लूका 24:47 - राना थारु नयाँ नियम

⁴⁷ और यरूशलेम सहरसे लैके सब जाति-जातिके आदमीनके पाप करन छोडके परमेश्वर घेन घुमानके ताहीं और पापनको क्षमाको परचार येशूको नाउँमे होबैगो।

परमेस्वर को सच्चो वचन

⁴⁷ और यरूसलेम देस से सुरुवात करकै सब जातिन मैं मन फिरान और पापन की माफी को प्रचार बहे के नाओं से सुनाओ जाबै।

लूका 24:47 Σταυροειδείς Αναφορές

मत्ती 28:19

जहेमारे तुम जाएके सब जाति-जातिके आदमीके चेला बनाओ; और बिनके पिता, पुत्र, और पबित्र आत्माके नाउँमे बप्तिस्मा देओ,

मत्ती 3:2

“पाप करन छोडके परमेश्वर घेन घुमओ, काहेकी स्वर्गको राज्य ढिँगै आइगओ हए।”

मत्ती 9:13

जाको अर्थ का हए, तुम सिखओ: ‘मए जानबरको बलिदान नाए, पर दया चाँहत हओं,’ काहेकी मए धर्मीनके नाए, पर पापीनके बचानके आओ हओं।”

लूका 13:34

हे यरूशलेम सहरके आदमी! तुम परमेश्वरके अगमबक्तनके मारडारे जो बहुत पहिले रहएं। और बे आदमीनके पत्थर मारे रहओ, जौन तुमर ठिन पठाएगए रहएं। बहुत चोटी मए जा चाहो, कि जैसी मुर्गी अपन चिङगनन्के पखना तरे बटोरत हए, उइसीयए मए फिर तुमर बालकाके रेखदेख करन चाहो, पर तुम नाए माने।

प्रेरित 10:43

सबए अगमबक्ता बाको गवाही दइं रहएं। बामे बिश्वास करन बारे बाको नाउँको शक्तिके कारण अपने पापसे क्षमा पामंगे।”

प्रेरित 11:18

जा बात सुनके प्रभुमे बिश्वास करन बारे यहूदी ददाभइया पत्रुसके दोष लगान छोडीं और परमेश्वरके प्रसंसा करके कहान लग्गए, “तओ त परमेश्वर गैर-यहूदीनके फिर कभु नाश नाए होन बारो जीबनके ताहीं अपने पाप छोडके परमेश्वर घेन घुमके और येशू ख्रीष्टमे बिश्वास करनको दान दइ हए।”

प्रेरित 13:46

तओ पावल और बारनाबास नाए डराएके कहीं, “परमेश्वरको बचन सबसे पहिले तुमके सुनान जरुरी रहए, पर तुम सुनन नाए मानत हओ। तुम अपनएके कभी फिर नाश नाए होन बारो जीबनको अयोग्य ठहिरे हओ। जहेमारे अब हम गैर-यहूदीनके ठिन जामंगे।

प्रेरित 2:38

पत्रुस बिनसे कही, “पाप करन छोडके परमेश्वर घेन घुमओ, और तुम पाप क्षमाके ताहीं येशू ख्रीष्टको नाउँमे तुम सबए बप्तिस्मा लेओ, तओ तुम पबित्र आत्माको बरदान पाबैगे।

प्रेरित 20:21

यहूदीनके और ग्रीक देश बारेनके, पाप छोडके परमेश्वर घेन घुमओ और हम प्रभु येशू ख्रीष्ट उपर बिश्वास करएं, करके बातको गवाही मए दओ।

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’

प्रेरित 26:20

पर पहिले दमस्कस सहरमे, यरूशलेम सहरमे और सबए यहूदिया परदेशमे और अन्यजातिनके फिर, पाप करन छोडके परमेश्वर घेन घुमओ और दण्डसे बचनके ताहीं अइसे काम करओ। और तुम नेहात्तओ अपन मन बदलके पाप करन छोड देओ कहिके मए परचार करो।

प्रेरित 28:28

जहेमारे अन्तमे पावल कही, ‘अब मए तुमसे कहान चाँहत हओं, परमेश्वरको मुक्तिको खबर बा गैर-यहूदीनके ठिन पठाइ हए, और बे स्वीकार करंगे।’”

प्रेरित 3:19

जहेमारे पाप करन छोडके परमेश्वर घेन घुमओ, ताकी तुमर पाप क्षमा करे जाएं, तओ परमेश्वरके तरफसे आत्मिक समर्थको समय आबैगो।

प्रेरित 4:12

और येशू बाहेक औ कोइमे मुक्ति नाए हए, काहेकी येशूको नाउँ बाहेक बादर तरे औ कोइ नाउँ नाए दइ हए, जौनके द्वारा हम मुक्ति पान सकएं।”

प्रेरित 5:31

बहेके परमेश्वर अपन दहिना घेन सृष्टिकर्ता और मुक्तिदाता बनाइ हए। ताकी इस्राएल देशके आदमी अपनो खराब बिचार और खराब डगरसे परमेश्वर घेन घुमएं। और बाके द्वारा अपनो पापको क्षमा पाए सकएं।

रोमियों 5:20

मोशाको नियम कानुन जाकेमारे दओगओ ताकी सब आदमी देख पामएं, कि बे कितने पापी रहएं। पर जब आदमीनको पाप बढो, तओ परमेश्वरको अनुग्रह औ जद्धा बढिगओ।

इफिसियों 1:6

जा अनुग्रह, बयान करन नाए सिकन बारो हए जहेमारे हम बाकी महिमामय अनुग्रहके ताहीं परमेश्वरके स्तुति करत हएं जो बा हमके सेँतएमे दइ हए। काहेकी बाको लौंणाके सँग हमर सम्बन्ध हए।

इफिसियों 3:8

तहुँफिर मए परमेश्वरके सब पबित्र आदमीनके ताहीं सबसे कम महत्वपूर्ण हओं। परमेश्वर, अनुग्रहके द्वारा मोके जा मौका दइ, कि मए गैर-यहूदीनके अच्छो समाचार परचार करपामओं कि ख्रीष्ट असिम आशिर्बादको स्रोत हए।

कलस्सी 1:27

बिनके सब गैर-यहूदीनके ताहीं धरो भओ बडो रहस्यकी बातके खोलदेनो परमेश्वरको योजना हए। रहस्य ख्रीष्ट अपनए हए, जो तुमर भितर हए। ख्रीष्टको महिमाके ताहीं हमर सिरफ एकए आसरा हए।

1 यूहन्ना 2:12

मेरे प्यारे बालकओ, मए तुमके जाकेमारे लिखत हओं, कि येशू ख्रीष्टके नाउँसे तुमर पाप क्षमा भओ हए।