लूका 18:22 - राना थारु नयाँ नियम

²² जा सुनके येशू कही, “तोएमे औ एक बातकी कमी हए। तिरसँग जोकुछ हए बो सब बेँचके गरीबके बाँटदे, और तोके ताहीं स्वर्गमे धन मिलैगो, और आएके, मिर चेला बननके ताहीं मेरे पिच्छु लाग।”

परमेस्वर को सच्चो वचन

²² जौ सुनकै ईसु, बासे कहथै, तेरे भीतर अभै भी एक कमी की बात है, “तू अपनो सबै कुछ बेंच कै गरीबन मैं बाँट दे, और तोए स्वर्ग मैं धन मिल जागो, और आयकै मेरे पच्छू हुई ले।”

लूका 18:22 Σταυροειδείς Αναφορές

मत्ती 19:21

येशू बोसे कही, “तए सिद्ध होनके चाँहत हए तओ, जाएके सब बेँचके दुखी और गरीबनके दे, तओ तए स्वर्गमे धन प्राप्त करैगो, और आएके चेला बननके ताहीं मिर पिच्छु लाग।”

लूका 10:42

पर जरुरी एक बातकी हए, बहे अच्छी बात मरियम पाइहए, जो बोसे नाए छिनोजाइगो।”

लूका 12:33

तुम सम्पति बेँचके दान देबओ। अपन ताहीं स्वर्गमे धन जमा करओ, जो कभी नाश नाएहोए। हुवाँ नए चुट्टा आत हएं और नए किरा लगत हएं।

लूका 16:9

और मए तुमसे कहात हओं, कि दुनियाको धनसे अपन ताहीं सँगी बनाए लेओ; ताकी जब तुम मरैगे तओ दुनियाको धन काम नाए लगन बारो हुइहए, तओ परमेश्वर और स्वर्गदूत तुमके अनन्त बासस्थानमे स्वागत करंगे।

लूका 18:21

बो सासक कही, “जे सब त मए मेरी युवावस्थासे पालन करत आओ हओं।”

लूका 18:23

पर जा बात सुनके बो सासक बेढम उदास भओ, काहेकी बो गजब धनी रहए।

लूका 9:23

तओ येशू सब जनैसे कही, “अगर तुम मिर सँग आन चाँहत हओ कहेसे, तुमके अपनए-अपनएके अस्वीकार करन पणैगो। तुमके मिर ताहीं रोजदिन दुख सहन पणैगो। हियाँ तक, कि मरनके ताहीं तयार फिर रहान पणैगो। तओ तुम मिर चेला बननके ताहीं मिर सँग आए पाबैगे।

फिलिप्पी 3:13

हे मेरे बिश्वासी ददाभइयओ, मोको नाए लागत हए, कि मए पाइगओ हओं, पर एक काम करत हओं, कि जो पहिलो हुइगओ हए, मए बोके भुलके भबिष्यको लक्ष्यके ताहीं कडा मेहेनत कररहो हओं।

2 पतरस 3:8

पर प्रिय हो, मए अभए कहानके जाए रहो बातके बेवास्ता मत् करओ: प्रभु एक दिनके ताहीं छोटो समयके रुपमे, और एक हजार बर्ष लम्बो समयके रुपमे नाए देखत हए। बा जे दुनौ एकए कता देखत हए।