यूहन्ना 12:48 - राना थारु नयाँ नियम

⁴⁸ मिर बात सुनके फिर बिश्वास नाए करहए कहेसे बोके ताहीं एक जनै न्याय करन बारो हए। जौन बात कहो बहे बात अन्तके दिनमे न्याय करैगो।

परमेस्वर को सच्चो वचन

⁴⁸ जो मोकै बेकार जानथै और मेरी बातन कै नाय अपनात है बाकै कसूरवार ठहरान बारो तौ एक है। मतलब जो बचन मैं कहो हौं, बहे आखरी दिनन मैं बाकै परखंगो!

यूहन्ना 12:48 Σταυροειδείς Αναφορές

मत्ती 10:15

नेहात्तओ, मए तुमसे कहात हओं, न्यायके दिनमे बो नगरको दसासे सदोम और गमोराको नगरको दसा जद्धा सहन सिकन बारो होबैगो, जौन परमेश्वर तुमके देबैगो।”

मत्ती 21:42

येशू बिनसे कही, “का तुम कभी पबित्र-शास्त्रमे लिखो भओ बचन नाए पढे हओ? ‘जौन पत्थरके घर निर्माण करन बारे रद्द करीं, बहे कुनैठोको मुण-पत्थर बनो, जा परमप्रभुसे भओ हए, और हमरे नजरमे जा अचम्मकी बात हए।’

मत्ती 25:31

“जब मए, आदमीको लौंणा फिरसे आमंगो, तओ मए अपन महिमामे आमंगो और सब स्वर्गदूतके अपने सँग लामंगो। तओ मए सब आदमीनको न्याय करनके ताहीं अपन महिमामय सिंहासनमे बैठंगो।

मर्कूस 12:10

का तुम पबित्र-शास्त्रमे लिखो भओ बचन नाए पढे हओ, जौन ख्रीष्टको तुलना एक महत्वपूर्ण पत्थरसे कर सकत हएं? बा कहात हए, “‘जौनछो पत्थरके राजमिस्तरी बेकार सम्झीं, बा बहे पत्थर हए जो घरमे सबसे महत्वपूर्ण पत्थर बानो।’

मर्कूस 16:16

जो कोइ फिर अच्छो समाचारमे बिश्वास करैगो और एक चिन्हाके रुपमे बप्तिस्मा लेबैगो, बो परमेश्वरसे अपने पापनके ताहीं दण्ड पानसे बचाओ जएहए। पर हरकोइ, जो मोएमे बिश्वास करनसे मनाही करैगो, बो परमेश्वरद्वारा अपन पापके ताहीं दण्ड पाबैगो।

मर्कूस 8:31

तओ येशू अपन चेलनके सिखान सुरु करी, कि आदमीको लौंणाके बहुत दुख भोगन पणैगो, और यहूदी अगुवनको समुहसे, मुखिया यहूदी पुजारीसे और मोशाको नियम कानुन सिखान बारेसे इन्कार करो जएहए और मारो जएहए, फिर तिसरो दिनमे जिन्दा हुइके उठो जएहए।

लूका 10:16

जौन तुमर बात सुनत हए, बो मिर बात सुनत हए। जौन तुमके अस्वीकार करत हए, बो मोके अस्वीकार करत हए, और जौन मोके अस्वीकार करत हए, बो मोके पठान बारोके अस्वीकार करत हए।”

लूका 17:25

पर अइसो होनसे अग्गु बहुत दुख सहन पणैगो। और जा पिढीके आदमी मोके इन्कार करंगे।

लूका 20:17

तओ येशू बिनके देखके कही, “जा लिखो भओ का हए तओ? ‘जौन पत्थरके घर बनान बारे रद्द करिहएं, बहे पत्थर, कोनोको शिर-पत्थर बनो।’

लूका 7:30

पर फरिसीनको समुह और नियम कानुन सिखान बारे, परमेश्वरको इच्छाके अपने ताहीं अस्वीकार करदइं और यूहन्नासे बप्तिस्मा लेनसे इन्कार करीं।

लूका 9:22

तओ येशू कही, “मए, आदमीको लौंणाके बेढम दुख उठान पणैगो, और येशू यहूदी अगुवनको समुहसे, मुखिया यहूदी पुजारी और मोशाको नियम कानुन सिखान बारेनसे इन्कार करोजामंगो और मारो जामंगो और फिर तिसरो दिनमे मरो मैसे जिन्दा हुइके उठंगो।”

लूका 9:26

पर कोइ मोसे और मिर बचनसे शर्माबैगो कहेसे, मए, आदमीको लौंणा फिर अपनो महिमामे, और पिताको और परमेश्वरको पबित्र स्वर्गदूतको महिमामे आत बोकेसँग शर्मामंगो।

यूहन्ना 11:24

मार्था बोसे कही, “मए जानत हओं, कि बा न्यायके दिनमे फिरसे जिन्दा हुइके उठजएहए।”

यूहन्ना 5:45

“जा मत् समझओ, कि मए दौवाके अग्गु तुमके दोष लगामंगो, पर जौन मोशाको नियम कानुन उपर तुम अपनो आसरा करेहओ, बहे मोशए तुमर उपर दोष लगाबैगो।

यूहन्ना 6:39

और मोके पठान बारेको इच्छा जहेहए, परमेश्वर मोके जित्नोनके देहए बे मैसे कोइके फिर मए नाए गुमाओं, बल्कि बिनके संसारको अन्तके दिनमे जिन्दा करओं।

यूहन्ना 8:47

जौन कोइ परमेश्वर सँग सम्बन्धमे रहात हए, बो परमेश्वरको बात सुन्तहए; और तुम जाकेमारे नाए सुन्त हओ कि तुम परमेश्वर सँग सम्बन्धमे नाए हओ।”

प्रेरित 17:31

काहेकी संसारके सबए आदमीनको न्याय करन बारो दिन बा तोक दइ हए और बो दिन बा अपनए छानो भओ व्यक्ति द्वारा न्यायसाथ इन्साफ करैगो। आदमीको लौंणाके न्याय करनके अधिकार हए कहान बारो प्रमाण सबए आदमीनके देओ कहिके परमेश्वर येशूके मरो मैसे जिन्दा करी।”

प्रेरित 3:23

पर अगमबक्ताकी बात नाए सुनन बारे आदमी, परमेश्वरके आदमीनसे अलग करो जएहए और परमेश्वर उनके नाश करैगो।

रोमियों 2:16

जा बहे दिन होबैगो जब परमेश्वर अच्छो समाचार, जोको मए परचार करत हओं, बहेके अनुसार येशू ख्रीष्ट आदमीनको गुप्त बातकी न्याय करैगो।

2 कोरिन्थी 4:3

अगर हमर परचार करन बारो अच्छो समाचार लुको हए कहेसे, जा नष्ट होन बरेनके ताहीं फिर लुको हए।

2 थेसलोनिकी 1:8

और जो परमेश्वरके नाए चिनत हएं, और जो हमर प्रभु येशू ख्रीष्टके बारेमे अच्छो समाचारके स्वीकार नाए करत हएं, परमेश्वर उनके दण्ड देबैगो।

हिब्रू 10:25

कित्नोनके संगतीमे नाए जानके बानी होत हए, पर हम एकए सँग इकट्ठा होनके नाए छोडएं। पर हमएं एकदुस्रेके उत्सहा और चेतावनी देन पणत हए। काहेकी हम जानत हएं, कि प्रभु जल्दीए फिरसे लौटके आनडटो हए।

हिब्रू 12:25

होसियार रहाबओ, और परमेश्वरको बात मानओ जौन तुमसे बोलत हए। काहेकी अगर पृथ्वीमे चेतावनी देन बारो मोशाके इन्कार करन बारे इस्राएल देशके आदमी परमेश्वरको दण्डसे नाए बचे कहेसे, स्वर्गसे चेतावनी देन बारो परमेश्वरके सुननसे इन्कार करे कहेसे हम नेहात्तओ बो दण्डसे नाए बचपामंगे।

हिब्रू 2:3

जहेमारे अगर जा बडो मुक्तिके हम वास्ता नए करे कहेसे नेहात्तओ हम फिर सजाय पामंगे। अग्गु प्रभु येशू अपनए मुक्तिके बारेमे कही, और प्रभुको कहो भओ मुक्तिको सन्देश सुनान बारे चेला हमके जा सच्चो हए कहिके प्रमाण दइ हएं।

हिब्रू 4:12

परमेश्वरको बचन त काम करतए रहान बारो और जिन्दा हए। जा दुनौ घेन धार भओ तरवारसे फिर पैनो हए। जा भितर जाएके प्राण और आत्माके अलग करदेत हए और गाँठीगुँठी और हड्डीके फिर काटदेत हए। परमेश्वरको बचन आदमीनको मनको बिचार और चाहनाके किराएके जाँचत हए।

1 पतरस 1:5

परमेश्वर अपनो बडो शक्ति द्वारा तुमके सुरक्षित रक्खैगो काहेकी तुम येशूमे बिश्वास करत हओ। बा तुमके अनन्त दिनतक सुरक्षित रक्खैगो, जब ख्रीष्ट लौटके आबैगो। तओ तुमके पता चलैगो, कि परमेश्वर तुमके पुरा रुपसे पाप और मृत्युसे बचाइ हए।

2 पतरस 3:3

सबसे जरुरी बात, तुमके जानन हए कि अन्तिम दिनमे ख्रीष्ट दुबारा लौटके आनसे पहिले कुछ आदमी तुमके गिल्ला करंगे, काहेकी तुम बिश्वास करत हओ, कि ख्रीष्ट लौटके आबैगो। बे अपनो बानीके कारणसे गलत काम करंगे, जौन बिनके खुसी बनातहए।

2 पतरस 3:7

पर परमेश्वर बहे बचनसे बादर और पृथ्वी अभौफिर अस्तित्वमे धरे हए, ताकी बिनके आगीमे नष्ट करपाबए। बाको आज्ञा नाए मानन बारे आदमीनके बा न्याय और नष्ट करन बारो दिनके ताहीं बचाए पणे हए।