लूका 2:37 - राना थारु नयाँ नियम

³⁷ तओ बिधुवा रहिके बो चौरासी बर्ष पुग्गइ हए। बो यरूशलेमको मन्दिरके कभु नाए छोडत रहए, पर उपवास और प्राथनाके सँग रात दिन आराधना करत रहए।

परमेस्वर को सच्चो वचन

³⁷ हन्ना चौरासी साल की हुई चुकी रहै: बौ मंदिर कहु नाय छोड़त रहै; दिन-रात बौ परमेस्वर की आराधना करत रहै, बर्त रखत रहै और प्रार्थना करत रहै।

लूका 2:37 Σταυροειδείς Αναφορές

लूका 5:33

बे येशूसे कही, “बप्तिस्मा देन बारो यूहन्नाके चेला घरी-घरी उपवास बैठके परमेश्वरसे प्राथना करत हएं और फरिसीनको समुहके चेला फिर उइसी करत हएं, पर तुमर चेला खात हएं और पिइत हएं।”

प्रेरित 13:3

बे फिरसे उपवास बैठे और प्राथना करतए बे दुई जनैके उपर अपने हात धरीं और बिनके परमेश्वरको काम करनके ताहीं पठाइं।

प्रेरित 14:23

और बे, हरेक मण्डली समुहसे उनके ताहीं मण्डलीको अगुवा नियुक्त करीं, और बे उपवास सहित प्राथना करके उनके प्रभु येशूमे सौँपदइं, जौनमे बे बिश्वास करी रहएं।

प्रेरित 26:7

हमरे बाह्र कुल जा आसरा प्राप्त करनके दिनरात एकए मनसे परमेश्वरके आराधना करत हएं। हे राजा अग्रिपास, जहे आसराके ताहीं यहूदी मोके दोष लगात हएं।

1 तिमोथी 5:5

जौन बिधुवनके ठिन उनको जरुरी पुरा करनके ताहीं और उनको रेखदेख करनके ताहीं कोइ नाए हए, बे परमेश्वरमे इकल्लो अपन आसरा करत हए। और रातदिन बे बिन्ती और प्राथना करके परमेश्वरसे अपने ताहीं मदत मागत हएं।

प्रकाश 3:12

जौन आदमी बुराइके हराए देबैगो, बे परमेश्वरके बे महापबित्र ठाउँके खम्बा कता होमंगे, जौनको मए सेवा करत हओं और बे जाके कब्ही नाए छोडंगे। मए हुवाँ बक शरीरमे परमेश्वरको नाउँ लिखंगो। और परमेश्वरको सहरको नाउँ लिखंगो जौनके स्वर्गको यरूशलेम कहोजात हए। जा बो सहर हए, जो स्वर्गसे, अर्थात्, मिर परमेश्वरसे तरे आत हए। मए हुवाँ बक् शरीरमे मिर नयाँ नाउँ फिर लिखंगो।

प्रकाश 7:15

जहेमारे, “बे परमेश्वरको सिंहासनके अग्गु ठाणे हएं, और बे हर समय दिनरात परमेश्वरके महापबित्र ठाउँमे बाकी सेवा करत हएं। और बिनको सुरक्षा बाके द्वारा करोजात हए, जो सिंहासनमे बैठो हए, काहेकी बा हुवाँ उनके सँग हए।