यहूदा 1:4 - राना थारु नयाँ नियम

⁴ मए जा लिखनडटो हओं, काहेकी झुटो शिक्षा सिखान बारे कोइ परमेश्वरको आज्ञा नाए मानन बारे कुछ आदमी तुमर बीचमे चुप्पएसे घुसँगे। जे आदमीनसे परमेश्वर बहुत पिढी अग्गु पबित्र-शास्त्रमे कही रहए, कि बा सजाए देबैगो। बे गलत अनैतिक काम करन बहाना बनानके ताहीं परमेश्वरको अनुग्रहके बारेमे हमर सन्देशके बदली हएं। बे हमर अकेलो मालिकके और प्रभु येशू ख्रीष्टके फिर अस्वीकार करत हएं।

परमेस्वर को सच्चो वचन

⁴ काहैकि हमरे बीच कुछ भक्तिहीन लोग चुप्पे से सरक आए हैं, बे परमेस्वर के अनुग्रह कै गलत समझकै खुद के अनैतिकता कै सई बताथैं। बे हमरे गुरुजी और प्रभु ईसु मसीह कै ना पसंद करथैं। भौत पहले सास्त्र मैं उनकी बुराई करन की भविस्यवाँड़ी के बारे मैं लिखो गौ है।

यहूदा 1:4 Σταυροειδείς Αναφορές

मत्ती 13:25

तओ बो किसान सोत बेरा बोको दुस्मन आओ, और गेहुँके बीच-बीचमे उवाजओ बोएके गइ भओ।

यूहन्ना 17:3

कभी फिर नाश नाए होन बारो जीबन जहेहए, कि आदमी एकए इकल्लो सत्य परमेश्वरके चिन्हएं, और येशू ख्रीष्टके, जौनके तुम पठाए हओ।

प्रेरित 11:23

बारनाबास एन्टिओखिया सहरमे पुगके और परमेश्वरको अनुग्रह देखके बहुत खुसी भओ। बारनाबास बे आदमीनसे प्रभुप्रती पुरा मनसे बिश्वासी भए रहियओ कहिके उत्सहा दइ।

प्रेरित 15:24

हमरे बीचसे गए कोइ-कोइ आदमी शिक्षा दइके तुमके दुख दइं कहान बारी बात हम सुनेहएं। पर हम बे आदमीनके नाए पठाए हएं।

गलातियों 2:4

तीतसके खतना नाए भओके बारेमे एक मुद्दा बनिगओ, जब कुछ झुठे बिश्वासी ददाभइया हमर समुहसे गुप्त रुपसे आए। और हमर उद्धारकर्ता येशूमे भओ हमर स्वतन्त्रताके नाश करनके कोसिस करत रहएं। ताकी बे हमके फिरसे यहूदी समुहको नियम कानुनको गुलाम बनाए पामएं।

गलातियों 5:13

हे मेरे बिश्वासी ददाभइयओ, तुमके परमेश्वरके द्वारा छुटकारा होनके ताहीं बुलाओ गओ रहए, और जहेमारे अब तुमके मोशाको नियम कानुनके पालन करनके जरुरी नाए हए; और अपनी शारीरिक इच्छनके अनुसार चलन बारे मतबनाओ, बल्कि एक-दुस्रेसे प्रेम करओ और एक-दुस्रेको सेवा करओ।

इफिसियों 4:14

जहेमारे, अबसे हमके बच्चा कता नाए होन हए, और हम बे नैयाँके कता नाए होमएं जौनन्के लणुरा अग्गु-पच्छु ढकेलत हए और हबा इतएउतए घुमात हए। जाको अर्थ जा हए, कि चलाँख और ठगिया आदमी अब अपनी झुठी शिक्षासे हमके धोखा नाए दइपए हएं।

1 तिमोथी 5:8

पर अगर कोइ अपनुवए नातेदारनकी, खास करके अपनो परिवारको रेखदेख नाए करत हए कहेसे जासे जा साबित होत हए, कि नेहात्तओक बो ख्रीष्टके बिश्वास नाए करत हए, और बो आदमी गैर-बिश्वासीनसे फिर जद्धा खराब हए।

2 तिमोथी 2:12

अगर हम ख्रीष्टके ताहीं दुख सहात हएं, तओ हम बाके सँग राजा कता राज्य फिर करंगे; पर अगर हम बाके जाननसे इन्कार करंगे कहेसे ख्रीष्ट फिर हमके इन्कार करैगो।

2 तिमोथी 3:6

जे मैसे कुछ आदमी पुरे परिवारके धोखा देत हएं और मुरख स्त्रीनमे नियन्त्रण करनके पाए जात हएं, जौनको दिल पापमे हए और सब मेलके चाहानाके अधिनमे हएं।

1 पतरस 2:16

तुमके चाहो अनुसार काम करनसे तुमके रोकपान बारो कोइ नाए हए। काहेकी तुम हमर प्रभु येशू ख्रीष्टसे स्वतन्त्र करेगए हओ। पर जाके तुम खराब कामको बहाना मतबनाबओ। पर तुमके अपनो काममे जा दिखान पणैगो, कि तुम नेहात्तओ परमेश्वरके सेवक हओ।

1 पतरस 2:8

और पबित्र-शास्त्रमे अइसेफिर लिखो हए, “जा पत्थर आदमीनके भिमेमे गिराबैगो, जा एक पत्थर हए, जौन बिनके गिराबैगो।” बे अइसे गिरत हएं, काहेकी बे परमेश्वरको बचन पालन करनसे अस्वीकार करत हएं। परमेश्वर बिनके ताहीं जहे योजना बनाइ हए।

1 पतरस 4:18

जैसे पबित्र-शास्त्रमे लिखो हए, “अगर एक अच्छो आदमीके मुक्ति पान बहुतए अग्ठो हए कहेसे झन् खराब आदमी और पापीनको का हाल होबैगो!”

2 पतरस 2:10

बा पक्कए बे झुठे गुरुनके दण्ड देबैगो, जौन अपनो दुष्ट, लाज लगन बारो इच्छा अनुसार करत हएं और बिनके उपर परमेश्वरको अधिकार भओ इन्कार करत हएं। बे हठी और अहंकारी होत हएं। बे स्वर्गमे भए महिमित प्राणीनके बारेमे अपमान करनके डरात नाए हएं।

2 पतरस 2:7

पर सदोमके नष्ट करनसे अग्गु बा लोतके बचाइ, जो एक धर्मी आदमी रहए, जब बो लोत सहर छोडके गओ तओ परमेश्वर बोके बचाइ। लोत बहुत चिन्तामे रहए, काहेकी सदोम सहरके आदमी बेसर्मी काम करीं।

2 पतरस 3:7

पर परमेश्वर बहे बचनसे बादर और पृथ्वी अभौफिर अस्तित्वमे धरे हए, ताकी बिनके आगीमे नष्ट करपाबए। बाको आज्ञा नाए मानन बारे आदमीनके बा न्याय और नष्ट करन बारो दिनके ताहीं बचाए पणे हए।

1 यूहन्ना 2:22

झुठ कौन हए? झुठ बहे हए, जौन येशू ख्रीष्ट मुक्ति देन बारो राजा नाए हए कहिके अस्वीकार करत हए। और ख्रीष्ट बिरोधी बहे हए; जो दौवा परमेश्वरके और लौंणाके अस्वीकार करत हए।

यहूदा 1:15

बा सबए आदमीनको न्याय करैगो और सबए अधर्मी आदमीनको करोभओ सबए अनैतिक और दुष्ट काम और बाके बिरुद्धमे पापी आदमीनको बोलो भओ अपमानित शब्दनको दण्ड देबैगो।”

यहूदा 1:18

बे कहीं रहएं, “अन्तिम समयमे, हुवाँ बे आदमी रहामंगे, जौन प्रभु और बाके आदमीनको गिल्ला करंगे। जे बेही आदमी हएं, जौनको जीबन अपनो अभिलाषाके अधिनमे हएं, जौननके परमेश्वर स्वीकार नाए करत हए।”

प्रकाश 15:4

हे परमप्रभु, तुमके सब आदमी आदर करत हएं, और बे सब तुमर नाउँके सम्मान करत हएं, काहेकी तुमही इकल्ले पबित्र परमेश्वर हओ। हर राज्यके सब जाति तुमर ठिन आत हएं और बे तुमर आराधना करत हएं, काहेकी तुमर धार्मिक काम सबके अच्छेसे पता हए।”