लूका 23:2 - राना थारु नयाँ नियम

² और बे जा कहिके बाके उपर दोष लगान लग्गए, “हमर आदमीनके रोमी सरकारके बिरोध करनके ताहीं भणकात हम जा आदमीके पाए। और रोमको महाराजाके कर तिरनसे हमके रोकत हए, और जा अपनएके ‘मए ख्रीष्ट, एक राजा हओं’ कहिके कहात हम सुने।”

परमेस्वर को सच्चो वचन

² जहाँ बे बाके ऊपर दोस लगानो सुरु करीं: “हम जौ आदमी कै हमरे देस के लोगन कै गुमराह करत भइ पकड़े, और सम्राट कैसर कै लगान देन से मना करत, अपने आपकै मसीहा, राजा कहत भइ सुने हैं।”

लूका 23:2 Σταυροειδείς Αναφορές

मत्ती 17:27

पर बे हमसे नाए दिक्कामए करके, समुन्दरमे जाएके बन्सी लगाबओ, और पहिली पणी मछ्री लियाओ। और बोको मुँहुँ खोलैगे तओ तुम एक चाँदीक लोहोटा रुपैया पएहओ। बो लैजाएके तुमर और मिर कर बिनके देओ।”

मत्ती 22:21

बे बासे कहीं, “रोमको महाराजा कैसरको।” तओ बा बिनसे कही, “जहेमारे जो रोमको महाराजाको हए, बे रोमको महाराजाके देओ, और जो परमेश्वरको हए बो परमेश्वरके देओ।”

मत्ती 27:11

येशू हाकिमके अग्गु ठाणो रहए, और बे येशूसे पुछीं, “का तए यहूदीको राजा हए?” येशू बिनसे कही, “तुमहीं अइसो कहात हओ।”

मर्कूस 12:17

तओ येशू उनसे कही, “रोमको महाराजा कैसरको चीज रोमको महाराजा कैसरके देओ, और परमेश्वरको चीज परमेश्वरके देओ।” तओ जामे बे अचम्मो मानी।

मर्कूस 15:2

रोमको बडो-हाकिम पिलातस बासे पुछीं, “का तए यहूदीको राजा हए?” बा बिनके जबाफ दइ, “जैसी तुम कहात हओ मए उइसीयए हओं।”

लूका 23:14

“तुम जा आदमीके मेरे ठिन लाए, और कहे कि जा आदमी, दंगा करनके ताहीं आदमीनके भणकात रहए। और देखओ, मए तुमर अग्गु बाको जाँच करो, पर जौन बातमे तुम बाके उपर दोष लगात हओ, बे बातके बारेमे मए बामे कुछ फिर दोष नाएपाओ।

लूका 23:5

तओ बे औ बडो जोड दइके कहीं, “बा यहूदिया परदेशके सबए आदमीनके बीच अपनी शिक्षाके द्वारा भणकात हए। जा गालील परदेशमे सुरु करी और अब हियाँ आइगओ हए।”

यूहन्ना 18:29

बहेमारे रोमको बडो हाकिम पिलातस बाके भेँटनके बाहिर निक्रो। पिलातस बिनसे पुछी, “तुम जा आदमीके काको दोष लगात हओ?”

यूहन्ना 18:30

बे एकए अबाजमे बोके जबाफ दइं, “अगर जा आदमी दोषी नाए हुइतो त तुमर ठिन काहे लैते?”

यूहन्ना 19:12

येशूको जहे जवाफके कारणसे पिलातस बाके छोडदेनके चाहो, पर यहूदी आदमी चिल्लाए चिल्लाएके कहान लागे, “अगर तए जा आदमीके छोडदेहए तओ तए रोमको महाराजा कैसरको सँगी नाए हए। जो कोइ फिर अपनएके राजा होनके ठोकुवा करत हए बो महाराजाके बिरुद्धमे होत हए।”

प्रेरित 24:13

नाए त जे मोके हबए दोष लगान बारी बातको प्रमाण दए पएहएं।

प्रेरित 24:5

काहेकी हम जा आदमीके इतएउतए दुख देत नेँगत, संसार भरके सारा यहूदीनके बीचमे हुलदङ्गा मचात और नासरत गाउँको धार्मिक सम्प्रदायको मुख्य अगुवाके रुपमे पाए हएं।

रोमियों 13:7

जहेमारे जौनके तिरन हए बोके तिरओ, जोके कर पानके हए बोके कर चुकाए देओ, जोके महसुल पानके हए बोके महसुल तिरओ; अइसियए करके सबए अधिकारीनको पुरा आदर देओ।