यूहन्ना 7:35 - राना थारु नयाँ नियम

³⁵ जा सुनके यहूदी समुहके अगुवा आपसमे कहीं, “जा कहाँ जानके समहरो हए, और हम इनके नाए पामंगे? शायद जे, बे यहूदी समुहनके आदमीनके ठिन जामंगे जो ग्रीक सहरमे तितरबितर बैठे हएं, और कि त ग्रीक भाषा मस्कन बारेके शिक्षा देन चाँहत हुइहए।

परमेस्वर को सच्चो वचन

³⁵ यहूदि नेता आपस मैं बतकाईं, “जौ कहाँ जागो कि हम जाकै नाय पांगे? का जौ उनके झोने जागो, जो यूनान सहर मैं तितर-बितर हुईकै रहथैं, और यूनानियन कै भी उपदेस देगो।

यूहन्ना 7:35 Σταυροειδείς Αναφορές

मत्ती 12:21

और जाति-जातिके आदमी बाको नाउँमे आसरा करंगे।”

लूका 2:32

बा गैर-यहूदीनके ताहीं परमेश्वरके प्रकट करबान बारो ज्योति हए, और तुमर अपने इस्राएल देशके आदमीनके ताहीं आदर हए।”

यूहन्ना 12:20

हुवाँ पर कुछ, ग्रीक भाषा मस्कन बारे फिर रहएं, जो यहूदीनको निस्तार तेवहारको समयमे आराधना करनके ताहीं यरूशलेम सहरमे आए रहएं।

यूहन्ना 7:1

तओ पिच्छु येशू गालील परदेशको क्षेत्रमे घुमफिर करी। बा यहूदिया परदेशमे जानके नाए चाही, काहेकी यहूदी समुह बाके मारनके ताहीं दाउमे रहएं।

यूहन्ना 8:22

यहूदी अगुवा अपनए-अपनामे कहीं, “जा का कहात हए? बा जहाँ जाबैगो, हुवाँ हम नाए पुगपएहएं कहात हए! का जा आत्माहत्या करनके समहरो हए?”

प्रेरित 11:18

जा बात सुनके प्रभुमे बिश्वास करन बारे यहूदी ददाभइया पत्रुसके दोष लगान छोडीं और परमेश्वरके प्रसंसा करके कहान लग्गए, “तओ त परमेश्वर गैर-यहूदीनके फिर कभु नाश नाए होन बारो जीबनके ताहीं अपने पाप छोडके परमेश्वर घेन घुमके और येशू ख्रीष्टमे बिश्वास करनको दान दइ हए।”

प्रेरित 11:20

पर बे मैसे कुछ बिश्वासी साइप्रसके टापूसे और कुरेनी सहरके आदमी रहएं, जो सिरिया परदेशको एन्टिओखिया सहरमे आएके ग्रीक भाषा मस्कन बारे यहूदीनके फिर प्रभु येशूको अच्छो समाचार परचार करन लग्गए।

प्रेरित 14:1

आइकोनियन सहरमे पावल और बारनाबास सदिमान कता यहूदी सभाघरमे गए। बे आराधना करन बारो ठाउँमे भितर अइसे करके बोली, कि हुना भए बहुत यहूदी और ग्रीक भाषा मस्कन बारे आदमी फिर प्रभु ख्रीष्टमे बिश्वास करीं।

प्रेरित 17:4

अइसियए उन मैसे कित्ने यहूदी प्रभुमे बिश्वास करीं और अइसियए परमेश्वरको डर मानन बारे ग्रीक देशके आदमी और नाउँ चले भए प्रमुख बैयर फिर प्रभुमे बिश्वास करके पावल और सिलासके सँग लग गइं।

प्रेरित 18:4

पावल हरेक पबित्र दिनमे यहूदीनको यहूदी सभाघरमे जाएके यहूदी और ग्रीक देशके, येशू ख्रीष्टमे बिश्वास करनके ताहीं सम्झानके कोसिस करत रहए।

प्रेरित 21:21

बे यहूदी बिश्वासी तुमर बारेमे फिर कुछ बात बताइ हएं। बो का हए, कि ‘गैर-यहूदीके बीचमे बैठन बारे यहूदी समुहनके तुम मोशाको नियम कानुनके छोड देओ और बिनके बालकाके खतना मत् करीयओ और यहूदी रितिथिति पालन मत् करीयओ करके सिखाइ हएं।’

प्रेरित 22:21

तओ प्रभु मोसे कही, ‘जा, काहेकी मए तोके गैर-यहूदीनके ठिन दुर-दुरतक पठामंगो।’”

रोमियों 1:16

काहेकी मोके ख्रीष्टको खुसीके खबरमे पुरा भरोसा हए। काहेकी अच्छो समाचारमे बिश्वास करन बारे सबके परमेश्वर अपने शक्ति द्वारा उद्धार करत हए, सुरुवातमे परमेश्वर यहूदी आदमीनके मुक्ति दइ और अब सब आदमीनके फिर मुक्ति देत हए।

इफिसियों 3:8

तहुँफिर मए परमेश्वरके सब पबित्र आदमीनके ताहीं सबसे कम महत्वपूर्ण हओं। परमेश्वर, अनुग्रहके द्वारा मोके जा मौका दइ, कि मए गैर-यहूदीनके अच्छो समाचार परचार करपामओं कि ख्रीष्ट असिम आशिर्बादको स्रोत हए।

कलस्सी 1:27

बिनके सब गैर-यहूदीनके ताहीं धरो भओ बडो रहस्यकी बातके खोलदेनो परमेश्वरको योजना हए। रहस्य ख्रीष्ट अपनए हए, जो तुमर भितर हए। ख्रीष्टको महिमाके ताहीं हमर सिरफ एकए आसरा हए।

1 तिमोथी 2:7

जहेमारे परमेश्वर मोके अच्छो समाचारको परचारक और एक चुनो भओ चेला होनके चुनी। बा मोके गैर-यहूदीनके बिश्वासको सच्चो सन्देश सिखानके ताहीं चुनी। मए नाए ठग रहो हओं; मए सच्चो बात कहात हओं।

2 तिमोथी 1:11

जा अच्छो समाचारके ताहीं, परमेश्वर मोके एक परचार करन बारोके रुपमे, और येशूसे चुनो भओ चेलाके रुपमे और गुरुके रुपमे फिर मोके चुनी हए।

याकूब 1:1

मए याकूब, जा चिट्ठीके लिखरहो हओं। मए परमेश्वर और प्रभु येशू ख्रीष्टको सेवकके तरफसे बे इस्राएल देशके बाह्र कुल जो संसार भर बिग्दे हएं, बिनके नमस्कार।

1 पतरस 1:1

मए पत्रुस येशू ख्रीष्टको चुनो भओ चेला हओं। मए जा चिट्ठी परमेश्वरके चुनेभए आदमीनके लिखनडटो हओं, जो परदेशी कता हुइके पोन्टस, गलातिया परदेश, कापाडोकिया परदेश, एशिया परदेश और एशिया परदेशको बिथिनिया गाउँके फरक-फरक सहरमे बैठत हएं।