मत्ती 10:2 - राना थारु नयाँ नियम

² बे बाह्र चुनेभए चेलन्को नाउँ जेही हएं, पहिलो पत्रुस कहान बारो सिमोन और बिनको भइया अन्द्रियास, जब्दियाके लौंणा याकूब और बिनको भइया यूहन्ना,

परमेस्वर को सच्चो वचन

² जे बारह प्रेरितन के नाओं हैं: पहलो सिमौन, जो पतरस कहो जाथै, और बाको भईय्या अन्द्रियास; जब्दी को लौड़ा याकूब और बाको भईय्या यूहन्ना;

मत्ती 10:2 Σταυροειδείς Αναφορές

मत्ती 17:1

जाको छय दिन पिच्छु येशू अपने सँग पत्रुस, याकूब और बिनको भइया यूहन्नाके एक उँचे पहाड उपर अलग लैगओ।

मत्ती 20:20

तओ जब्दियाके लौंणाकी अइया अपन लौणक सँगमे लैके आएके बाके अग्गु घुटेली टेकके बासे बिन्ती करी।

मत्ती 26:37

और अपने सँग पत्रुस और जब्दियाके दुई लौंणनके लैके येशू शोकित और व्याकुल होन लागो।

मत्ती 4:18

एक दिन जब येशू गालील समुन्दरके ढाहोढाहो जात रहए। येशू, पत्रुस कहान बारो सिमोन और बोको भइया अन्द्रियासके समुन्दरमे जार डारत देखी, काहेकी बे मछरेहा रहएं।

मत्ती 4:21

हुवाँसे जातएजात येशू और दुस्रे दुई भइया जब्दियाके लौंणा याकूब और बिनको भइया यूहन्नाके बिनको दौवा जब्दिया सँग नैयाँमे अपन जार थिगरत देखी, और बा बिनके बुलाइ।

मर्कूस 1:29

येशू और बाके चेला यहूदी सभाघरसे निकरतए खीनक सिमोन पत्रुस और अन्द्रियासके घरमे गए, याकूब और यूहन्ना फिर सँगमे रहएं।

मर्कूस 13:3

जब येशू यरूशलेमको मन्दिरसे जैतूनको पहाडमे चलोगओ और पहाडके बापार जाएके बैठिगओ। और पत्रुस, याकूब, यूहन्ना और अन्द्रियास बाके सँग इकल्ले रहएं तओ बे बासे चुप्पएसे पुछीं,

मर्कूस 6:30

जब बे चुनेभए चेला, जौननके येशू पठाइ रहए, बे लौटके आए और आएके बाके चारौ घेन इकट्ठा हुइगए, बे जो-जो करी रहएं और सिखाइ रहएं सब बाके बताए दइं।

लूका 11:49

जहेमारे परमेश्वरको बुद्धि फिर कहात हए, कि मए बिनके ठिन परमेश्वरके अगमबक्तनके और चुनेभए चेलाके पठामंगो। उन मैसे कोइके मारङगे और कोइके सतामंगे।

लूका 22:14

और जब बेरा भओ, तओ येशू अपने चुनेभए चेलनके सँग खानके बैठो।

लूका 22:8

येशू पत्रुस और यूहन्नाके अइसो कहिके पठाइ, “जाएके हमर ताहीं यहूदीनको निस्तार तेवहारको भोज तयार करओ।”

लूका 5:10

और बिनके सँगी, याकूब और यूहन्ना जौन जब्दियाके लौंणा रहएं, बे फिर अचम्मो पणिगए। तओ येशू सिमोनसे कही, “मत डराए, अबसे तए मिर चेला बननके ताहीं आदमीनके इकट्ठा करैगो।”

लूका 9:10

जब बे चुनेभए चेला, जौननके येशू पठाइ रहए, बे लौटके आए, और बे जो-जो करी रहएं और सिखाइ रहएं सब येशूके बताए दइं। तओ येशू बिनके सँगए लैके बेथसेदा कहान बारो बजारमे अलग लैके गओ।

यूहन्ना 12:22

फिलिप जाएके अन्द्रियाससे कही, और अन्द्रियास और फिलिप, दोनौ जाएके येशूके जा बात सुनाए दइं।

यूहन्ना 13:23

बाको चेला मैसे एक जनै जौनके येशू प्रेम करत रहए, बो येशूके ढिँगै बैठो रहए।

यूहन्ना 20:2

तओ बो दौडके सिमोन पत्रुस और येशूके प्रेम करन बारे औ दुई चेलनके ठिन गइ और कही, “बे प्रभुको शरीरके चिहान मैसे बाहिर निकारके लैचलेगए हएं, और हम नाए जानत हएं, कि बे बाके कहाँ धर दइ हएं।”

यूहन्ना 21:2

सिमोन पत्रुस और दिदुमस कहान बारो थोमा, और गालीलको काना गाउँको नथानेल, और जब्दियाके दुई लौंणा और बाके चेला मैसे दुई जनै औ इकट्ठा रहएं।

यूहन्ना 21:20

पत्रुस पिच्छु घुमके, बो चेलाके पिच्छुसे आत देखी जौन येशूके प्रेम करत रहए, और जो खानु खान पेती येशूके ढिँगै बैठो रहए और बो झुकके पुँछी, “हे प्रभु, तुमके पकणान बारो कौन हए?”

यूहन्ना 21:24

यूहन्ना बहे चेला हए जौन जे सब देखी, और गवाही दइ हए। और जौन आदमी जे बातके लिखी हए और हम जान्त हएं, कि बोकी गवाही सच्ची हए।

यूहन्ना 6:67

येशू बाह्रऔ चेलनसे पुछी, “का तुम फिर मोके छोडके जाबैगे?”

यूहन्ना 6:70

येशू बिनके जबाफ दइके कही, “का मए अपनए तुमके बाहृऔ जनैके नाए छानो? तहुँफिर तुम मैसे एक जनै शैतानके अधिकारमे हए।”

यूहन्ना 6:71

येशू जा बात सिमोन इस्करियोतको लौंणा यहूदा इस्करियोतसे कही रहए, काहेकी बाहृऔ चेला मैसे एक जनै रहए, जौन येशूके धोखा देन तयारीमे रहए।

यूहन्ना 6:8

येशूको चेला मैसे एक जनै, सिमोन पत्रुसको भइया अन्द्रियास कही,

प्रेरित 1:13

और जब यरूशलेम सहरमे पुगे तओ बे घरको उपरको कोठामे गए। जो आदमी हुवाँ उपस्थित रहएं, बे जे रहएं; पत्रुस, यूहन्ना, याकूब, अन्द्रियास, फिलिप और थोमा, बारथोलोमाइ और मत्ती, अल्फयसको लौंणा याकूब और उग्रपन्थी दलको सिमोन कनानी और याकूबको लौंणा यहूदा रहएं।

प्रेरित 1:26

तओ बे दुईके बीचमे चिट्टा डारीं, और चिट्टा मतियासके नाउँमे निकरी गओ, और अइसियए बे एघार चुनेभए चेला सँग बो गिनोगओ।

प्रेरित 12:2

राजा हेरोद चुनो भओ चेला यूहन्नाको ददा याकूबके तरवारसे मारदइ।

प्रेरित 3:1

पत्रुस और यूहन्ना दुपहारके तीन बजे प्राथनाके समयमे मन्दिरमे जात रहएं।

1 कोरिन्थी 15:7

फिर पिच्छु याकूबके दिखाइ दइ, और पिच्छु सब चुनेभए चेलनके दिखाइ दइ।

इफिसियों 4:11

येशू मण्डलीनके जे जिम्मेबारी दइ: कोइके चुनेभए चेला होनके ताहीं चुनके, कोइके अगमबक्ता चुनके, कोइके अच्छो समाचार सुनान बारेनके चुनके और कोइके पास्टर और गुरु चुनके दइदइ।

हिब्रू 3:1

जहेमारे परमेश्वर स्वर्गमे बाके सँग सहभागी होनके बुलाएभए बिश्वासी ददाभइयओ, येशूमे मन लगाओ, जो हमरे ताहीं परमेश्वरको चुनो भओ चेला और प्रधान यहूदी पुजारी हए।

1 पतरस 1:1

मए पत्रुस येशू ख्रीष्टको चुनो भओ चेला हओं। मए जा चिट्ठी परमेश्वरके चुनेभए आदमीनके लिखनडटो हओं, जो परदेशी कता हुइके पोन्टस, गलातिया परदेश, कापाडोकिया परदेश, एशिया परदेश और एशिया परदेशको बिथिनिया गाउँके फरक-फरक सहरमे बैठत हएं।

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

2 यूहन्ना 1:1

मए, यूहन्ना मण्डलीको अगुवा जा चिट्ठी परमेश्वरके द्वारा चुनीभइ बो बैयर और बक लौंणालौंणीयाके लिखरहो हओं, मए तुमके सच्चो रुपसे प्रेम करत हओं। मए इकल्लो नाए, बल्कि सत्यके चिनन बारे सब तुमके प्रेम करत हएं।

3 यूहन्ना 1:1

मए, मण्डलीको अगुवा यूहन्ना जा चिट्ठी मिर प्यारो सँगी गायसके लिखरहो हओं, जोसे मए सच्चो प्रेम करत हओं।

प्रकाश 1:1

परमेश्वर येशू ख्रीष्टके बे गुप्त बात बताइ जो बहुत जल्दी होन बारे हएं, ताकी बा उन्हएं अपनो सेवकनके अग्गु प्रकट करपाबए। बा अपनो स्वर्गदूतके बो सन्देश सँग बाको दास यूहन्ना ठिन पठाइ।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।

प्रकाश 18:20

तुम जो स्वर्गमे बैठत हओ, बोके सँग भओ बातमे आनन्द मनाबओ! हे पबित्र आदमी, चुनेभए चेला और अगमबक्ता आनन्द मनाबओ। काहेकी परमेश्वर बेबिलोन सहरके बे बातनके ताहीं दोषी ठहिराइ हए, जो काम बा तुमर सँग करीहए।”

प्रकाश 22:8

मए यूहन्ना हओं, जौन जे सब बातनके देखो और सुनो। जब मए जे बात सुनो और देखो, तओ मोके जे बात दिखान बारो स्वर्गदूतको पाँवमे आराधना करनके ताहीं घोप्टा पणो।