यूहन्ना 15:8 - राना थारु नयाँ नियम

⁸ मिर दौवाकी महिमा जहेसे होत हए, कि तुम बहुत फरा फराओ, तब्ही इकल्लो तुम मेरे चेला बनपाबैगे।”

परमेस्वर को सच्चो वचन

⁸ जहे से मेरे परम दऊवा की महिमा होथै कि तुम गजबै फरौ तभई तुम मेरे चेला माने जागे।

यूहन्ना 15:8 Σταυροειδείς Αναφορές

मत्ती 5:16

अइसियए तुमर उजियारो आदमीनके अग्गु चमकए ताकी बे तुमर अच्छो कामके देखके तुमर दौवा, जौन स्वर्गमे हए, बाकी बढाइ करएं।”

मत्ती 5:44

पर मए तुमसे कहात हओं, अपन दुस्मनके अपनए कता प्रेम करओ, और तुमके सतान बारेके ताहीं परमेश्वरसे प्राथना करओ,

मत्ती 9:8

जब भिड जा देखी, तओ बे डराइगए, और आदमीनके अइसो शक्ति देन बारो परमेश्वरको महिमा करीं, जौन आदमीनके अइसो अधिकार दइ हए।

लूका 6:35

पर अपन दुस्मनके प्रेम करओ, और बिनको भलाइ करओ। फिरसे मिलैगो करके आसरा बिना ऋण देओ, तओ तुमर ताहीं बडो इनाम हुइहए, और तुम परमप्रधानके लौंणालौंणीया हुइहओ। काहेकी परमेश्वर गुन नाए मानन बारे और दुष्ट आदमीनके उपर फिर कृपालु हए।

यूहन्ना 13:35

अगर तुम एकदुस्रेके अपनए कता प्रेम करैगे तओ हर कोइ जान लेबैगो, कि तुम मेरे चेला हओ।”

यूहन्ना 15:5

“अंगुरको रुखा महीँ हओं, तुम हँगा हओ। अगर कोइ मोएमे रएहए और मए बोमे रएहओं कहेसे बो बहुत फरा फराबैगो। काहेकी मोसे अलग हुइके तुम कुछु फिर नाए कर्पएहओ।

यूहन्ना 8:31

येशू अपने उपर बिश्वास करन बारे यहूदीनसे कही, “अगर तुम मिर बचनमे बने रहाबैगे तओ तुम नेहात्तओ मिर चेला हुइजएहओ।

1 कोरिन्थी 10:31

अन्तमे, मए तुमसे जा कहान चाँहत हओं कि तुम चहुँ खाओ, चहुँ पिइयओ, चहुँ जो कुछ करओ, सब कुछ परमेश्वरको महिमाके ताहीं करओ।

1 कोरिन्थी 6:20

परमेश्वर तुमके किमतके रुपमे अपनो जीबन दइके तुमके छुटकारा करीहए, जहेमारे अपने शरीरके द्वारा परमेश्वरके महिमा करओ।

फिलिप्पी 1:11

और येशू ख्रीष्टके द्वारा तुममे धर्मी काम दिखाइ पणए, जोसे परमेश्वरको महिमा और स्तुति होत रहाबए।

तीतुस 2:10

बे चोरी नाए करएं; पर जा साबित करएं, कि बे हमेसा इमान्दार हएं। ताकी आदमी उनके अच्छे ब्यवहारमे ध्यान देमएं, और उनको करोभओ सब कामसे आदमीनके हमर मुक्तिदाता परमेश्वरके बारेमे भओ सन्देशके सुननको इच्छा हुइहए।

तीतुस 2:5

और शान्तसे ब्यबहार करन बारी, अपने लोगनके अग्गु बफादार होन बारी, अपने घरके रेखदेख करन बारी, दुस्रेनके उपर दया दिखान बारी और अपने-अपने लोगनको अधिकारके सम्मान करन बारी होमएं, ताकी कोइ फिर परमेश्वरको सन्देशके बारेमे परमेश्वरके बदनाम कर नाए पामएं।

1 पतरस 2:12

कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।

1 पतरस 4:11

उदाहरणके ताहीं, अगर तुमर सँग परचार करनको बरदान हए कहेसे, तुमके परमेश्वरको बचन परचार करन पणत हए। अगर तुमर सँग औरे आदमीनके मदत करनको बरदान हए कहेसे, बो तुम परमेश्वरके माध्यामसे दओगओ शक्तिसे करओ। तओ बोसे येशू ख्रीष्टद्वारा परमेश्वरके महिमा मिलैगो। सबए महिमा और शक्ति हरदम बहेको हए! आमेन।