यूहन्ना 14:17 - राना थारु नयाँ नियम

¹⁷ बा बो आत्मा हए जो परमेश्वरके बारेमे सच्चाईके प्रकट करत हए। पर संसार बाके नाए पाबैगो काहेकी संसार बाके नए देखत हए नए चिन्त हए। पर तुम बाके चिन्त हओ काहेकी बा तुमरी सँग रहात हए और बा तुमरी भितर बास करैगो।

परमेस्वर को सच्चो वचन

¹⁷ मतलब सच्चाई की आत्मा, जोकै दुनिया अपनाय ना सकथै, काहैकि बौ ना बाकै देखथै और ना बाकै जानथै; तुम बाकै जानथौ, काहैकि बौ तुमरे संग रहथै, और बौ तुम मैं होगो।”

यूहन्ना 14:17 Σταυροειδείς Αναφορές

मत्ती 10:20

काहेकी मस्कन बारे तुम अपनए नाए हुइहओ। पर तुमर परमेश्वरको आत्मा तुमसे मस्कैगो।

यूहन्ना 14:16

मए दौवासे प्राथना करंगो, और परमेश्वर तुमर ताहीं एकजनै सल्लाहकार पठाए देबैगो, और बा सदा दिन तुमर सँग रहाबैगो।

यूहन्ना 14:23

येशू बाके जबाफ दइके कही, “जौन मोके अपनए कता प्रेम करैगो, बो मिर बचनको शिक्षाके पालन करैगो कहेसे मिर दौवा बाके प्रेम करैगो, और हम बोके ठिन आमंगो, और बोके सँग रहामंगे।

यूहन्ना 15:26

“मए दौवाके घेनसे तुमर ताहीं एक सल्लाहकार पठामंगो। बा बो आत्मा हए जो परमेश्वरके बारेमे सच्चाईके प्रकट करत हए, जब बा आबैगो तओ बो तुमके मेरे बारेमे गवाही देबैगो।

यूहन्ना 16:13

जब बा परमेश्वरके बारेमे सच्चाई प्रकट करन बारो आत्मा आबैगो। तओ आत्मा तुमके, परमेश्वरके बारेमे जो फिर सत्य हए कहिके जाननको कारण बनैगो, काहेकी सल्लाहकार अपनी अधिकारसे नाए मस्कत हए। बल्कि सल्लाहकार परमेश्वरके घेनको बात सुनैगो और बहे बताबैगो, और आन बारी बात तुमके बताबैगो।

यूहन्ना 6:40

काहेकी मिर दौवाको इच्छा जहेहए, कि लौंणाके देखन बारे और बाके उपर बिश्वास करन बारे, सब कभी फिर नाश नाए होन बारो जीबन पामएं, और दुनियाको अन्तके दिनमे मए बिनके मरे भए मैसे जिन्दा करंगो।”

1 कोरिन्थी 14:15

जहेमारे, मए प्राथना करन चाँहत हओं, पबित्र आत्मा द्वारा निर्देशित करोजाए; पर मए जा फिर चाँहत हओं कि दुस्रे आदमी जा सम्झएं, कि मए का कहिरहो हओं। और जब मए गात हओं, तओ मए चाँहत हओं कि मिर गाना पबित्र आत्मासे प्रेरित होए, लेकिन जा फिर जरुरी हए, कि मए जो गए रहो हओं बो दुस्रेके द्वारा सम्झाओ जाए।

1 कोरिन्थी 2:14

पर परमेश्वरको आत्मा नाए होन बारे आदमी, पबित्र आत्माको शिक्षाके ग्रहण नाए करत हए, काहेकी बे आदमीनके नजरमे मुरखके बात हएं, और एक आदमी अपनो आत्मिक जाँच तब्ही कर सकत हए, जब बोमे परमेश्वरको आत्मा रहात हए।

1 कोरिन्थी 3:16

निश्चित रुपसे तुम जानत हओ, कि तुम अपनए परमेश्वरके मन्दिर हओ, और परमेश्वरको पबित्र आत्मा तुममे बास करत हए।

1 कोरिन्थी 6:19

तुम जरुर जानत हओ, कि तुमर शरीर मन्दिर हए जोमे पबित्र आत्मा रहात हए; जो तुममे बास भओ हए और तुमके परमेश्वरके घेनसे मिलो हए, और तुम परमेश्वरके हओ।

2 कोरिन्थी 13:5

तुम बिश्वासमे पक्के हओ कि नाए हओ कहिके अपनए-अपनएके जाँचके देखओ। अपनएके जाँचओ, कि तुमर बिश्वास सच्चो हए कि नाए हए। जाँचमे असफल नाएभए कहेसे येशू ख्रीष्ट तुमरमे हए करके तुमके पता होन रहए!

2 कोरिन्थी 6:16

मूर्तिनसे परमेश्वरको मन्दिरसे का सम्बन्ध? काहेकी हम जीवित परमेश्वरके मन्दिर हएं, जैसे परमेश्वर पबित्र-शास्त्रमे कही हए, “मए बे आदमीनके सँग रहामंगो, और उनके बीचमे नेँगघुम करंगो; और मए उनको परमेश्वर होमंगो, और बे मेरे आदमी होमंगे।”

गलातियों 4:6

काहेकी हम बाके सन्तान हएं, जहेमारे परमेश्वर अपनो लौंणाको आत्माके हमरे हृदयमे पठाइ हए, जो आत्मा परमेश्वरके “हे अब्बा, हे दौवा” कहिके कहात हए।

इफिसियों 2:22

हे गैर-यहूदीके बिश्वासी, काहेकी तुम ख्रीष्टके सँग एकजुट हओ, जहेमारे तुमके फिर परमेश्वरके औरे आदमीनके सँग जोडो जाएरहो हए। ताकी तुम एक अइसो घर बन्जाबओ जहाँ पबित्र आत्माको शक्ति द्वारा परमेश्वर रहात हए।

इफिसियों 3:17

तुमके अपने दिलन्मे मजबुत होनचाहो, ताकी जब तुम ख्रीष्टमे बिश्वास करओ तओ बा तुमर दिलमे रहाए। मए प्राथना करत हओं, कि परमेश्वरके ताहीं और एकदुस्रेके ताहीं तुमर प्रेम तुमके मजबुत बनाबए और तुमके गिरनसे बचाबए।

कलस्सी 1:27

बिनके सब गैर-यहूदीनके ताहीं धरो भओ बडो रहस्यकी बातके खोलदेनो परमेश्वरको योजना हए। रहस्य ख्रीष्ट अपनए हए, जो तुमर भितर हए। ख्रीष्टको महिमाके ताहीं हमर सिरफ एकए आसरा हए।

2 तिमोथी 1:14

येशू ख्रीष्टके बारेमे अच्छो समाचारकी रक्षा कर जो परमेश्वर पबित्र आत्माको मदतसे तोके दइ रहए, जो हममे रहात हए।

1 यूहन्ना 2:27

तुमर ताहीं ख्रीष्टके द्वारा पबित्र आत्मा दओगओ हए, और बा तुमर भितर रहात हए। तुमरमे पबित्र आत्मा रहानतक कोइ फिर तुमके सत्यके बारेमे नाए सिखान पणैगो, काहेकी पबित्र आत्मा तुमके सब बात सिखात हए। बाको सिखाइ बात सच्चो होत हए, पर झुठो नाए होत हए। जहेमारे ख्रीष्टके सँग एकजुट हुइके बने रहाओ, जैसेकी पबित्र आत्मा तुमके करन कही हए।

1 यूहन्ना 3:24

और जो परमेश्वरको आज्ञाके पालन करत हए, बो परमेश्वरके सँग और परमेश्वर बोकेसँग एकजुटमे रहात हए। और पबित्र आत्मासे जो बा हमके दइ हए, हम जानत हएं, कि पबित्र आत्मा हमर सँग और हम पबित्र आत्माके सँग एकजुटमे रहात हएं।

1 यूहन्ना 4:4

हे मेरे प्यारे बालकओ, तुम परमेश्वरके आदमी हओं, और तुम बे झुठे अगमबक्तनसे जितीगए हओ, काहेकी पबित्र आत्मा जो तुममे हए, बा शैतानसे बडो हए, जो जा संसारके आदमीनके उपर राज्य करत हए।

1 यूहन्ना 4:6

हम परमेश्वरके हएं। जो परमेश्वरके जानत हए बो हमर बात सुनत हए; जो परमेश्वरके नाए जानत हए, बो हमर बात नाए सुनत हए; अइसियए हम सच्चो बोलन बारो आत्माके और झुठो बोलन बारो आत्माके पहिचान करसकत हएं।

1 यूहन्ना 5:7

जे तीन चीज गवाही देत हएं, कि येशू परमेश्वरसे आओ हए:

प्रकाश 2:17

हर कोइ, जो मिर सन्देशके सम्झन चाँहत हए, बोके बे बातके ध्यानसे सुनन पणो, जो परमेश्वरको पबित्र आत्मा मण्डलीनसे कहात हए: बे आदमी जो बुराइके हराए देत हएं, मए उन्हएं बहे मन्न मैसे कुछ चीज देमंगो, जो चीज लुको हए। मए उन मैसे सबके एक सेतो पत्थर देहओं, जोमे एक नयाँ लिखो भओ होबैगो। जौन आदमी बोके पाबैगो, बोके छोडके कोइ फिर बो नाउँके नाए समझ पाबैगो।”