हिब्रू 5:1 - राना थारु नयाँ नियम

¹ परमेश्वर इस्राएल देशके आदमीन मैसे हर प्रधान यहूदी पुजारीनके चुनी, और बा हर प्रधान यहूदी पुजारीनके आदमीनके घेनसे पापके क्षमाके ताहीं भेँटी और बलिदान चढानके नियुक्त करी, ताकी परमेश्वर आदमीनको पाप क्षमा करए।

परमेस्वर को सच्चो वचन

¹ हर एक बड़ो पुजारी अपने संगी लोगन मैं से चुनो जाथै, और बाकै परमेस्वर से जुड़े भै मामलेन मैं लोगन को प्रतिनिधित्व करन के ताहीं, पापन के ताहीं भेंट और बलिदान चढ़ान के ताहीं चुनो जाथै।

हिब्रू 5:1 Σταυροειδείς Αναφορές

रोमियों 15:17

जहेमारे मए येशू ख्रीष्टके कारणसे परमेश्वरको सेवामे गर्ब करत हओं।

1 कोरिन्थी 15:3

जहेमारे मए तुमके बो सबसे जरुरी सन्देशके बताओ जो मोके प्रभु येशूसे मिलो रहए, बो सन्देश जा हए: “पबित्र-शास्त्रके बचन अनुसार येशू ख्रीष्ट हमर पापनके ताहीं मरो।

हिब्रू 10:11

और पुजारी रोजए दिन बेदीके अग्गु ठाणके आदमीनको दोष मिटानके ताहीं अइसो रितीरिबाज करत हएं। बे लगातार एकए मेलको बलिदान चढाए करत हएं, जौन कभी फिर पाप मिटाए नाए पातहए।

हिब्रू 10:12

पर ख्रीष्ट अपनो शरीर आदमीनको पाप उठाए लैजानके ताहीं एकए चोटी बलि भओ, जो सदामानके ताहीं प्रभावशाली हए। जा काम निभटके पिच्छु बा परमेश्वरको दहिना हात घेन उँचो सम्मानके ठाउँमे बैठो।

हिब्रू 11:4

बिश्वाससे आदमको लौंणा हाबिल परमेश्वरके अपनो ददा कयिनसे जद्धा ग्रहणयोग्य जानबरको बलिदान चढाइ, और बहेसे परमेश्वर हाबिलके धर्मी आदमीके रुपमे ग्रहण करी। हाबिलको चढाओ भओ बलिदान द्वारा परमेश्वर खुसी भओ कहिके दिखाइ। और हाबिल मरो, तहुँफिर परमेश्वरमे बिश्वास करनके बारेमे अभौफिर बो हमके सिखात हए।

हिब्रू 2:17

जहेमारे हर बातमे येशूके दुस्रो आदमी कता बनन पणो। उइसीयए बा परमेश्वरको दयालु और बिश्वासयोग्य प्रधान यहूदी पुजारी बनो। ताकी बाको बलिदानसे आदमी अपनो पापसे क्षमा पाए जामएं।

हिब्रू 7:27

और हारूनको बंशके प्रधान यहूदी पुजारीन कता येशूके फिर रोजदिन बलि चढान जरुरी नाए हए। बा प्रधान पुजारीनके अग्गु अपन पापके ताहीं, और बोके पिच्छु दुस्रे आदमीनको पापके ताहीं बलिदान चढाइ। येशू अपन बलिदान दइके जा कामके सदादीनके ताहीं पुरा करदइ।

हिब्रू 8:3

सबए प्रधान यहूदी पुजारी पाप क्षमाके ताहीं भेँटी और बलिदान चढान नियुक्त भए होत हएं। जहेमारे हमर प्रधान पुजारी ख्रीष्टके फिर पाप क्षमाके ताहीं कुछु चीज चढान जरुरी हए।

हिब्रू 8:4

अगर येशू जा संसारमे हुइतो तओ बा पुजारी नाए हुइतो, काहेकी मोशाको नियम कानुन अनुसार भेँटी चढान पुजारीनके त हइए हए।

हिब्रू 9:9

जासे जा प्रस्ट होत हए, कि चढाओ भओ बलिसे आराधनाको बिबेकके शुद्ध नाए बनाए पाबैगो।