यूहन्ना 12:26 - राना थारु नयाँ नियम

²⁶ कोइ मिर सेवा करहए कहेसे बो मिर चेला बननके ताहीं मिर पिच्छु लागए, तओ जहाँ मए हओं हुवाँ मिर चेला फिर हुइहए। अगर कोइ मिर सेवा करहए कहेसे दौवा परमेश्वर बोके आदर करैगो।

परमेस्वर को सच्चो वचन

²⁶ अगर कोई मेरी सेवा करै, तौ मेरे पच्छू हुई लेबै; और जहाँ मैं हौं, हूँना मेरो सेवक होगो। अगर कोई मेरी सेवा करै, तौ दऊवा बाको आदर करैगो।”

यूहन्ना 12:26 Σταυροειδείς Αναφορές

मत्ती 16:24

तओ येशू अपन चेलनसे कही, “कोइ मिर पिच्छु आनके इच्छा करैगो कहेसे बो अपनी इच्छन्के त्यागए और अपन क्रूस उठाएके मिर चेला बननके ताहीं आबए।

मत्ती 25:21

मालिक बोसे कही, ‘स्याबास! तए असल और बिश्वासयोग्य नोकर हए, तए थोरी धनमे बिश्वासयोग्य भओ, मए तोके बहुत चीजको जुम्मा देहओं। तए अप्नो मालिकको आनन्दमे सहभागी हो।’

मर्कूस 8:34

तओ, बा अपन चेलनके सँगमे भिडके अपन ठिन बुलाएके उनसे कही, “अगर तुम मिर चेला बनन्के चाँहत हओ कहेसे, तुमके अपनएके भुलन पणैगो। तुमके मेरे ताहीं दुख सहन पणैगो, हियाँतककी तुमके मरनके ताहीं फिर तयार होन पणैगो। तओ तुम मिर चेला बननके ताहीं अपन क्रूस उठाएके मिर सँग आए पाबैगे।

लूका 12:37

बो नोकर धन्यके हए, जौनको मालिक घर आनके बेरा बिनके, बोको डगर देखत असियात पाबैगो। मए नेहात्तओ तुमसे कहात हओं, कि बो मालिक एक सेवक हानी लत्ता पैँधके बिनके सँग खानु खानके बैठैगो, और ढिँगै आएके बिनको सेवा करैगो।

लूका 6:46

“मिर कही बात नाए करैगे, तओ काहे मोसे प्रभु, प्रभु, कहात हओ?

लूका 9:23

तओ येशू सब जनैसे कही, “अगर तुम मिर सँग आन चाँहत हओ कहेसे, तुमके अपनए-अपनएके अस्वीकार करन पणैगो। तुमके मिर ताहीं रोजदिन दुख सहन पणैगो। हियाँ तक, कि मरनके ताहीं तयार फिर रहान पणैगो। तओ तुम मिर चेला बननके ताहीं मिर सँग आए पाबैगे।

यूहन्ना 10:27

“जैसेकी भेंणा अपनो अच्छो बकरेहेराको अबाज चिनजात हएं, उइसीयए मेरे आदमी मिर बातमे ध्यान देत हएं। मए उनके जानत हओं, और बे मेरे चेला बननके ताहीं मेरे पिच्छु लाग्गए हएं।

यूहन्ना 13:16

नेहात्तओ मए तुमसे कहात हओं, कमैया अपन मालिकसे बडो नाए होत हए, और खबर लान बारो चुनेभए चेलासे बडो नाए होत हए।

यूहन्ना 14:15

अगर तुम मोके प्रेम करत हओ कहेसे, जो आज्ञा मए तुमके दओ हओं बोके फिर पालन करओ।

यूहन्ना 14:3

तुमर ताहीं ठाउँ तयार करके मए घुमके आमंगो और तुमके मेरे सँग रहानके ताहीं अपने ठिन लैजामंगो, ताकी जहाँ मए रहामओं हुवाँ तुम फिर रहाबओ।

यूहन्ना 15:20

मए जा तुमके बताओ हओं, ‘कमैया मालिकसे बडो नाए होत हए,’ बोके याद करओ, अगर बे मोके हेल्हा करीं, कहेसे तुमके फिर हेल्हा करंगे। अगर बे मिर शिक्षा पालन करीं तओ तुमर शिक्षाके फिर पालन करंगे।

यूहन्ना 17:24

“हे दौवा, तुम मोके दएभए आदमी मेरी ठिन रहामएं और तुम मोके दओ भओ महिमा बे देख पामएं, जौन महिमा तुम संसारको उत्पत्ति होनसे पहिलीयए मोके प्रेम करके दए।”

यूहन्ना 21:22

येशू पत्रुससे कही, “अगर मए चाँहत हओ, कि जा मेरे लौटन तक जिन्दा रहाबए, तओ तोए का होतहए? तए मिर चेला बनो रहो।”

रोमियों 1:1

मए पावल, येशू ख्रीष्टको सेवक हओं, और चुनो भओ चेला होनके ताहीं परमेश्वर द्वारा चुनो गओ हओं, और परमेश्वरको तरफसे अच्छो समाचारके परचार करनके ताहीं अलग करोगओ हओं।

रोमियों 14:18

जो कोइ जा रितिसे ख्रीष्टको सेवा करत हए बो परमेश्वरके खुसी करत हए और आदमी फिर बोके बारेमे भलो कहात हएं।

2 कोरिन्थी 4:5

काहेकी हम अपनो परचार नाए करत हएं, पर “येशू ख्रीष्टए प्रभु हए” कहान बारो बात परचार करत हएं, और हम येशूके खातिर तुमर कमैया हएं।

2 कोरिन्थी 5:8

हममे पुरो भरोसा हए, हम मरके जा शरीरसे अलग हुइके प्रभु सँग रहान हम चाँहत हएं।

गलातियों 1:10

स्पष्ट रुपसे, मए आदमीनके खुसी करनके कोसिस नाए कररहो हओं, पर मए परमेश्वरके खुसी करन चाँहत हओं। मए आदमीनके खुसी करनके कोसिस नाए कररहो हओं, अगर मए अबतक आदमीनके खुसी करत रहितो तओ ख्रीष्टको दास नाए हुइतो।

फिलिप्पी 1:23

काहेकी मोके जे दुई मैसे कौनछो छानन पणैगो बो मए नाए जानतहओं। मन त लगत हए, कि मरके ख्रीष्टके ठिन जाओं काहेकी जा बहुत अच्छो हए।

कलस्सी 3:24

याद करओ, कि प्रभु तुमके इनाम देबैगो, जो जहेहए, कि ख्रीष्ट तुमके बे आशिष मैसे तुमर बाँट देबैगो जौनके बा अपने सब आदमीनके ताहीं तयार करीहए।

कलस्सी 4:12

इपाफ्रास जो तुमर गाउँसे हए, और ख्रीष्ट येशूको सेवक हए, तुमके नमस्कार कहात हए। और हमेसा तुमर ताहीं निरन्तर प्राथना करत हएं, ताकी तुम पुरा परिपक्का हुइके पुरा बिश्वासके सँग परमेश्वरके इच्छामे मजबुत हुइ पाबओ।

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

1 यूहन्ना 5:3

परमेश्वरसे प्रेम करनको अर्थ जहेहए, कि बाकी आज्ञाके पालन करनो। और बाकी आज्ञाके पालन करनके मुस्किल नाए हए।

यहूदा 1:1

मए यहूदा जा चिट्ठी तुमके लिखनडटो हओं। मए येशू ख्रीष्टको दास और याकूबको भइया हओं। मए जा चिट्ठी परमेश्वरमे बिश्वास करनके बाके द्वारा बुलाएभए आदमीनके लिखनडटो हओं। तुमके परमेश्वर हमर दौवा प्रेम करत हए और येशू ख्रीष्टमे सुरक्षित रक्खी हए।

प्रकाश 14:4

बिनको जीबन पबित्र हए। बे बेहीं लोग कता हएं जौन कभी फिर व्यभिचार नाए करी हएं, जौन कभी फिर आराधना नाए करी हएं, बे थुमाको इकल्लो आराधना करत हएं। जहाँ थुमा जातहए, हुवाँ बेहुँ जात हएं, बे आदमी बेहीं हएं जौननके पृथ्वीके सबए आदमीनके बीचसे छुटावगओ हए। आदमी अपनो फसलको पहिलो फल परमेश्वरके चढाओकता, बे परमेश्वर और थुमाके पहिलो भेँटीके रुपमे चढाएगए हएं।