान होबैगो; और बो दारु और कुछु फिर नसा लगन बारी चीज नाए पिबैगो, और पहिलीसे अपनी अइयाके गरबसे बो पबित्र आत्मासे भरो होबैगो।

लूका 7:28

मए तुमसे कहात हओं, बैयरन मैसे जन्मो भओ बप्तिस्मा देन बारो यूहन्नासे महान दुस्रो कोइ नाए भओ हए। तहुँफिर परमेश्वरको राज्यमे जो सबसे छोटो हए, बो बोसे जद्धा महान हए।”

लूका 9:48

और बिनसे कही, “जौन मिर नाउँमे जा बालकाके ग्रहण करैगो, बो मोके ग्रहण करैगो, जौन मोके ग्रहण करैगो, बो मोके पठान बारोके ग्रहण करैगो। काहेकी तुमर मैसे जौन सबसे छोटो हए, बहे बडो हुइहए।”

यूहन्ना 1:15

यूहन्ना येशूके बारेमे गवाही देत जोडसे कही, “जा बहे आदमी हए, जौनके बारेमे मए कहो, ‘मिर पिच्छु आन बारो मोसे बडोहए, काहेकी बा मए जन्मनसे पहिलीयएको अग्गुको हए।’”

यूहन्ना 10:41

बहुत आदमी बाके ठिन आए, और बे अपनए-अपनामे कहीं, “यूहन्ना त कोइ शक्तिशाली चमत्कार नाए करी, पर यूहन्ना जिनके बारेमे जो-जो कही रहए, बो नेहात्तओक रहए।”

यूहन्ना 3:30

जरुरी हए, कि बाको महत्त्व जद्धा हुइजाए और मिर महत्त्व काम हुइजाए।”

यूहन्ना 5:35

यूहन्ना पजरत और चमकत दिया जैसो हए; और तुमके कुछ देरतक यूहन्नाको उजियारेमे आनन्द मनानके अच्छो लागो।”

यूहन्ना 7:39

जब येशू “जीबन देन बारो पानीको नदिया” कही तओ बा पबित्र आत्माके बारेमे बताइ रहए और हबएतक बाके उपर बिश्वास करन बारे पबित्र आत्मा नाए पाइ रहए। काहेकी अभएतक उनके पबित्र आत्मा नाए दओगओ रहए। और परमेश्वर अभएतक येशूको महिमा नाए दिखाइ रहए।

1 कोरिन्थी 15:9

काहेकी मए चुनेभए चेला मैसे सबसे कम महत्त्वपूर्ण हओं, और चुनो भओ चेला कहानको फिर लायक नाए हओं, काहेकी मए परमेश्वरको मण्डलीमे बिश्वासीनके सतात रहओं।

1 कोरिन्थी 6:4

अगर अइसे मामला अग्गु आत हएं, तओ तुमए उनके बे आदमीनके द्वारा खतम करनके नाए चाहो जौननके मण्डली द्वारा आदर नाए सम्झो जातहए।

इफिसियों 2:3

हम फिर पापी स्वभाबके इच्छन्के पुरा करके जीइत रहएं, जो फिर हमर खराब इच्छा और बिचार हमसे कर्बान चाँहत रहए हम बहे करत रहएं। और बाँकी औ सबए कता, हम फिर स्वाभाबिक रुपसे बुरे रहएं और परमेश्वरको दण्डके अधिनमे रहएं।

इफिसियों 3:8

तहुँफिर मए परमेश्वरके सब पबित्र आदमीनके ताहीं सबसे कम महत्वपूर्ण हओं। परमेश्वर, अनुग्रहके द्वारा मोके जा मौका दइ, कि मए गैर-यहूदीनके अच्छो समाचार परचार करपामओं कि ख्रीष्ट असिम आशिर्बादको स्रोत हए।

2 तिमोथी 1:10

पर अब हमर मुक्तिदाता ख्रीष्ट येशू आइगओ हए और हमके अपनो अनुग्रह दिखाइ हए। बा मृत्युकी शक्तिके नाश करदइ हए। और हमके दिखाइ हए, कि अच्छो समाचारके द्वारा कभी फिर नाश नाए होन बारो जीबनके ताहीं एक डगर हए और हम बो शरीरमे अनन्तकालके ताहीं जिन्दा रहमंगे जौन शरीर कभु नाए सणैगो।

हिब्रू 11:40

काहेकी परमेश्वरके ठिन उनके ताहीं इकल्लो नाए, पर हमर ताहीं फिर एक असल योजना हए। परमेश्वर उनके हमसे इकल्लो सिद्ध बनानके चाँहत हए।

1 पतरस 1:10

जा अनुग्रहके बारेमे अगमबक्ता औ जद्धा जानन चाँहत रहएं। बे भबिष्यबाणी करीं, कि परमेश्वर तुमके बचानके ताहीं तुमर पक्षमे कैसे दयालु ब्यबहार करैगो, जौनको तुम योग्यके नाए रहओ। बे उत्तर पानके ताहीं ध्यानसे अध्यान करीं।