गलातियों 4:17 - राना थारु नयाँ नियम

¹⁷ झुठे गुरु तुमके अपने समुहसे सामिल करानके ताहीं पुरा कोसिस कर रहे हएं। पर उनको उदेश्य तुमर भलाइके ताहीं नाए हए; उनको उदेश्य जा हए, कि बे तुमके मोसे अलग करबान चाँहत हएं, ताकी तुम लगातार उनकी आज्ञाके पालन करओ।

परमेस्वर को सच्चो वचन

¹⁷ बे तुमकै दोस्त बनानो तौ चाहथैं, लेकिन अच्छी मनसा से नाय; बल्किन तुमकै मोसे अलग करनो चाहथैं, कि तुम उन्हईं के संग हुई जाबौ।

गलातियों 4:17 Σταυροειδείς Αναφορές

मत्ती 23:15

हे मोशाको नियम कानुन सिखान बारे और फरिसीनको समुह, कपटीयओ, परमेश्वर तुमके दण्ड देहए! काहेकी तुम एक जनैके अप्नो धर्ममे लानके ताहीं हर ठाउँ घुमत हओ और जब बो तुमर सिखाओ भओ बातमे बिश्वास करत हए, तओ जैसे तुम अपना हओ अइसीयए बोके फिर दुई गुणा जद्धा नरकमे जान योग्य बनाए देत हओ।

रोमियों 10:2

काहेकी मए उनकी गवाही देत हओं, कि उनके परमेश्वरके ताहीं हौसला रहात हए, पर परमेश्वरको सेवा कैसेकरो जएहए, जाके बारेमे उनको समझ सही नाएहए।

रोमियों 16:18

काहेकी अइसे आदमी हमर प्रभु येशू ख्रीष्टके नाए हएं पर अपने सरीरिक इच्छाके ताहीं सेवा करत हएं। और मिठी-मिठो शब्द और अच्छी बात करके निर्दोष आदमीनके धोखा देत हएं। अइसियए बे निर्दोष आदमीनके धोखा देत हएं।

1 कोरिन्थी 11:2

मए तुमर तारिफ करत हओं। काहेकी तुम मोके हर समयमे याद करत रहात हओ; और जो शिक्षा मए तुमके दओ हओं, उनके साबधानीसे पालन कररहे हओ।

1 कोरिन्थी 4:18

तुमर बीचमे कुछ आदमी सोँचत हएं, कि मए तुमसे मिलन्के नाए आमंगो, और जहेमारे बे घमण्डी हुइगए हएं।

1 कोरिन्थी 4:8

अइसो लगत हए, कि तुम सोँचत हओ कि तुमर ठिन बो सब चीज हए जोको आत्मिक रुपसे तुमके जरुरत हए। तुम सोँचत हओ, कि तुमर ठिन पहिलीएसे बे सब बरदान हएं जो पबित्र आत्मा आदमीनके देतहए। तुम सोँचत हओ, कि तुम हमरे बिना राजा कता राज्य करन सुरु करदए हओ। मए खुसी हुइतो अगर तुम सचमे राजा कता राज्य करन सुरु करडारे हुइते, ताकी हम फिर तुमर सँग राज्य करपैते।

2 कोरिन्थी 11:3

पर जैसे शैतान साँपके रुपमे अपनी चलाँकीसे पहिले बैयर हव्वाके छली, उइसीयए ख्रीष्ट घेनको तुमर निष्कपट और बाको सेवासे तुमर बिचार भ्रममे पणहएं कि कहिके मोके डर लागो हए।

गलातियों 4:16

और अब अइसो लगत हए, कि मए तुमर दुस्मन बनिगओ हओं, काहेकी मए तुमके सच्चो बात कहेरहो हओं।

गलातियों 4:18

हमेसा अच्छे उदेश्यके ताहीं जोशिलो होन अच्छो होत हए। और केबल बहे समय इकल्लो नाए, कि जब मए तुमरसँग उपस्थित होत हओं।

फिलिप्पी 2:21

काहेकी सब अपने स्वार्थके खोजीमे रहात हएं, बे येशू ख्रीष्टसे जुडे भए बातके बारेमे चिन्ता नाए करत हएं।

2 पतरस 2:18

जब बे आदमीनके सिखात हएं तओ बे बिना कामके और गर्बके सब्द इस्तमाल करत हएं। बे आदमीनके, अपन शरीरके चाहो भओ लाज लगन बारो काम करन सिखात हएं और बे आदमीनके फिरसे पाप करनके ताहीं धोखा देत हएं, जौन आदमी भर्खर दुष्ट जीबन शैलीके त्यागी हएं।

2 पतरस 2:3

जे गुरु लोभी होमंगे, और तुमसे रुपैया पानके ताहीं तुमके, बनाओ भओ कहानी सुनाएके बे तुमके धोखा देहएं। परमेश्वर बिनके सजाय देबैगो कहिके बहुत पहिले निर्णय करडारी हए, और बा जा करनके तयार हए। बा नेहात्तओ बिनके नष्ट करैगो।