हिब्रू 9:23 - राना थारु नयाँ नियम

²³ जहेमारे पृथिवीमे भओ बो तम्भु और जामे भए सब चीज जानबरको खुनसे शुद्ध करन पणत रहए। जे चीज स्वर्गमे भए चीजको नक्कल इकल्लो हए। पर स्वर्गमे भओ सच्चो चिजनके रिति पुगाएके शुद्ध करनके ताहीं जानबरको खुनसे औ अच्छो बलिको जरुरी रहए।

परमेस्वर को सच्चो वचन

²³ इसलै जरूरी है, कि स्वर्ग मैं की चीजन के प्रतिरूप जे बलिदानन के जरिया सुद्ध करे जामैं; लेकिन स्वर्ग मैं की चीज खुद इनसे अच्छे बलिदानन के जरिया सुद्ध करीं जाथैं।

हिब्रू 9:23 Σταυροειδείς Αναφορές

लूका 24:26

जा जरुरी रहए, कि ख्रीष्ट जे सब दु:ख उठाबैगो और फिर अपनो महिमामे प्रबेश करैगो।”

लूका 24:46

और येशू बिनसे कही, “पबित्र-शास्त्रमे जा लिखो हए, कि ख्रीष्ट दु:ख उठाबैगो, और तिसरो दिनमे मर्के जिन्दा होबैगो,

यूहन्ना 14:3

तुमर ताहीं ठाउँ तयार करके मए घुमके आमंगो और तुमके मेरे सँग रहानके ताहीं अपने ठिन लैजामंगो, ताकी जहाँ मए रहामओं हुवाँ तुम फिर रहाबओ।

प्रेरित 23:15

जहेमारे तुम और यहूदी सभाघरमे मिलके सेनापतिसे कहाबओ, और पावलके मुद्दाको निर्णय औ ठिकसे करन पणैगो। जा बहाना बनाएके बोके निकारओ और बो हियाँ आतए हम बोके मार डारंगे।”

कलस्सी 2:17

जे सब कानुन, छाहींके समान हएं, पर असली चीज ख्रीष्टके हएं।

हिब्रू 10:1

मोशाको नियम कानुनमे भओ पुराने नियम, आन बारो समयको छहीं इकल्लो हए, ख्रीष्ट हमरे ताहीं करोभओ अच्छो चीजको वास्तबिकता नाए हए। पुरानो नियममे बलि घरि-घरि और साल-सालमे चढान पणत रहए, पर बे परमेश्वरको आराधना करन आएभए आदमीनके पुरा रुपसे शुद्ध नाए करपात रहए।

हिब्रू 8:5

जे पुजारीनके करन बारो काम स्वर्गमे भओ महापबित्र ठाउँको नक्कल और छाहीं इकल्लो हए, पर स्वर्गमे भओ जैसो नाए। काहेकी जब मोशा तम्भु बनात रहए, तओ परमेश्वर मोशाके चेतावनी दइ रहए, “पहाडमे तोके दिखाओगओ ढाँचा अनुसार तए सब चीज बनैए।”

हिब्रू 9:14

जा सोँचओ, कि मृत्यु घेन लैजान बारो कामसे ख्रीष्टको खुन हमर हृदयके त झन् कित्तो अच्छेसे शुद्ध बनाए सकत हए, ताकी हम जिन्दा परमेश्वरको आराधना कर पामएं। काहेकी अनन्त आत्माको शक्तिसे ख्रीष्ट हमके हमर पापके ताहीं एक सिद्ध बलिके रुपमे परमेश्वरके चढाइ।

हिब्रू 9:24

तभीमारे पृथ्वीमे भओ पबित्र ठाउँ त स्वर्गमे भओ पबित्र ठाउँको नमुना इकल्लो हए। ख्रीष्ट आदमीनको बनाओ भओ बो तम्भु भितर नाए गओ। पर हबए हमर ताहीं बा स्वर्गमे परमेश्वरके ठिन गओ हए।

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।