यूहन्ना 2:2 - राना थारु नयाँ नियम

² येशू और बाके चेला फिर बो बेहाको निउतो पाइ रहएं।

परमेस्वर को सच्चो वचन

² ईसु और बाके चेला को बिहा मैं न्युतो रहै।

यूहन्ना 2:2 Σταυροειδείς Αναφορές

मत्ती 12:19

बो नए त लणैगो और नए त जोडसे चिल्लएहए; नए त बो आदमीनके, घमण्डसे भरो भओ भाषण जोडसे करैगो।

मत्ती 25:40

तओ मए राजा, बिनके जबाफ दइके कएहओं, ‘नेहात्तओ, मए तुमसे कहात हओं, तुम जे छोटेसे छोटे मिर बिश्वासी ददाभइया मैसे एक जनैके ताहीं करे, बो मिर ताहीं करे।’

मत्ती 25:45

तओ मए बिनके जबाफ देहओं, ‘नेहात्तओ, मए तुमसे कहात हओं, जा सबसे छोटे मैसे कोइ एककेसँग नाए करे, बो तुम मेरे ताहीं फिर नाए करे।’

यूहन्ना 2:12

जाके पिच्छु येशू और बाकी अइया, भइया, और चेलनसँग कफर्नहुम सहरमे गओ, और कुछ दिन हुवाँ रहे।

यूहन्ना 2:17

तओ येशूके चेलनके पबित्र-शास्त्रमे लिखो जा बचन याद आइगओ, “तुमर यरूशलेम मन्दिरको भक्ति, मिर भितर आगी जैसो पजरत हए।”

यूहन्ना 2:22

फिर जब येशू मरके जिन्दा भओ, तओ येशूकी कहीभइ बात चेलनके याद आइगओ; तओ बे पबित्र-शास्त्रमे, येशू मरके जिन्दा होनोके बारेमे लिखो बचनके और येशूकी कहीभइ बातमे बिश्वास करीं।

यूहन्ना 2:3

जब अंगुरको रसा खतम हुइगओ, तओ येशूकी अइया बासे कही, “बिनके ठिन भओ अंगुरको रसा खतम हुइगओ हए।”

यूहन्ना 3:22

जाके पिच्छु येशू और बाके चेला यहूदिया परदेशमे आए, और हुवाँ येशू उनके सँग रहिके बप्तिस्मा देनलागो।

यूहन्ना 4:2

वास्तबमे येशू अपनए त नाए, पर बाके चेला बप्तिस्मा देत रहएं।

यूहन्ना 4:33

तओ चेला आपसमे कहीं, “का कोइ बाके ताहीं खानु ल्याएदइ हए?”

यूहन्ना 4:8

काहेकी बो समयमे बाके चेला गाउँमे खान बारी चीज किनन गए रहएं।

यूहन्ना 6:12

और जब बे पेट भरके खाइं, तओ येशू अपन चेलनसे कही, “उब्रो भओ खुद्रा-खुद्री बटोरओ और एकौफिर खराब नाए होबए।”

यूहन्ना 6:16

संझा हुइगओ तओ येशू चेलनके सँग समुन्दर घेन गओ।

यूहन्ना 6:60

जा सुनके येशूके चेला मैसे बहुत कहीं, “जा शिक्षा त बहुत अग्ठो हए, कौन जा शिक्षा सुनपएहए?”

यूहन्ना 6:66

बहे बेरासे येशूके चेला मैसे बहुत बाके सँग नेगन छोडीं।

यूहन्ना 6:67

येशू बाह्रऔ चेलनसे पुछी, “का तुम फिर मोके छोडके जाबैगे?”

यूहन्ना 6:70

येशू बिनके जबाफ दइके कही, “का मए अपनए तुमके बाहृऔ जनैके नाए छानो? तहुँफिर तुम मैसे एक जनै शैतानके अधिकारमे हए।”

यूहन्ना 6:71

येशू जा बात सिमोन इस्करियोतको लौंणा यहूदा इस्करियोतसे कही रहए, काहेकी बाहृऔ चेला मैसे एक जनै रहए, जौन येशूके धोखा देन तयारीमे रहए।

यूहन्ना 6:8

येशूको चेला मैसे एक जनै, सिमोन पत्रुसको भइया अन्द्रियास कही,

यूहन्ना 7:3

बहेमारे येशूके भइया बासे कहीं, “जा ठाउँ छोडके यहूदिया परदेशमे चलो जा, तिर करोभओ चमत्कार तेरे चेला फिर देखएं।

प्रेरित 11:26

जब बारनाबास शाऊलके भेँटी. तओ बोके सिरिया परदेशको एन्टिओखिया सहरमे ल्याइ। तओ पुरा एक वर्षतक दुनौ जनै मण्डलीके आदमीनके सँग संगती करत बहुत आदमीनके प्रभु येशूके बारेमे सिखाइं। एन्टिओखिया सहरमे सबसे पहिले, ख्रीष्टके चेलनके ख्रीष्टियन कहोगओ रहए।

प्रेरित 11:29

अगाबसको भबिष्यबाणी सुनके प्रभुके चेला यहूदिया परदेशमे भए बिश्वासी ददाभइयनके ताहीं अपनो क्षेमता अनुसार दान देनके निर्णय करीं।

1 कोरिन्थी 10:31

अन्तमे, मए तुमसे जा कहान चाँहत हओं कि तुम चहुँ खाओ, चहुँ पिइयओ, चहुँ जो कुछ करओ, सब कुछ परमेश्वरको महिमाके ताहीं करओ।

1 कोरिन्थी 7:39

जब तक कोइ स्त्रीको लोगा जिन्दा रहात हए, तबतक बोके सँग रहान चाहो, पर जब बोको लोगा मर जाए, तओ जोके चाँहए बहेसे बेहा कर सकत हए। पर केबल बहेसे, जो प्रभुमे बिश्वासी हए।

कलस्सी 3:17

जो बात तुम बोलत हओ या करत हओ, सब चीज प्रभु येशूके नाउँमे करओ, और प्रभु येशूके माध्यमसे दौवा परमेश्वरके धन्यबाद देओ।

हिब्रू 13:4

सबनको बेहा आदरणीय होबए, और बेहामे एकदुस्रेके प्रति बिश्वासयोग्य रहाबओ। काहेकी व्यभिचार और सब मेलके अनैतिक काम करनके और दुस्रेन्को लोगा या बैयर सँग बिगडन बारेनके परमेश्वर सजाय देबैगो।

प्रकाश 3:20

सुन, तेरे हृदयमे घुसनके ताहीं मए घरके बहेर ठाणके और फाटक ढकढकान बारो आदमी कता हओं। अगर तए मिर अबाज सुनके अपनो हृदय खोलदेहए कहेसे मए भितर आमंगो और हम एकदुस्रेन सँग सबए मिल्के संगती करंगे।