हिब्रू 7:26 - राना थारु नयाँ नियम

²⁶ येशू हमके चाहो भओ प्रधान यहूदी पुजारीको राजा हए। बा पबित्र, निर्दोष, और शुद्ध हए। और परमेश्वर बाके पापी आदमीनसे अलग करके सबसे जद्धा आदरसे स्वर्गमे बैठाइ।

परमेस्वर को सच्चो वचन

²⁶ काहैकि ऐसोई बड़ो पुजारी हमरे लायक रहै, जो पवित्र, और कपट न करन बारो और निरमल, और पापिन से अलग, और स्वर्ग से भी ऊँचो करो गौ होबै।

हिब्रू 7:26 Σταυροειδείς Αναφορές

मत्ती 27:18

काहेकी बो जानत रहए कि बे बाके दिक्कसे सौंपी रहएं।

मर्कूस 16:19

जब प्रभु येशू चेलनके जे सब बात कहेडारी, तओ परमेश्वर बाके स्वर्गमे उठाए लइ और बा परमेश्वरके सँग शासन करनके ताहीं परमेश्वरके दहिना घेन बैठिगओ।

लूका 1:35

स्वर्गदूत बोके जबाफ दइके कही, “पबित्र आत्मा तिरमे आबैगो, और परमप्रधानको शक्तिको छाहीं, तिर उपर पणैगो; जहेमारे तिरसे जनम लेन बारो लौंणा पबित्र होबैगो, बा परमेश्वरको लौंणा कहोजाबैगो।

लूका 23:22

तओ बो तेस्रो चोटी बिनसे कही, “काहे? जा आदमी का खराबी करीहए? मए त जाके मृत्युदण्ड देनो कोइ फिर कारण नाएपाओ, जहेमारे मए जाके सजाय दइके छोड देहओं।”

लूका 23:41

और हम त न्याय अनुसार दण्ड पाए रहे हएं, जा हम अपन कामको ठिक फल पाए रहे हएं, पर जा आदमी त कोइ गलत काम नाए करीहए।”

लूका 23:47

जा सब घटना देखके कप्तान अइसे कहात परमेश्वरको महिमा करी, “नेहात्तओ जा धर्मी आदमी रहए।”

लूका 24:26

जा जरुरी रहए, कि ख्रीष्ट जे सब दु:ख उठाबैगो और फिर अपनो महिमामे प्रबेश करैगो।”

लूका 24:46

और येशू बिनसे कही, “पबित्र-शास्त्रमे जा लिखो हए, कि ख्रीष्ट दु:ख उठाबैगो, और तिसरो दिनमे मर्के जिन्दा होबैगो,

यूहन्ना 14:30

मेरे ठिन तुमसे बात करनके ताहीं जद्धा समय नाए हए, काहेकी संसारको सासक शैतानको शक्ति आनडटो हए। और बोको शक्ति मोके कुछु नाए कर्पएहए।

यूहन्ना 8:29

मोके पठान बारो मिर सँग हए, बा मोके अकेलो नाए छोडी हए, काहेकी मए सब दिन बाके खुसी करबान बारो काम करत हओं।”

प्रेरित 3:14

पर तुम येशूके अस्वीकार करे, जो पबित्र और धर्मी रहए। और तुम चाहे, कि एक ज्यानमाराके तुमर ताहीं छोडो जाए।

प्रेरित 4:27

काहेकी नेहात्तओ तुमर द्वारा अभिषेक करोभओ पबित्र सेवक येशूके बिरुद्धमे राजा हेरोद और पन्तियस पिलातस फिर गैर-यहूदी और इस्राएल देशके आदमीनके सँग जा सहरमे इकट्ठा भए।

2 कोरिन्थी 5:21

ख्रीष्टमे पाप नाए रहए, परमेश्वरके नजरमे हम धर्मी बनन सिकएं कहिके ख्रीष्ट हमर पापको दण्ड लइ।

हिब्रू 1:3

बा परमेश्वरको महिमाको प्रतिबिम्ब और परमेश्वर जैसो स्वभाबको सित्माओंको प्रतिरुप हए, और सब बिश्वके अपन शक्तिशाली बचनसे सम्हारत हए। जब ख्रीष्ट आदमीनको पापके क्षमा करोजाए कहिके अपन काम खतम करी, तओ जाएके बा महिमित परमेश्वरको दहिना हात घेन स्वर्गमे उच्च आदरको ठाउँमे बैठिगओ।

हिब्रू 12:2

हमर बिश्वास सुरु करन बारो और पुरा करन बारो येशूके देखत रहाएं। बा भबिष्यमे पान बारो आनन्दके ताहीं कुछु जैसो नाए मानके क्रूसको कष्ट भोगी और मरीगओ, और हबए परमेश्वरको सिहासनमे दहिना हात घेन उँचो सम्मानको ठाउँमे बैठो हए।

हिब्रू 2:10

परमेश्वर सब चीज सृष्टि करी और सब चीज बहेके हएं। जहेमारे बहुत आदमीनके बाको महिमामे सहभागी होन लैजानके ताहीं परमेश्वर निर्णय करी, कि मुक्तिको संस्थापक प्रभु येशूके दु:ख-भोगके माध्यमसे सिद्ध बनानो सही हए।

हिब्रू 2:17

जहेमारे हर बातमे येशूके दुस्रो आदमी कता बनन पणो। उइसीयए बा परमेश्वरको दयालु और बिश्वासयोग्य प्रधान यहूदी पुजारी बनो। ताकी बाको बलिदानसे आदमी अपनो पापसे क्षमा पाए जामएं।

हिब्रू 3:1

जहेमारे परमेश्वर स्वर्गमे बाके सँग सहभागी होनके बुलाएभए बिश्वासी ददाभइयओ, येशूमे मन लगाओ, जो हमरे ताहीं परमेश्वरको चुनो भओ चेला और प्रधान यहूदी पुजारी हए।

हिब्रू 7:11

आदमी पुजारीनको चलनको आधारमे मोशाको नियम कानुन देत रहएं, जो हारूनको बंशसे लेबी कुलके रहएं। पर बे बो चलनसे सिद्ध नाए हुइपाइं। जहेमारे दुस्रो पुजारी आनके आवश्यक रहए, बो पुजारी हारून जैसो नाए, पर मल्‍कीसेदेक जैसो होन पणत रहए।

हिब्रू 8:1

अब हमके कहान बारी बात जहेहए: हमर फिर अइसे प्रधान यहूदी पुजारी हएं, जो स्वर्गमे महान परमेश्वरको सिंहासनके दहिना घेन स्वर्गमे उच्च आदरको ठाउँमे बैठे हएं।

हिब्रू 9:14

जा सोँचओ, कि मृत्यु घेन लैजान बारो कामसे ख्रीष्टको खुन हमर हृदयके त झन् कित्तो अच्छेसे शुद्ध बनाए सकत हए, ताकी हम जिन्दा परमेश्वरको आराधना कर पामएं। काहेकी अनन्त आत्माको शक्तिसे ख्रीष्ट हमके हमर पापके ताहीं एक सिद्ध बलिके रुपमे परमेश्वरके चढाइ।

1 पतरस 1:19

पर ख्रीष्टको बहुमोल खुनसे किनेगए हओ, जो निर्दोष और निष्खोट भेंणा कता रहए।

1 पतरस 2:22

पबित्र-शास्त्रमे लिखो हए, “बा कभी फिर पाप नाए करी, और बा कभी फिर कोइ झुट नाए मस्की।”

1 पतरस 3:22

और अब बा स्वर्गमे जाएके परमेश्वरको दाहिना हात घेन सबसे उच्च ठाउँमे बैठो हए, और बा सबए स्वर्गदूत और सबए अधिकारी और शक्तिनके उपर शासन करत हए।

1 यूहन्ना 2:2

और हमर पाप क्षमा करनके ताहीं, ख्रीष्ट एक बलिदान बनिगओ: और हमर ताहीं इकल्लो नाए बल्कि पुरो संसारके आदमीनको पापके ताहीं हए।

1 यूहन्ना 3:5

और तुम जानत हओ, कि येशू ख्रीष्ट पापनके हटानके ताहीं आओ, और बामे कोइ पाप नाए हए।

प्रकाश 3:7

येशू मोसे जा फिर कही, “फिलाडेल्फिया सहरके मण्डलीके स्वर्गदूतके जा सन्देश लिख: मए बहे हओं जो पबित्र और सत्य हए, जोके सँग राजा दाऊदको चाभी हए, जब मए बो चभीसे ढोका खोलंगो, बोके कोइ फिर बन्द नाए कर्पएहए और जब मए चाभीसे बन्द करंगो बोके कोइ फिर नाए खोल पएहए। जो मए तोसे कहात हओं बोके सुन: