यूहन्ना 11:33 - राना थारु नयाँ नियम

³³ मरियम रोन डटी रहए और बोके सँग आए यहूदी फिर रोन डटे रहएं। जा देखके येशू दया और दुखसे भरिगओ।

परमेस्वर को सच्चो वचन

³³ जब ईसु बाकै और बे यहूदियन कै जो मरियम के संग-संग आए रहैं उनकै रोत भौ देखी, तौ ईसु आत्मा मैं गजब उदास और बेचैन हुई गौ।

यूहन्ना 11:33 Σταυροειδείς Αναφορές

मर्कूस 3:5

बिनको हृदयको कठोरतामे येशू गुस्साइगओ, और बा बिनके सबके देखके बहुत दुखी भओ और लुला हात भओ मनैसे कही, “अपन हात फैला।” बो हात फैलाइ और बक हात अच्छो हुइगओ।

मर्कूस 9:19

तओ येशू बिनके जबाफ दइ, “ए अबिश्वासी आदमी! मए कहाँ तक तुमर सँग रएहओं? कहाँ तक मए तुमके सहामओं? बो लौंणाके मिर ठिन लियाबओ।”

यूहन्ना 11:19

बहुतसे यहूदी आदमी मार्था और मरियमको भइया मरो दुखमे सान्त्वना देनके ताहीं आए रहएं।

यूहन्ना 11:31

तओ बे यहूदी जो मरियमके सँग घरमे रहएं, और जौन बोके सान्त्वना देत रहएं, बे मरियमके झट्टसे उठके बाहिर जात देखीं। जहेमारे यहूदी बोके पिच्छु-पिच्छु गए, जा सोँचके कि बो रोनके ताहीं चिहानमे जान डटी हए।

यूहन्ना 11:34

येशू बिनसे पुछी, “तुम लाजरसके कहाँ दफ्नाएके धरे हओ?”

यूहन्ना 11:35

येशू रोइ।

यूहन्ना 11:38

तओ येशू फिर बहुत दया और दुखी हुइके चिहान घेन गओ। बो चिहान एक गुफा रहए और बोको मोहोडा बडो पत्थरसे तुपोगओ रहए।

यूहन्ना 12:27

अब मिर प्राण बहुत दुखी हुइगओ हए, और मए का कहामओं? ‘हे दौवा परमेश्वर, हुइहए कहेसे मोके जा दुखके समयसे बचाओ?’ पर मए जहेक ताहीं जा संसारमे आओ ताकी मए दुख सहामओं।

यूहन्ना 13:21

जा बात कहिके, येशू दया और दु:खसे भरीगओ, और अपन चेलनके बताइ, “नेहात्तओ मए तुमसे कहात हओं, तुम मैसे एक जनै मोके पकणाए देहए।”

रोमियों 12:15

आनन्द करन बारेनके सँग आनन्द करओ। रोन बारेनके सँग रोबओ।

हिब्रू 4:15

प्रधान यहूदी पुजारी, जो येशू ख्रीष्ट हए, बा हमर सब कमजोरीके बुझत हए, हमैंकता शैतान बाके सब बातमे परीक्षा करी, तहुँफिर बा कोइ पाप नाए करी।