लूका 4:18 - राना थारु नयाँ नियम

¹⁸ “परमप्रभुको आत्मा मिर उपर हए, काहेकी गरीबके अच्छो समाचार परचार करनके ताहीं बा मोके अभिषेक करीहए, कैदीनके छुटकाराको घोषणा करन, और अन्धरन्के दृष्टिदेन, कुच्ले भएनके स्वतन्त्र करान ताहीं,

परमेस्वर को सच्चो वचन

¹⁸ “प्रभु की आत्मा मेरे मैं है, काहैकि बौ कंगालन कै सुसमाचार सुनान के ताहीं मेरो अभिसेक करी है। और मोकै जौ ताहीं भेजी है, कि मैं बंधुवन कै छुटकारा को प्रचार और अंधरन कै उजीते, और दुखियारेन कै आजाद करौं,

लूका 4:18 Σταυροειδείς Αναφορές

मत्ती 11:5

अन्धरा देखन बारे हुइगए हएं, और लंगणा नेगत हएं। कोढ रोग लागे अच्छे हुइगए हएं, बहिरा सुनन बारे हुइगए हएं, मरे भए आदमी जिन्दा हुइके उठे हएं, और गरीबनके अच्छो समाचार परचार करोजाए रहोहए।

मत्ती 12:18

“मिर सेवक जौनके मए चुनो हओं, मिर प्रिय जौनसे मए प्रसन्न हओं, मए अप्नो आत्मा बोमे डारंगो, और बा जाति-जातिके आदमीके न्यायको परचार करैगो।

मत्ती 12:20

बा फुटो नरकुटा जैसो कमजोर आदमीके चोट देन बारो नाए हए, और बो धिपधिप होत दियाके जैसो, कोइ फिर सहाराबिहिन आदमीके चोट नाए देहए, अन्तमे बो न्यायको बिजय होनके कारण बनैगो।

मत्ती 4:16

गैर-यहूदी, अन्धकारमे बैठे रहएं। बे आदमी एक बडो ज्योति देखिहएं; और जौन तुम पापके अन्धकारमे बैठे हओ, येशूको उजियारोके देखैगे। येशूको उजियारो उनके उपर चमकइगो, जौन बो देशमे रहात हएं, जहाँ आदमी मृत्युके छाहीँमे हएं।” येशू बे आदमीको आत्मिक प्रकाश देनके ताहीं आबैगो जो आत्मिक अन्धकारमे हएं।

मत्ती 5:3

“धन्य हएं बे, जौनके परमेश्वरको जरुरत हए, काहेकी स्वर्गको राज्य बिन्हिको हए।

लूका 4:17

येशूके यशैया अगमबक्ताको किताब दइं, और बा किताब खोली, येशू अइसो लिखो भओ खण्ड निकरी:

लूका 6:20

तओ येशू अपन चेलनके घेन देखके कही: “धन्य हओ तुम मनै, जौन परमेश्वरको जरुरीके महसुस करत हओ, काहेकी परमेश्वरको राज्य तुमरी हए।

लूका 7:22

तओ येशू बिनसे कही, “जाओ, और जो तुम देखे और सुने, जाएके खबर पुगान बारो यूहन्नासे कहीदेओ; अन्धरा मनै देखन बारे हुइगए हएं, लंगणा मनै नेँगत हएं, कोढ रोग लागे मनै अच्छे हुइगए हएं, बहिरा मनै सुनन बारे हुइगए हएं, मरे भए मनै जिन्दा हुइके उठे हएं, और गरीबके अच्छो समाचार परचार करोजाए रहोहए।

यूहन्ना 1:41

बो पहिले अप्नो खास भइया सिमोनसे भेँटी और बोसे कही, “हम ख्रीष्टके (मसीह) पाइगए हएं।”

यूहन्ना 12:46

संसारको उजियारो महीँ हओं। मोए उपर बिश्वास करन बारो कोइ फिर अंधियारोमे नाए रहाबए करके मए संसारमे आओ।

यूहन्ना 3:34

काहेकी जौनके परमेश्वर पठाइ हए, बा परमेश्वरको बात बत्कात हए: काहेकी परमेश्वर, पुरा रुपसे पबित्र आत्मा देतहए।

प्रेरित 10:38

परमेश्वर नासरत गाउँको येशूके खटाएके अपनुवए पबित्र आत्मा और शक्ति बामे अख्नाइ। परमेश्वर येशूके सँग होएके कारण बा भलाइको काम करतए, शैतान लगे भएनके अच्छो करत सब ठाउँमे गओ।

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’

प्रेरित 4:26

मुक्ति देन बारो ख्रीष्ट प्रभु और बाके अभिषेक करेभए आदमीके बिरोधमे पृथ्वीके राजा एकजुट भए, और सासक एक ठाउँमे इकट्ठा हुइगए।’

प्रेरित 4:27

काहेकी नेहात्तओ तुमर द्वारा अभिषेक करोभओ पबित्र सेवक येशूके बिरुद्धमे राजा हेरोद और पन्तियस पिलातस फिर गैर-यहूदी और इस्राएल देशके आदमीनके सँग जा सहरमे इकट्ठा भए।

कलस्सी 1:13

काहेकी बा हमके शैतानके शक्तिसे छुणाएके अपनो प्रिय लौंणाके राज्यमे लाइ हए।

याकूब 2:5

हे मेरे प्यारे बिश्वासी ददाभइयओ, सुनओ, जा संसारके गरीब आदमीनके परमेश्वर बहुत बिश्वास करी। परमेश्वर बे सबके अपनो राज्यमे हकदार होनके ताहीं प्रतिज्ञा करी, कि जौन बाके प्रेम करैगो।

1 पतरस 2:9

पर तुम उइसे नाए हओ, काहेकी तुम परमेश्वरके चुनेभए आदमी हओ, तुम परमेश्वरके पुजारी हओ, जो राजा हए। तुम परमेश्वरको सेवा करन समर्पित भए आदमी और परमेश्वरके निजी प्रजा हओ। बा तुमके अंधियारोसे अपनो अदभुत ज्योतिमे लाइ हए, ताकी तुम परमेश्वरके अचम्मे कामको घोषणा करपाबओ।