यूहन्ना 6:53 - राना थारु नयाँ नियम

⁵³ येशू बिनसे कही, “नेहात्तओ मए तुमसे कहात हओं, जब तक मए, आदमीको लौंणाको शरीर तुम नाए खएहओ, और मिर बलिदानको खुन नाए पिइहओ कहेसे तुमरमे जीबन नए रएहए।

परमेस्वर को सच्चो वचन

⁵³ ईसु उनसे कही, “मैं तुमसे सच-सच कहथौं जब तक आदमी के लौड़ा को सरीर नाय खागे, और बाको खून नाय पीगे, तुम मैं जिंदगी नाय है।

यूहन्ना 6:53 Σταυροειδείς Αναφορές

मत्ती 18:3

और कही, “नेहात्तओ, मए तुमसे कहात हओं, मन बदलके तुम छोटो बालकनके कता नाए हुइहओ तओ कभु स्वर्गके राज्यमे घुस नाए पएहओ।

मत्ती 5:18

काहेकी मए तुमसे कहात हओं बादर और पृथ्वी खतम होन तक, मोशाको नियम कानुनमे सब कुछ हए, हियाँतककी सबसे छोटीसे छोटी बात फिर, तबतक प्रभावमे रहाबैगो, जब तक अगम्बक्तनको उदेश्य पुरा होबैगो।

मत्ती 8:20

येशू बोसे कही, “सेरनके भार और बादरमे उणन बारे चिरैंचिरगुनीके घरघुस्ला होत हएं। पर मए, आदमीको लौंणाके ताहीं त एक घर फिर नाएहए, जहाँ मए सोए सिकओं।”

लूका 13:3

मए तुमसे कहात हओं, उइसो नाए हए; पर अगर तुम पाप करन छोडके परमेश्वर घेन नाए घुमैगे तओ, तुम सब अइसियए नाश होबैगे।

लूका 13:5

उइसो नाएहए, पर मए तुमसे कहात हओं, तुम पाप छोडके परमेश्वर घेन नाए घुमैगे कहेसे, तुम फिर सब उइसीयए नाश होबैगे।

यूहन्ना 13:8

पत्रुस येशूसे कही, “मए तुमके मिर गोडो धोनके कभु फिर अनुमति नाए देहओं।” येशू पत्रुससे कही, “अगर मए तुमर गोडो नाए धुईहओं कहेसे तुम मिर चेला नाए हओ।”

यूहन्ना 15:4

तुम मोएमे रहाओ, और मए तुमरमे रएहओं। जैसी अंगुरको हँगा रुखामे नाए रहिके फरा नाए फराए पातहए, उइसीयए तुम फिर अगर मोएमे नाए रएहओ कहेसे तुम फिर कुछु नाए करपए हओ।”

यूहन्ना 3:3

येशू निकोदेमसके जबाफ दइके कही, “नेहात्तओ मए तोसे कहात हओं, अगर कोइ नयाँ करके नाए जन्मैगो कहेसे बो परमेश्वरको राज्यको कोइ हकदार नाएहोबैगो।”

यूहन्ना 3:36

जौन परमेश्वरको लौंणाके उपर बिश्वास करत हए, बोके कभी फिर नाश नाए होन बारो जीबन मिलिगओ हए, पर जौन लौंणाके बिश्वास नाए करत हए, बो कभी फिर अन्त नाए होन बारो जीबन नाए पएहए, बल्कि परमेश्वरको दण्ड बोके उपर रहो रहाबैगो।”

यूहन्ना 3:5

येशू कही, “नेहात्तओ मए तोसे कहात हओं, जब तक कोइ आदमी पानी और आत्मासे नाए जन्मैगो, तबतक बो परमेश्वरको राज्यमे नाए घुस पबैगो।

यूहन्ना 6:47

नेहात्तओ मए तुमसे कहात हओं, जौन कोइ बिश्वास करैगो बोके सँग कभी फिर नाश नाए होन बारो जीबन हए।

यूहन्ना 6:51

स्वर्गसे आओ भओ जिन्दा रोटी महीँ हओं। कोइ फिर जा रोटी खएहए कहेसे बो सदिमानके ताहीं जिइहए। और जौन रोटी मए संसारके आदमीनके जीबनके ताहीं देहओं, बो मिर शरीर हए।”

यूहन्ना 6:55

काहेकी मिर शरीर नेहात्तओ खान बारी चीज हए, और मिर बलिदानको खुन नेहात्तओ पिन बारी चीज हए।

यूहन्ना 6:62

उइसो हए कहेसे मए, आदमीको लौंणाके उपर स्वर्गमे जात देखैगे, जहाँ मए पहिले रहओं, तओ तुम का करैगे?

1 यूहन्ना 5:12

जो कोइको फिर लौंणाके सँग ढिँगैको सम्बन्ध हए, बोके ठिन कभी फिर नाश नाए होन बारो जीबन हए। और जौननको परमेश्वरको लौंणाके सँग ढिँगैको सम्बन्ध नाए हए, बोके ठिन कभी फिर नाश नाए होन बारो जीबन फिर नाए हए।

प्रकाश 2:17

हर कोइ, जो मिर सन्देशके सम्झन चाँहत हए, बोके बे बातके ध्यानसे सुनन पणो, जो परमेश्वरको पबित्र आत्मा मण्डलीनसे कहात हए: बे आदमी जो बुराइके हराए देत हएं, मए उन्हएं बहे मन्न मैसे कुछ चीज देमंगो, जो चीज लुको हए। मए उन मैसे सबके एक सेतो पत्थर देहओं, जोमे एक नयाँ लिखो भओ होबैगो। जौन आदमी बोके पाबैगो, बोके छोडके कोइ फिर बो नाउँके नाए समझ पाबैगो।”

प्रकाश 2:7

हरकोइ, जो मिर सन्देशके सम्झन चाँहत हए, बोके बे बातके ध्यानसे सुनन पणो जो परमेश्वरको पबित्र आत्मा मण्डलीनसे कहात हए: ‘बे आदमी जो बुराइके हराए देत हएं, उनके मए जीबन देन बारो पेणसे फल खानको अधिकार देमंगो, जो पेण परमेश्वरको स्वर्गको बगियामे हए।’”