यूहन्ना 9:39 - राना थारु नयाँ नियम

³⁹ तओ फिर येशू कही, “मए जा संसारमे न्यायके ताहीं आओ हओं, ताकी जो आदमी नाए देख पातहएं, बे देखन बारे होमएं, और जो आदमी देख पातहएं बे अन्धरा हुइजाएं।”

परमेस्वर को सच्चो वचन

³⁹ तौ फिर ईसु कही, “मैं जौ दुनिया मैं न्याय करन के ताहीं आओ हौं, ताकी जो नाय देखथैं बे देखैं, और जोकै दिखाथै बे अंधरा हुई जामैं।”

यूहन्ना 9:39 Σταυροειδείς Αναφορές

मत्ती 11:5

अन्धरा देखन बारे हुइगए हएं, और लंगणा नेगत हएं। कोढ रोग लागे अच्छे हुइगए हएं, बहिरा सुनन बारे हुइगए हएं, मरे भए आदमी जिन्दा हुइके उठे हएं, और गरीबनके अच्छो समाचार परचार करोजाए रहोहए।

मत्ती 15:14

बिनके छोड देओ, बे अन्धरा अगुवा हएं। अन्धरा अन्धाके डुरियाबैगो तओ, बे दोनए गड्डामे गिरेहएं।”

मत्ती 6:23

पर तुमर आँखी खराब हए, तओ तुमर पुरो शरीर अँध्यारो होइगो। जहेमारे अगर तुम गल्तीसे जा सोँचत हओ, कि तुमर ह्रदय उजियारो हए, अगर खास करके जा अँध्यारो हए कहेसे तुमर भितरको अँध्यारो बहुत कारो हए।

लूका 1:79

और अन्धकारमे और मौतकी छाहीँमे बैठन बारेके प्रकाश देबैगो। जहे प्रकाश हमके जीबनमे मार्गदर्शन करैगो, जौन हमके परमेश्वरके सँग शान्ति देतहए।”

लूका 13:30

जा जान लेबओ, पिच्छु बारे अग्गु हुइहएं, और अग्गु बारे पिच्छु हुइहएं।”

लूका 2:34

तओ शिमियोन बिनके आशिष दइ, बाकी अइया मरियमसे कही, “देख, बा त इस्राएल देशमे बहुत आदमीके नष्ट करैगो, और बहुत आदमी बचंगे। बाके परमेश्वरके घेनसे एक चिन्हाके रुपमे पठाइ हए, तओ बहुत आदमी बाको बिरोध करंगे।

लूका 4:18

“परमप्रभुको आत्मा मिर उपर हए, काहेकी गरीबके अच्छो समाचार परचार करनके ताहीं बा मोके अभिषेक करीहए, कैदीनके छुटकाराको घोषणा करन, और अन्धरन्के दृष्टिदेन, कुच्ले भएनके स्वतन्त्र करान ताहीं,

लूका 7:21

बहे समयमे येशू गजबनको रोग, व्यथा और भुतसे छुटकारा दइ, और बहुत अन्धरा मनैनके देखन बारो बनाइ।

यूहन्ना 12:31

अब येशूके द्वारा जा संसारको सासक शैतानकी शक्तिके न्याय करनको समय आइगओ हए।

यूहन्ना 12:46

संसारको उजियारो महीँ हओं। मोए उपर बिश्वास करन बारो कोइ फिर अंधियारोमे नाए रहाबए करके मए संसारमे आओ।

यूहन्ना 3:17

काहेकी परमेश्वर अपन लौंणाके संसारमे जाकेमारे पठाइ, कि संसारके आदमीनके उपर दण्डको आज्ञा देनके नाए, बल्कि संसारके आदमीनके उद्धार दइपाबए।

यूहन्ना 3:19

और दण्डको आज्ञाको कारण जा हए, कि उजियारो संसारमे आइगओ रहए, तहुँफिर आदमी उजियारोसे जद्धा अन्धकारके अच्छो मानीं। काहेकी बिनके काम खराब रहए।

यूहन्ना 8:12

येशू फिरसे आदमीनके शिक्षा देतए कही, “मए बहे हओं, जो संसारके उजियारो देत हए। मेरे पिच्छु लगन बारेनके कभु फिर अँध्यारोमे नेगन नाए पणैगो, बल्कि बे बो उज्यारोके पामंगे जौन जीबन देतहए।”

यूहन्ना 8:15

तुम त आदमीनको मुँहुँ देखके दोष लगात हओ। पर मए त कोइके दोष नाए लगात हओं।

यूहन्ना 9:25

बो जबाफ दइके कही, “बा पापी हए या नाए हए, मए नाए जानत हओं! पर एकए बात मए जनत हओं, कि मए अन्धरा रहओं, पर अब देखन बारो हुइगओ हओं।”

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’

2 कोरिन्थी 2:16

एकके ताहीं मृत्युको दुर्गन्ध और दुस्रेके ताहीं जीबनको सुगन्ध। नेहात्तओ कोइ फिर जा अपनए नाए फैलाए पाबैगो।

इफिसियों 5:14

जहेमारे अइसो एक कहाइ हए, “हे सुनन बारे जगओ और मरेभएन् मैसे जीइउठओ; तओ ख्रीष्ट तुमके ज्योती देबैगो।”

2 थेसलोनिकी 2:10

और बो दुष्ट आदमी हर मेलके खराब काम करैगो। और बेहीं आदमीके धोखा देबैगो जो परमेश्वरके द्वारा नाश करेजामंगे। काहेकी बे आदमी बो सत्यतामे बिश्वास करनसे अस्वीकार करत हएं, जौन सत्यता बिनके बचाए सिकत हए।

1 पतरस 2:9

पर तुम उइसे नाए हओ, काहेकी तुम परमेश्वरके चुनेभए आदमी हओ, तुम परमेश्वरके पुजारी हओ, जो राजा हए। तुम परमेश्वरको सेवा करन समर्पित भए आदमी और परमेश्वरके निजी प्रजा हओ। बा तुमके अंधियारोसे अपनो अदभुत ज्योतिमे लाइ हए, ताकी तुम परमेश्वरके अचम्मे कामको घोषणा करपाबओ।

1 यूहन्ना 2:11

पर जौन अपन भइयाके हेल्हा करैगो, बो दुष्ट जीबन जीइ रहो हए, और दुष्टमे चलरहो हए। और बो नाए जानत हए कि बो कहाँ जाएरहो हए, काहेकी दुष्ट बोके अन्धरा करदइ हए।