हिब्रू 9:27 - राना थारु नयाँ नियम

²⁷ हर आदमीनके एक चोटी मरनए पणैगो। और मरके पिच्छु परमेश्वर हर आदमीनको न्याय करैगो।

परमेस्वर को सच्चो वचन

²⁷ और जैसी इंसानन के ताहीं एक बार मरनो और बाके बाद न्याय को होनो ठहराओ गौ है।

हिब्रू 9:27 Σταυροειδείς Αναφορές

लूका 20:32

पिच्छु बो बैयर फिर मरिगै।

प्रेरित 17:31

काहेकी संसारके सबए आदमीनको न्याय करन बारो दिन बा तोक दइ हए और बो दिन बा अपनए छानो भओ व्यक्ति द्वारा न्यायसाथ इन्साफ करैगो। आदमीको लौंणाके न्याय करनके अधिकार हए कहान बारो प्रमाण सबए आदमीनके देओ कहिके परमेश्वर येशूके मरो मैसे जिन्दा करी।”

रोमियों 2:5

पर तुम जिद्दी हओ और पाप बन्द करनसे इन्कार करत हओ। बो दिन जब परमेश्वर अपनो क्रोध दिखाबैगो, जोमे परमेश्वरको सच्चो दण्ड प्रकट होबैगो। जब परमेश्वर न्याय करैगो तओ, बा तुमके और जद्धा कष्ट देबैगो।

रोमियों 5:12

जहेमारे एक आदमीके द्वारा पाप संसारमे आओ अर्थात् आदमके द्वारा। बो पहिलो आदमी रहए जोके परमेश्वर सृष्टि करी, और आदमको पापके कारण बोको मृत्यु भओ और अइसियए सब आदमीमे मृत्यु आओ काहेकी आदममे, सब आदमी पाप करीं।

1 कोरिन्थी 4:5

जहेमारे जब तक प्रभु नाए लौटए तबतक कोइको न्याय मत् करओ। परमेश्वर स्पष्टसे बे सब बिचारनके बताबैगो जो आदमीनको भितर हए, जौनके बारेमे कोइ नाए जानत हए। परमेश्वर उदेश्यन्के प्रकट करैगो जो उनको दिलमे हए।

2 कोरिन्थी 5:10

काहेकी हम सब एक दिन ख्रीष्टको न्याय-आसनके अग्गु खडा होन पणैगो। सब जनै जा शरीरमे होत पेती अच्छो या खराब, जो-जैसो काम करी हएं, बहे अनुसारको फल पामंगे।

2 तिमोथी 4:1

जब येशू ख्रीष्ट राजाके रुपममे राज्य करन आबैगो, तओ बा जिन्दा और मरेभइनके न्याय करैगो। तभीमारे, परमेश्वर और येशू ख्रीष्टको साक्षीके रुपमे मए तोके अनुग्रह करत हओं,

हिब्रू 10:27

पर बे, परमेश्वरको न्यायके ताहीं डरातए आसरा करन पणत हए, और बे बाको दुश्मन होनके कारणसे पज्रत आगिमे भसम हुइ जामंगे।

हिब्रू 6:2

बहुत मेलके बप्तिस्माके बारेमे शिक्षा, कोइके उपर हात धरनो, मरे आदमीनके फिरसे जीइ उठानो और कभी फिर अन्त नाए होन बारो दण्ड जैसो बातमे इकल्लो लागके, विश्‍वासको जग फिरसे बैठान बारी शिक्षामे लागे नाए रहामएं।

1 यूहन्ना 4:17

जहेमारे प्रेम हमरमे सिद्ध बनो रहात हए, कि परमेश्वर हमके दण्ड नाए देबैगो, हम जा संसारमे रहिके परमेश्वरके सँग एकजुटमे रहे हएं, जैसे येशू परमेश्वरके सँग एकजुटमे हएं।

यहूदा 1:15

बा सबए आदमीनको न्याय करैगो और सबए अधर्मी आदमीनको करोभओ सबए अनैतिक और दुष्ट काम और बाके बिरुद्धमे पापी आदमीनको बोलो भओ अपमानित शब्दनको दण्ड देबैगो।”

प्रकाश 20:11

फिर मए एक सेतो सिंहासन देखो जोमे परमेश्वर बैठो रहए। पर जहाँ परमेश्वर बैठो रहए हुवाँपर बादर और पृथ्वी सब हराइगए, और कोइ फिर उनके फिरसे दुस्राएके नाए देखीं।