लूका 9:26 - राना थारु नयाँ नियम

²⁶ पर कोइ मोसे और मिर बचनसे शर्माबैगो कहेसे, मए, आदमीको लौंणा फिर अपनो महिमामे, और पिताको और परमेश्वरको पबित्र स्वर्गदूतको महिमामे आत बोकेसँग शर्मामंगो।

परमेस्वर को सच्चो वचन

²⁶ जो कोई मोसे और मेरी बातन से सरमागो; इंसान को लौड़ा भी जब अपनी, और अपने दऊवा की, और पवित्र स्वर्गदूतन की महिमा सुंदा आगो, तौ तुमसे सरम आगी।

लूका 9:26 Σταυροειδείς Αναφορές

मत्ती 16:27

काहेकी आदमीको लौंणा अपन दौवाके महिमामे अपन स्वर्गदूत सँग अएहए, और बो बेरा बा हरएक आदमीनके बोको काम अनुसार प्रतिफल देहए।

मत्ती 25:31

“जब मए, आदमीको लौंणा फिरसे आमंगो, तओ मए अपन महिमामे आमंगो और सब स्वर्गदूतके अपने सँग लामंगो। तओ मए सब आदमीनको न्याय करनके ताहीं अपन महिमामय सिंहासनमे बैठंगो।

मत्ती 26:64

येशू बोसे कही, “तुम अपनए कहीदए: तहुँफिर मए तुमसे कहात हओं, पर अबसे तुम आदमीको लौंणाके सर्बशक्तिमानके दहिना हात घेन बैठो, और बादरके बद्रिमे आत देखैगे।”

मर्कूस 8:38

और जा व्यभिचारी और गलत बातमे जो मोके और मिर बचन स्वीकार नाए करैगो कहेसे, मए आदमीको लौंणा फिर अपन दौवाको महिमामे पबित्र स्वर्गदूतके सँग आत बोके स्वीकार नाए करंगो।”

यूहन्ना 12:43

काहेकी बिनके त परमेश्वरसे जद्धा आदमीनसे पान बारो प्रसंसा अच्छो लगत रहए।

यूहन्ना 5:44

पर तुम मिर उपर बिश्वास नाए करपए हओ, काहेकी तुम एकदुस्रेसे प्रसंसा चाँहत हओ, और तुम परमेश्वरसे प्रसंसा पानके कोसिस नाए करत हओ।”

प्रेरित 10:22

बे कहीं, “कप्तान कर्नेलियस, जो धार्मि, परमेश्वरसे डर मानन बारो और सारा यहूदी जातिसे सम्मान पाओ एक आदमी हए, बो एक पबित्र स्वर्गदूतसे जा हुकुम पाइहए, कि तोके अपने घर बुलाएके तोसे सन्देश सुनए।

रोमियों 1:16

काहेकी मोके ख्रीष्टको खुसीके खबरमे पुरा भरोसा हए। काहेकी अच्छो समाचारमे बिश्वास करन बारे सबके परमेश्वर अपने शक्ति द्वारा उद्धार करत हए, सुरुवातमे परमेश्वर यहूदी आदमीनके मुक्ति दइ और अब सब आदमीनके फिर मुक्ति देत हए।

2 कोरिन्थी 12:10

जहेमारे ख्रीष्टके ताहीं कमजोरीनमे, बदनामीनमे, कठिनाइमे, सतावटमे, आफतमे मए सन्तुष्ट रहत हओं। काहेकी जब मए कमजोर होत हओं, तओ मए ख्रीष्टको शक्ति द्वारा मजबुत होत हओं।

गलातियों 6:14

मेरे ताहीं, मए क्रूसमे हमर प्रभु येशू ख्रीष्टको मृत्युके अलाबा कभी कोइ फिर अन्य बातमे घमण्ड करन नाए चाँहत हओं, काहेकी जो कुछ फिर ख्रीष्ट करीहए, बो कामके करन संसारके कोइ फिर चीजको मोएमे अधिकार नाए हए, और मोएमे अब पृथ्वीके कामन्के रोकनको कोइ इच्छा नाए हए।

1 तिमोथी 5:21

मए तोके परमेश्वर, और येशू ख्रीष्ट, और चुनेभए स्वर्गदूतन्के अग्गु मए तोके जा आदेश देत हओं, कि तए कोइके फिर जल्दीयए न्याय मत् करीए। कोइ फिर आदमीनके और कोइ फिर काममे कोइ मिर भेदभाब या पक्षपात नाए करे तए जे सब नियम पालन कर।

2 तिमोथी 1:12

जहेमारेसे हए, कि मए आदमीनके ख्रीष्टके बारेमे जा सन्देशको परचार करत हओं, कि मए हियाँ जेलमे फिर दु:ख उठाए रहो हओं, पर सर्मात नाए हओं। काहेकी मए ख्रीष्टके जानत हओं, जोके उपर मए भरोसा करो हओं। और मोके पक्का बिश्वास हए, कि जब तक ख्रीष्ट दुबारा लौटके नाए आबैगो, तबतक परमेश्वर बो चीजके रक्षा करैगो, जो चीज बा आदमीनके दइ हए।

2 तिमोथी 2:12

अगर हम ख्रीष्टके ताहीं दुख सहात हएं, तओ हम बाके सँग राजा कता राज्य फिर करंगे; पर अगर हम बाके जाननसे इन्कार करंगे कहेसे ख्रीष्ट फिर हमके इन्कार करैगो।

हिब्रू 11:26

मिश्रदेशको धनसम्पतिसे ख्रीष्टके ताहीं निन्दित होनके बो महिँगी सम्पति मानी। काहेकी बो अपनो इनाम पानको डगर देखन डटो रहए।

हिब्रू 13:13

जहेमारे आबओ, बलिदानकी रिति-रिबाजके छोड देओ ताकी येशूके ठिन जाए पामएं। और जैसे बा बेज्जत सहो, उइसीयए हम फिर बेज्जत सहिके आदमी बैठन बारे ठाउँसे बाहिर बाके ठिन जाएं।

यहूदा 1:14

आदमसे लैके सातौ पिढीमे जन्मो भओ हनोक जे आदमीनके बारेमे अइसे कहिके अगमबाणी बोली रहए, “देखओ, प्रभु नेहात्तओ अपनो अनगिन्ती पबित्र स्वर्गदूतनके सँग आबैगो।

प्रकाश 1:7

सुनओ, बा बादरके सँग आन बारो हए, हर एक आदमी बाके देखंगे, हियाँतककी जब येशू क्रूसमे चढाओगओ रहए तओ बाके पसुरीमे भाला मारी रहए, बो फिर देखैगो। और जब बे बाके देखंगे तओ पृथ्वीके सब आदमी उँची अबाजमे रोमंगे। अइसियए होबए। आमेन।

प्रकाश 20:11

फिर मए एक सेतो सिंहासन देखो जोमे परमेश्वर बैठो रहए। पर जहाँ परमेश्वर बैठो रहए हुवाँपर बादर और पृथ्वी सब हराइगए, और कोइ फिर उनके फिरसे दुस्राएके नाए देखीं।

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”

प्रकाश 3:5

जौन आदमी बुराइके हराए देबैगो, बे सेतो कुर्ता पैँधंगे। मए बो आदमीको नाउँ जीबनको किताबसे नाए मिटएहओं जोमे अनन्त जीबन पाओभओ आदमीनको नाउँ लिखो हए। पर मए, मिर दौवा और बाको सेवा करन बारे स्वर्गदूतके अग्गु ठाणङगो और मए घोषणा करंगो, कि बे मेरे हएं।