यूहन्ना 20:17 - राना थारु नयाँ नियम

¹⁷ येशू बोसे कही, “मिर पाउँ पकणके मोके मतरोक, काहेकी मए अभएतक दौवाके ठिन उपर नाए गओ हओं, बल्कि मेरे बिश्वासी ददाभइयनके ठिन जाएके उनसे कहिदे, कि मए अपनो दौवा और तुमर दौवा, और मिर परमेश्वर और तुमर परमेश्वरके ठिन उपर जातहओं।”

परमेस्वर को सच्चो वचन

¹⁷ ईसु बासे कही, “मोकै मत छूबै, काहैकि मैं अभै तक परम दऊवा के झोने ऊपर नाय गौ हौं, पर मेरे भईय्यन के झोने जाएकै उनसे कहदे, कि मैं अपने परम दऊवा, और तुमरे परम दऊवा, और अपने परमेस्वर और तुमरे परमेस्वर के झोने ऊपर जाथौं।”

यूहन्ना 20:17 Σταυροειδείς Αναφορές

मत्ती 12:50

काहेकी जौन स्वर्गमे होन बारो मिर दौवाको इच्छा पालन करत हएं, बेहीं मिर भइया, बहिनीया, और मिर अइया हएं।”

मत्ती 25:40

तओ मए राजा, बिनके जबाफ दइके कएहओं, ‘नेहात्तओ, मए तुमसे कहात हओं, तुम जे छोटेसे छोटे मिर बिश्वासी ददाभइया मैसे एक जनैके ताहीं करे, बो मिर ताहीं करे।’

मत्ती 28:7

तओ जल्दी जाएके बाके चेलनके खबर देओ, कि बा मरके जिन्दा हुइके उठीगओ हए, और बा तुमसे अग्गु गालील परदेशमे जाए रहोहए। तुम बाके हुवाँ देखैगे। देखओ, मए तुमके बताएदओ हओं।”

मर्कूस 12:26

मरके जिन्दा उठान बारी बातके बारेमे, का तुम मोशाको नियम कानुनको किताब नाए पढे हओ? जौन किताबमे परमेश्वर आगी लागो भओ भिथ्रा मैसे मोशासे बात करत हए, हुवाँ परमेश्वर कहात हए, कि बा हबए फिर अब्राहामको परमेश्वर, इसहाकको परमेश्वर और याकूबको परमेश्वर हए।

मर्कूस 16:19

जब प्रभु येशू चेलनके जे सब बात कहेडारी, तओ परमेश्वर बाके स्वर्गमे उठाए लइ और बा परमेश्वरके सँग शासन करनके ताहीं परमेश्वरके दहिना घेन बैठिगओ।

लूका 10:4

नए रुपैयाको बटुवा, नए झोरा, नए जुता, और नए डगरमे कोइके अभिबादन करियओ।

यूहन्ना 13:1

यहूदीनको निस्तार तेवहार सुरु होनसे पहिले येशू जानलै, कि अपना संसार छोडके दौवा परमेश्वरके ठिन लौट जानको समय आनलागो हए। बा संसारमे भए अपन चेलनके सब दिन प्रेम करत रहए। और बा बिनके आखिरी समय तक अपनए कता प्रेम करी।

यूहन्ना 13:3

परमेश्वर मोके सब चीजमे अधिकार दइ हए, कहान बारी बात येशूके पता रहए, और परमेश्वरसे आएके फिर परमेश्वर ठिन लौटरहो हओं, कहिके फिर बाके पता रहए।

यूहन्ना 14:2

मिर दौवा परमेश्वरके घरमे बैठन बारे बहुत ठिहा हएं और मए तुमर ताहीं ठिहा तयार करन डटो हओं। अगर उइसो नाए हुइतो कहेसे मोके तुमर ताहीं जा बात कहानए नाए पणतो।

यूहन्ना 14:28

‘मए हियाँसे जानडटो हओं और फिरसे तुमर ठिन घुमके आमंगो’ कहिके मए कहो बात त तुम सुनिलए हओ। तुम मोके सच्चो रुपसे प्रेम करेहुइते त मए दौवा ठिन जात पेती तुम खुसी हुइते काहेकी मोसे त दौवा महान हए।

यूहन्ना 14:6

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

यूहन्ना 16:28

मए दौवाके ठिनसे संसारमे आओ हओं, और अभए संसारके छोडके फिरसे दौवाके ठिन जानडटो हओं।”

यूहन्ना 17:11

“अब मए संसारमे नाए रएहओं, मए तुमर ठिन आएरहो हओं, पर मेरे चेला अभौफिर संसारमे हएं। हे पबित्र दौवा, अपने नाउँको सामर्थसे उनको रक्षा करओ, जो तुम मोके दएहओ, कि जैसे मए और तुम, एक मन और एक उदेश्यमे हएं, उइसीयए मए प्राथना करत हओं, कि हमर चेला फिर उसीए होमएं।

यूहन्ना 17:25

“हे सत्य और न्याय करन बारो दौवा, संसारके आदमी मोए नाए चिन्त हए, पर मए तुमके चिन्त हओं और जे चेला फिर जानएं, कि तुम्ही मोके पठाए हओ।

यूहन्ना 17:5

अब हे दौवा, अब अपनी उपस्थितिमे मेरी महिमा करओ, बहे महिमा जो संसारको उत्पत्तिसे पहिले तुमर सँग रहात पेती मेरे सँग रहए।”

यूहन्ना 20:27

तओ येशू थोमाके अपनो हात देखाएके कही, “अपनी उँगरी हियाँ लाएके मेरे हातके देख और अपन हात लाएके मेरे कोखमे डार और शंखा करन बन्द कर बल्कि बिश्वास कर, कि मए जिन्दा हुइगओ हओं।”

यूहन्ना 7:33

तओ फिर येशू उनसे कही, “मए हबए कुछु समय तक तुमर सँग रहामंगो, और तओ पिच्छु मोके पठान बारोके ठिन लौट जामंगो।

रोमियों 8:29

काहेकी जौनन्के बा पहिलीएसे चुनलै हए, बिनके पहिलीयएसे बाको लौंणा कता होन फैसला करीहए, ताकी बाको लौंणा बहुत बिश्वासी ददाभइयन मैसे बडो हुइपामएं।

2 कोरिन्थी 6:18

मए तुमर दौवा होमंगो, और तुम मिर लौंणालौंणीया होबैगे; जा सर्बशक्तिमान परमप्रभु परमेश्वरको बचन हए।”

गलातियों 3:26

“जब तुम ख्रीष्टके नाउँसे बप्तिस्मा लए हओ, और तुम सब ख्रीष्ट येशूमे बिश्वास करनके द्वारा तुम ख्रीष्टको नयाँ जीबनके पैंधलए हओ, जैसे एक आदमी नयाँ लत्ता पैंधलेत हए। जहेमारे तुम ख्रीष्ट येशूमे बिश्वास करे, तओ तुम सब परमेश्वरके सन्तान बनेहओ।

हिब्रू 11:16

पर बे औ अच्छो देश अर्थात्, एक स्वर्गीय देशको इच्छा करत हएं। जहेमारे, बिनको परमेश्वर हओं कहान बारी बातमे परमेश्वर गर्ब करत रहए, काहेकी बा बिनके ताहीं एक सहर तयार करदइ हए।

हिब्रू 8:10

फिरसे परमप्रभु कहात हए, कि आन बारो दिनमे मए इस्राएल देशके आदमीनके सँग जा करार बाँधंगो, मए बिनके मिर नियम कानुनके बारेमे सोँचन बारे बनामंगो, और बे बोके अपने मनमे धरंगे, और मए बिनको परमेश्वर होमंगो, और बे मेरे आदमी हुइ जामंगे।

1 पतरस 1:3

हमर प्रभु येशू ख्रीष्टको दौवा और परमेश्वरके प्रसंसा होबए। परमेश्वरको हमर प्रतिको महान कृपासे बा हमके एक नयाँ जीबन दइ हए। काहेकी परमेश्वर येशू ख्रीष्टके मृत्युसे जिन्दा बनाइ हए, बा हमके निर्धक्कसे बचन सक्षम बनाइ हए; बोको मतलब बा हमके प्रतिज्ञा करोभओ बातके पानके पुरा आसरा करनो हए।

1 यूहन्ना 3:2

मेरे प्यारे सँगीउ, अब हम परमेश्वरके सन्तान हएं, और अबतक जा प्रकट नाए भओ हए, कि हम कैसे होमंगे! इतकए जानत हएं, कि जब येशू ख्रीष्ट आबैगो; तओ हम फिर बाके हानी होमंगे। काहेकी बाके उइसीयए देखंगे, जैसो बा हए।

प्रकाश 21:3

तओ मए परमेश्वरको सिंहासनसे बडो स्वरसे मस्कनडटो एक अबाज सुनो, “देखओ, अबसे परमेश्वर मानब जातिनके अपनो बासस्थान बनाबैगो। और बे बाके प्रजा होमंगे और बा अपनए बिनके अपने आदमीनके रुपमे स्वीकार करैगो और बे फिर बाके अपनो परमेश्वरके रुपमे स्वीकार करंगे।

प्रकाश 21:7

जौन आदमी बुराइके हराए देतहए, बो मोसे जे आशिष पामंगे, और मए बिनको परमेश्वर होमंगो, और बे मिर लौंणा होमंगे।