यूहन्ना 1:34 - राना थारु नयाँ नियम

³⁴ और मए देखो हओं, और मए तुमसे फिर सच्चो कहात हओं, कि बहे परमेश्वरको लौंणा हए।”

परमेस्वर को सच्चो वचन

³⁴ यूहन्ना कही, मैं देखो हौं, गभाई दौ हौं कि जहे परमेस्वर को लौड़ा है।”

यूहन्ना 1:34 Σταυροειδείς Αναφορές

मत्ती 11:27

मिर दौवा मोके सब कुछको जिम्मा दइ हए। केबल बहे इकल्लो हए जो लौंणाके चिन्हत हए, और बे आदमी चिन्हत हएं, जो लौंणा दौवाके देखन चाँहत हए।

मत्ती 16:16

सिमोन पत्रुस जबाफ दइके बासे कही, “तुम ख्रीष्ट हओ, जीवित परमेश्वरको लौंणा।”

मत्ती 17:5

पत्रुस मसकतए मसकत, चमकदार बादर बिनके तोपदइ, और बादरसे एक अबाज आओ, “जा मिर प्रिय लौंणा हए, जासे मए बहुत खुसी हओं, इनकी बात सुनओ।”

मत्ती 26:63

पर येशू चुप रहो। प्रधान यहूदी पुजारी येशूसे कही, “जिन्दा परमेश्वरको नाउँमे कसम खाएके कहो, हमके बता, का तए परमेश्वरको लौंणा ख्रीष्ट हए?”

मत्ती 27:40

और कहीं, “ए मन्दिर उजाणन बारो और बोके तीन दिनमे बनान बारो, अपनएके बचा, और परमेश्वरको लौंणा हए तओ, क्रूससे उतरके तरे आएजा।”

मत्ती 27:43

जा परमेश्वरमे भरोसा करत रहए और परमेश्वर जाके चाँहत हए कहेसे बा जाके अभइ छुटकारा देबए, काहेकी जा ‘मए परमेश्वरको लौंणा हओं,’ करके कहात रहए।”

मत्ती 27:54

जब कप्तान और जो बोके सँग चौकीदारी करत रहए, तओ भुकम्प और जो कुछ भओ रहए, बो देखके बहुत डराइगए, और कहीं, “नेहात्तओ जा परमेश्वरको लौंणा रहए।”

मत्ती 3:17

तओ स्वर्गसे परमेश्वरको अबाज आओ, “तए मिर प्यारो लौंणा हए, तोसे मए गजब खुसी हओं।”

मत्ती 4:3

तओ शैतान परीक्षा करन येशूके ठिन आएके कही, “तुम अगर परमेश्वरको लौंणा हओ कहेसे जा पत्थरके रोटी होए करके आज्ञा करओ, ताकी तुम रोटी खाए पाबओ।”

मत्ती 4:6

और शैतान येशूसे कही, “तुम परमेश्वरको लौंणा हओ कहेसे, हियाँसे तरे कुदके अपनएके साबित करओ, कि तुमके चोट नाए लगैगो, काहेकी पबित्र-शास्त्रमे अइसो लिखो हए, ‘बो अपन स्वर्गदूतके जिम्मामे तुमके देहए और बे तुमके अपन हातसे तुमके पकण लेमंगे, नत तुमर टाँग पत्थरमे ठुक जाबैगो।’”

मत्ती 8:29

बे भुत लागे आदमी अइसे करके चिल्लाइं, “हे परमेश्वरको लौंणा, तुमसे हमर का मतलब हए? हमर बेरा नाए पुगतए तुम हियाँ हमके कष्ट देन आए हओ?”

मर्कूस 1:1

परमेश्वरको लौंणा, येशू ख्रीष्टके बारेमे अच्छो समाचार जा प्रकारसे सुरु होतहए:

मर्कूस 1:11

तओ स्वर्गसे परमेश्वरको अबाज आओ, “तए मिर प्यारो लौंणा हए, तोसे मए गजब खुसी हओं।”

लूका 1:35

स्वर्गदूत बोके जबाफ दइके कही, “पबित्र आत्मा तिरमे आबैगो, और परमप्रधानको शक्तिको छाहीं, तिर उपर पणैगो; जहेमारे तिरसे जनम लेन बारो लौंणा पबित्र होबैगो, बा परमेश्वरको लौंणा कहोजाबैगो।

लूका 3:22

और पबित्र आत्मा कबुतरके रुपमे अपन उपर उतरत देखी। तओ स्वर्गसे परमेश्वरको अबाज आओ, “तए मिर प्यारो लौंणा हए, तोसे मए गजब खुसी हओं।”

यूहन्ना 1:18

परमेश्वरके कोइ कभु नाए देखिहएं। बाको एक लौंणा इकल्लो बाके देखी, हए जो परमेश्वर कता हए। और जो परमेश्वरके ढिँगै हएं, परमेश्वर बहे लौंणाके प्रकट करी हए।

यूहन्ना 1:49

नथानेल येशूसे कही, “गुरुजी, तुम परमेश्वरको लौंणा हओ; तुम इस्राएल देशके राजा हओ।”

यूहन्ना 10:30

दौवा और मए एक हएं।”

यूहन्ना 11:27

मार्था बासे कही, “हँ प्रभु, मए बिश्वास करत हओं, तुम जा संसारमे आन बारे परमेश्वरको लौंणा ख्रीष्ट हओ।”

यूहन्ना 19:7

यहूदी समुहके अगुवा पिलातसके जबाफ दइके कहीं, “हमर नियम कानुन अनुसार जाके मारन पणैगो, काहेकी जा अपनएके परमेश्वरको लौंणा हओं, कहिके ठोकुवा करत हए।”

यूहन्ना 20:28

जा सुनके थोमा येशूके जबाफ दइके कही, “हे मिर प्रभु, हे मिर परमेश्वर!” और अइसे कहात येशूके पाउँमे पणो।

यूहन्ना 20:31

पर जा जहेमारे लिखोगओ हए, कि तुम बिश्वास करओ, कि येशू इकल्लो परमेश्वरको लौंणा ख्रीष्ट हए: और बामे बिश्वास करके बाके नाउँसे कभी फिर अन्त नाए होन बारो जीबन मिलए।

यूहन्ना 6:69

और हम बिश्वास करेहएं, और जाने हएं, कि तुमही परमेश्वरके तरफसे आएभए परमेश्वरको पबित्र सेवक हओ।”

रोमियों 1:4

और पबित्र आत्माके शक्तिसे, येशू ख्रीष्ट मरो भओ मैसे जीइ उठके परमेश्वरको आत्मामे सामर्थके साथ परमेश्वरको लौंणा ठहिरो हए।

2 कोरिन्थी 1:19

काहेकी सिलास, तिमोथी और मए तुमर बीचमे परचार करोभओ परमेश्वरको लौंणा येशू ख्रीष्ट झुठो नाए हए। पर बामे रोज सच्चाई इकल्लो हए।

हिब्रू 7:3

मल्कीसेदेकके दौवा, अइया और पुर्खा कोइके बारेमे कुछु जानकारी नैयाँ। बोको जनम और मरनके बारेमे कुछु जानकारी नैयाँ। परमेश्वरको लौंणा कता बो सदादीन पुजारी हए।

1 यूहन्ना 2:23

लौंणाके अस्वीकार करन बारेनके दौवा परमेश्वर फिर अस्वीकार करत हएं; जौन लौंणाके मानैगो, बोके दौवा परमेश्वर फिर मानैगो।

1 यूहन्ना 3:8

जौन पाप लगातार करत रहतहए, बो शैतानको आदमी हए, काहेकी शैतान सुरुसे पाप करत आओ हए। शैतानको कामके नष्ट करनके ताहीं परमेश्वरको लौंणा आओ हए।

1 यूहन्ना 4:9

परमेश्वर हमके अइसे प्रेम दिखाइ काहेकी परमेश्वर अपनो अकेलो लौंणाके संसारमे पठाइ, ताकी बाके द्वारा हमके कभी फिर नाश नाए होन बारो जीबन मिलए।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।

2 यूहन्ना 1:9

बे आदमी जो सच्चो शिक्षासे भणकजात हएं, और ख्रीष्टको शिक्षा जैसो नाए करत हएं, बे परमेश्वरके सँग संगतीमे नाए हएं। जो कुछ ख्रीष्ट सिखाइ हए, बोके लगातार पालन करत रहाओ, और दौवा परमेश्वर, बाको लौंणा येशू ख्रीष्टके सँग संगतीमे रहे रहाओ।

प्रकाश 2:18

येशू मोसे अइसेफिर कही: थिआटीरा सहरके मण्डलीके स्वर्गदूतके जा लिख: जा सन्देश परमेश्वरको लौंणासे हए। जौनको आँखी आगीको ज्वाला कता हए और जौनक पाउँ आगीको भट्टीमे निख्रो भओ फूलके बर्तन कता रहएं। जो मए तोसे कहात हओं बोके सुन: