हिब्रू 12:22 - राना थारु नयाँ नियम

²² पर तुम त सियोन पहाडमे आए हओ, जहाँ स्वर्गको यरूशलेम हए, जो जिन्दा परमेश्वरको सहर हए। जहाँ लाखओं स्वर्गदूत आनन्द मनाए करत हएं।

परमेस्वर को सच्चो वचन

²² लेकिन तुम सिय्योन के पहाड़ के झोने, और जिंदे परमेस्वर के नगर स्वर्गिय यरूसलेम के झोने हजारौ स्वर्गदूतन के संग आए हौ।

हिब्रू 12:22 Σταυροειδείς Αναφορές

मत्ती 16:16

सिमोन पत्रुस जबाफ दइके बासे कही, “तुम ख्रीष्ट हओ, जीवित परमेश्वरको लौंणा।”

मत्ती 5:35

नए त पृथ्वीको, काहेकी बो परमेश्वरको पाउँदान हए, नए त यरूशलेम सहरको, काहेकी बो महाराजाको सहर हए।

रोमियों 11:26

बहे तरिकासे पुरए इस्राएल देशके आदमी उद्धार पामंगे; जैसे पबित्र-शास्त्रमे लिखो हए, “मुक्तिदाता यरूशलेम सहरसे आबैगो, और बा याकूबको बंशसे अधर्म हटाबैगो।

रोमियों 9:26

और जौन ठिह परमेश्वर कही, तुम मेरे आदमी नाए हओ, हुवइंपर जिन्दा परमेश्वर उनसे अपने सन्तान कहाबैगो।”

गलातियों 4:26

पर स्वर्गको यरूशलेम अब्राहामकी बैयर सारा कता हए, और बोको लौंणा टहालुवा नाए हएं। जा यरूशलेम हमरी अइया कता हए, जो बिश्वास करत हएं।

इफिसियों 2:19

तुम गैर-यहूदी, परदेशी और बिराने नाए रहे, पर तुम परमेश्वरके पबित्र आदमीनके सँग अइसियए अब तुम बिदेशी और प्रवासी नाए हओ, पर सन्तनके सँग तुम सँगी-नगरिक और परमेश्वरको परिवारके सदस्य हओ।

फिलिप्पी 3:20

पर हम स्वर्गसे सम्बन्धित हएं, और हम एक उद्धारकर्ता प्रभु येशू ख्रीष्टके स्वर्गसे लौटके आनको आसरा करत हएं।

1 थेसलोनिकी 1:9

काहेकी बे आदमी दुस्रे जनैनके बतात हएं, कि जब हम तुमर ठिन आए तओ तुम कैसे हमर स्वागत करे। और जा फिर बतात हएं, कि कैसे तुम मूर्तिपुजाके छोडके परमेश्वर घेन घुमे, ताकी तुम जिन्दा और सच्चो परमेश्वरके सेवा करओ।

2 तिमोथी 4:18

और प्रभु मोके हर एक खराबीसे बचाबैगो, और परमेश्वर मोके स्वर्गमे लैजाबैगो जहाँ बा राजाके रुपमे राज्य करत हए और बाको महिमा सदादिन होतए रहाबए। आमेन।

हिब्रू 10:31

जिन्दा परमेश्वरको हातसे सजाय पानके बहुत डर लगन बारी बात हए।

हिब्रू 11:10

काहेकी बो हरदम रहान बारो जगमे बनो सहरमे रहानके ताहीं असियात रहए, जोके बनान बारो और निर्माण करन बारो परमेश्वरए हए।

हिब्रू 11:16

पर बे औ अच्छो देश अर्थात्, एक स्वर्गीय देशको इच्छा करत हएं। जहेमारे, बिनको परमेश्वर हओं कहान बारी बातमे परमेश्वर गर्ब करत रहए, काहेकी बा बिनके ताहीं एक सहर तयार करदइ हए।

हिब्रू 13:14

काहेकी जा संसारमे हमर स्थायी सहर नाए हए, बल्कि पिच्छु हम आन बारो दिनको घरको आसरा करत हएं।

हिब्रू 3:12

हे मेरे बिश्वासी ददाभइयओ, होश करओ, तुम मैसे कोइमे भओ दुष्ट और अबिश्वासी ह्रदय, तुमके जिन्दा परमेश्वरसे दुर नाए लैजाबए।

हिब्रू 9:14

जा सोँचओ, कि मृत्यु घेन लैजान बारो कामसे ख्रीष्टको खुन हमर हृदयके त झन् कित्तो अच्छेसे शुद्ध बनाए सकत हए, ताकी हम जिन्दा परमेश्वरको आराधना कर पामएं। काहेकी अनन्त आत्माको शक्तिसे ख्रीष्ट हमके हमर पापके ताहीं एक सिद्ध बलिके रुपमे परमेश्वरके चढाइ।

यहूदा 1:14

आदमसे लैके सातौ पिढीमे जन्मो भओ हनोक जे आदमीनके बारेमे अइसे कहिके अगमबाणी बोली रहए, “देखओ, प्रभु नेहात्तओ अपनो अनगिन्ती पबित्र स्वर्गदूतनके सँग आबैगो।

प्रकाश 14:1

तओपिच्छु मए एक औ चीज देखो, मए सियोन पहाडको चुटियामे थुमाके ठाणो देखो। बाके सँगमे एक लाख चवालीस हजार आदमी रहएं, बिनको माथोमे थुमाको और बाको दौवाको नाउँ लिखो रहए।

प्रकाश 21:10

और परमेश्वरको आत्माको शक्तिके माध्यमसे स्वर्गदूत मोके एक बडो उँचो पहाडमे लैगओ। और स्वर्गदूत मोके पबित्र स्वर्गको यरूशलेम दिखाइ, बो स्वर्गसे परमेश्वरके घेनसे तरे आनडटो रहए।

प्रकाश 21:2

मए पबित्र सहरके फिर देखो, जोकी स्वर्गको यरूशलेम रहए, जो सहर परमेश्वरके ठिनसे स्वर्ग मैसे तरे आत रहए। बो सहरके एक दुल्हीन कता तयार करोगओ रहए, जौनके लत्ता पैँधाओगओ रहए और सिंगार करोगओ रहए और जो दुलहासे बेहा करनके ताहीं तयार हए।

प्रकाश 22:19

अगर कोइ अइसो आदमी हए, जो जा पुस्तकमे भबिष्यबाणी करीभइ बात मैसे कुछ हटाइ कहेसे, तओ परमेश्वर फिर बो पेणसे फरा खानको अधिकारके हटाए देहए जो जीबन देतहए। और बोको पबित्र सहरमे रहानको अधिकार फिर हटाए देबैगो, जोके बारेमे जा किताबमे बताओ गओ हए।

प्रकाश 3:12

जौन आदमी बुराइके हराए देबैगो, बे परमेश्वरके बे महापबित्र ठाउँके खम्बा कता होमंगे, जौनको मए सेवा करत हओं और बे जाके कब्ही नाए छोडंगे। मए हुवाँ बक शरीरमे परमेश्वरको नाउँ लिखंगो। और परमेश्वरको सहरको नाउँ लिखंगो जौनके स्वर्गको यरूशलेम कहोजात हए। जा बो सहर हए, जो स्वर्गसे, अर्थात्, मिर परमेश्वरसे तरे आत हए। मए हुवाँ बक् शरीरमे मिर नयाँ नाउँ फिर लिखंगो।