हिब्रू 6:2 - राना थारु नयाँ नियम

² बहुत मेलके बप्तिस्माके बारेमे शिक्षा, कोइके उपर हात धरनो, मरे आदमीनके फिरसे जीइ उठानो और कभी फिर अन्त नाए होन बारो दण्ड जैसो बातमे इकल्लो लागके, विश्‍वासको जग फिरसे बैठान बारी शिक्षामे लागे नाए रहामएं।

परमेस्वर को सच्चो वचन

² बपतिस्मा और हात रखन की, और मरे भैन के पुनरुत्थान और अनंत न्याय के बारे मैं सिक्छा मत दियौ।

हिब्रू 6:2 Σταυροειδείς Αναφορές

मत्ती 28:19

जहेमारे तुम जाएके सब जाति-जातिके आदमीके चेला बनाओ; और बिनके पिता, पुत्र, और पबित्र आत्माके नाउँमे बप्तिस्मा देओ,

मत्ती 3:14

तओ बप्तिस्मा देन बारो यूहन्ना अइसे करके बाके रोकन लागो, “बरु मोके त तुमसे बप्तिस्मा लेनके जरुरी हए, और तुम मेरे ठिन आए?”

मर्कूस 16:16

जो कोइ फिर अच्छो समाचारमे बिश्वास करैगो और एक चिन्हाके रुपमे बप्तिस्मा लेबैगो, बो परमेश्वरसे अपने पापनके ताहीं दण्ड पानसे बचाओ जएहए। पर हरकोइ, जो मोएमे बिश्वास करनसे मनाही करैगो, बो परमेश्वरद्वारा अपन पापके ताहीं दण्ड पाबैगो।

मर्कूस 7:4

बजारसे आएके बे आदमी, खानु खानसे पहिले हमेसा अपनी रितीरिबाजके अनुसार हात धोत रहएं। बिनको पुर्खनको औ फिर कित्नो रिति रिबाज हएं, जौननके बे मानत रहएं जैसे कि कटोरा, पानीको बरतन और काँसोके बरतन धोनो-माँजनो।

मर्कूस 7:8

तुम परमेश्वरको आज्ञानके पालन करन छोडदए हओ और पुर्खानको परम्पराके पालन करत हओ।”

लूका 11:38

पर खानु खानसे अग्गु, येशूके हात नाएधोत देखके, फरिसीनको समुह अचम्मो मानिगए।

लूका 12:50

मिर अग्गु भयानक पिणाको बप्तिस्मा हए, जो मोके लेनके हए। बो चीज पुरा नाए होनतक मए बहुत व्याकुल हओं।

लूका 14:14

तओ तुम धन्यके हुइहओ, काहेकी बे तुमर गुन घुमाए नाए पए हएं। जब धर्मीजान फिरसे मरके जिन्दा होबैगो तओ परमेश्वर तुमके इनाम देबैगो।”

लूका 3:16

तओ बप्तिस्मा देन बारो यूहन्ना जबाफ दइ, “जौन मिर पिच्छु आबैगो, बो येशू मोसे बहुत शक्तिशाली हए, और कमैया बनके और फिर लोहोकके बाको जुताको तनि खोलनको लायकको मए नाए हओं। मए तुमके पानीसे बप्तिस्मा दओ हओं। पर येशू तुमके पबित्र आत्मासे आगीको बप्तिस्मा देबैगो।

यूहन्ना 1:33

और बा ख्रीष्ट रहए कहिके मए बाके नाए चिनो रहओं, पर जौन मोके पानीको बप्तिस्मा देनके पठाइ, बहे मोसे कही, ‘जौन आदमी उपर तुम पबित्र आत्मा आत और बैठत देखैगे, बहे पबित्र आत्माको बप्तिस्मा देन बारो हए।’

यूहन्ना 5:29

अच्छो काम करन बारे मरके जिन्दा हुइके कभी फिर अन्त नाए होन बारो जीबन पामंगे, और खराब काम करन बारे जिन्दा हुइके दण्ड भोगंगे।”

प्रेरित 10:47

“हमएं कता जे फिर परमेश्वरके घेनसे पबित्र आत्मा पाइ हएं! अब जे आदमीनके पानीको बप्तिस्मा लेनसे कौन रोक पएहए?”

प्रेरित 13:3

बे फिरसे उपवास बैठे और प्राथना करतए बे दुई जनैके उपर अपने हात धरीं और बिनके परमेश्वरको काम करनके ताहीं पठाइं।

प्रेरित 16:15

और बिश्वास करके, लिडिया और बोके घराना बप्तिस्मा लैं। तओ फिर बो हमके अपने घरमे बैठन अनुरोध करके कही, “अगर तुम मोके नेहात्तओ प्रभुमे बिश्वास करीभइ बहिनीया सम्झत हओ कहेसे हमरे घरमे आएके बैठदेबओ।” अइसे बो हमके बोके घरमे जानके कर लगाइ।

प्रेरित 16:33

तओ फिर तुरन्तए हाकिम, पावल और सिलासके लैजाएके रातए उनको दुखौनो धोए दइ। तओ बो और बोको घराना बप्तिस्मा लैं।

प्रेरित 17:18

इपिक्युरी और स्तोइकी कहान बारे दर्शनके कुछ गुरु फिर पावल सँग बादबिबाद करन लागे। बिन मैसे कित्ने कहीं, “जा गबगबान बारो का कहात हए?” और कित्ने जनै कहीं, “जा त नयाँ देबतनको परचार करत हए!” पावल येशूके बारेमे और बा मरे मैसे जिन्दा भओ कहिके अच्छो समाचार परचार करेके कारणसे बे अइसे कहीं।

प्रेरित 2:38

पत्रुस बिनसे कही, “पाप करन छोडके परमेश्वर घेन घुमओ, और तुम पाप क्षमाके ताहीं येशू ख्रीष्टको नाउँमे तुम सबए बप्तिस्मा लेओ, तओ तुम पबित्र आत्माको बरदान पाबैगे।

प्रेरित 2:41

जो कुछ पत्रुस कही, और जौन बोके बातमे बिश्वास करीं बे सब बप्तिस्मा लैं। बो दिन बिश्वासीन्को बो समुहसे लगभग तीन हजार आदमी बढिगए।

प्रेरित 23:6

पर जा यहूदी सभाघरमे कुछ सदुकीनको समुह और कुछ फरिसीनको समुहके हएं, कहिके पता पाएके पावल जोणसे कही, “ददाभइयओ, मए फरीसी समुहको आदमी हओं और फरिसीनको समुहके सन्तान हओं। मिर मुद्दा चलरहो हए, काहेकी मए आसरा करत हओं कि परमेश्वर मेरे आदमीनके फिर जिन्दा करैगो।”

प्रेरित 24:15

मए परमेश्वरमे आसरा करत हओं, कि धर्मी और अधर्मी दुनौके, मरे भए मैसे परमेश्वर फिरसे जिइ उठात हए कहान बारी बात जे अपनए स्वीकार करत हएं।

प्रेरित 24:21

एकए इकल्लो दोष जो मेरे बिरुद्धमे लगाए सकत हएं, बो जा हए, कि जब मए आँगनमे ठाणके चिल्लातए कहो रहओं, ‘परमेश्वर मरे भए आदमीनके फिरसे जिन्दा करैगो कहान बारी बातमे मए बिश्वास करनके कारणसे आज तुमर अग्गु मिर मुद्दा चलरहो हए।’”

प्रेरित 24:25

पर पावल “परमेश्वरके अग्गु धार्मिक आज्ञा मानके काम करन पणत हए, अपनो इच्छा उपर नियन्त्रण करन पणत हए और परमेश्वरको न्याय करन बारो दिन आएरहो हए” कहान बारी बात सुनात पेती फेलिक्स घबणियातए अइसे कही, “हुइगओ, आजके ताहीं इतकए, अब तए जाए सकत हए। मौका मिलैगो तओ मए फिरसे तोके बुलामंगो।”

प्रेरित 26:8

परमेश्वर मरे भए आदमीनके जिन्दा बनात हए कहिके तुम बिश्वास करत हओ, तहुँफिर तुम काहे कोइ फिर परमेश्वर, येशूके मरे मैसे जिन्दा करी हए कहिके बिश्वास नाए करत हओ?

प्रेरित 4:2

बे दिक्काने रहएं, काहेकी दुई चुनेभए चेला आदमीनके सिखात रहएं, कि जो आदमी मरिगओ हए परमेश्वर बाके फिर जिन्दा करदेबैगो, जैसे बा येशूके मरो भओ मैसे फिर जिन्दा करी।

प्रेरित 6:6

और इन्के चुनेभए चेलनके अग्गु लाइं और बे प्राथना करके अपनो हात बिनके उपर धरके काम करनके ताहीं बिनके नियुक्त करी।

रोमियों 2:16

जा बहे दिन होबैगो जब परमेश्वर अच्छो समाचार, जोको मए परचार करत हओं, बहेके अनुसार येशू ख्रीष्ट आदमीनको गुप्त बातकी न्याय करैगो।

1 कोरिन्थी 10:2

हम जा कहे सकत हएं: जैसे हम प्रभु येशूके चेला बननके ताहीं बप्तिस्मा लेत हएं। उइसीयए बे सब बादरके छाहीँमे रहएं और मोशाके चेला बननके ताहीं लाल समुन्दरसे गए रहएं।

1 कोरिन्थी 12:13

हम यहूदी होएसे फिर, ग्रीक भाषा मस्कन बारे होएसे फिर, कमैया होएसे फिर, स्वतन्त्र होएसे फिर हम एकए पबित्र आत्मा द्वारा बप्तिस्मा पाएके कारणसे एकए शरीर भए हएं और हम सबए एकए आत्मा पाए हएं। जैसे हम सब एकए कटोरा मैसे पिइत हएं।

2 कोरिन्थी 5:10

काहेकी हम सब एक दिन ख्रीष्टको न्याय-आसनके अग्गु खडा होन पणैगो। सब जनै जा शरीरमे होत पेती अच्छो या खराब, जो-जैसो काम करी हएं, बहे अनुसारको फल पामंगे।

फिलिप्पी 3:21

बा अपनो शक्तिको बहे प्रभावके अनुसार, जौनके द्वारा बा सब चीजके अपने अधिनमे कर सकत हए। हमर कमजोर संसारकी शरीरको रुप बदलके अपनो महिमाको शरीर जैसो बनाबैगो।

कलस्सी 2:12

जब तुमके बप्तिस्मा दओगओ तओ बो जा दिखात हए, कि तुमर पापी स्वभाबके दफ्नाओ गओ हए। अइसीयए जैसे ख्रीष्ट दफ्नाओ गओ रहए। और तुमके एक नयाँ स्वभाबके सँग जिन्दा कराओगओ जैसे ख्रीष्टके जिन्दा बनाओगओ रहए। अइसे जा कारणसे भओ रहए, काहेकी तुम बिश्वास करओ, कि परमेश्वर अपन शक्तिसे ख्रीष्टके मरे मैसे फिरसे जिइबाए दइ।

2 तिमोथी 2:18

बे सच्चाईमे बिश्वास करन बन्द करदइ हएं। बे कहात हएं, कि परमेश्वर पहिलीयएसे मरे भए बिश्वासीनके अनन्त जीबनके ताहीं मरके जिन्दा हुइगओ हए। परिमाण स्वरुप, बे कुछ बिश्वासीनके ख्रीष्टको शिक्षामे बिश्वास करनसे रोक रहे हएं।

हिब्रू 11:35

बिश्वासएसे कुछ बैयर अपने मरे भए आदमीनके जिन्दा पाइं। कितने आदमी त मार खातए-खात मरिगए, पर बे जेलसे छुटनके ताहीं अपनो बिश्वास त्यागन नाए मानीं, ताकी बे मरके फिरसे जिन्दा हुइके औ अच्छो जीबन पाए सकएं।

हिब्रू 9:10

काहेकी बे आदमीनको खानो और पिइनो और आदमीनके बाहिरी रुपमे शुद्ध बनान बारो बहुत मेलके पुरानो चलनके हँदानके बारेमे इकल्लो कहात हएं। जे रितीरिबाज बिनके परमेश्वरको नयाँ करार सुरु नाए भएतक पालन करन पणैगो।

2 पतरस 3:7

पर परमेश्वर बहे बचनसे बादर और पृथ्वी अभौफिर अस्तित्वमे धरे हए, ताकी बिनके आगीमे नष्ट करपाबए। बाको आज्ञा नाए मानन बारे आदमीनके बा न्याय और नष्ट करन बारो दिनके ताहीं बचाए पणे हए।