गलातियों 2:8 - राना थारु नयाँ नियम

⁸ काहेकी परमेश्वर, जौन पत्रुसके खतना करेभए यहूदी समुहके आदमीनके बीचमे एक चुनो भओ चेला होनके ताहीं छानी। बो हमके फिर गैर-यहूदी आदमीनके बीचमे चुनेभए चेला होनके ताहीं छानी।

परमेस्वर को सच्चो वचन

⁸ परमेस्वर के सामर्थ्य से मोकै गैर यहूदियन के ताहीं प्रेरित बनाओ गौ, जैसे पतरस कै यहूदिन के ताहीं प्रेरित बनाओ गौ रहै।

गलातियों 2:8 Σταυροειδείς Αναφορές

प्रेरित 1:25

और बो जा सेवा और ख्रीष्टसे चुनेभए चेलाको पद लइ, जोसे मुक्ति हुइके यहूदा इस्करियोत अपनो नियुक्त करो भओ ठाउँमे चलो गओ”

प्रेरित 1:8

पर जब पबित्र आत्मा तुमरमे आबैगो तओ तुम शक्ति पाबैगे, और तुम यरूशलेम सहरमे और पुरो यहूदिया परदेशमे और सामरिया परदेशमे और बाँकी पुरो संसार तक आदमीनके मिर बारेमे बताबैगे।”

प्रेरित 15:12

तओ सारा सभा चुपचाप हुइके बारनाबास और पावलको बातके सुनीं, कि परमेश्वर उनके द्वारा गैर-यहूदीनमे कैसे-कैसे चिन्हा, और चमत्कारको काम दिखाइ।

प्रेरित 19:26

पर बो पावल का कहात हए, तुम अपनए देख रहेहओ और सुनरहे हओ। आदमीको हातसे बनाए भए देवता, देबतए नाए हएं कहात हए। बो हियाँ एफिसस सहरमे इकल्लो नाए हए पर एशिया परदेशमे रहान बारे सबए आदमीनके अपनो बातमे फुलसाएके बहकाए लैगओ हए।

प्रेरित 21:19

बिनके नमस्कार करके पिच्छु, पावल बिनको सेवाकाइसे गैर-यहूदीनके बीचमे परमेश्वरको करोभओ कामके, बिनके एक-एक करके बताइ।

प्रेरित 22:21

तओ प्रभु मोसे कही, ‘जा, काहेकी मए तोके गैर-यहूदीनके ठिन दुर-दुरतक पठामंगो।’”

प्रेरित 4:4

तओ बचन सुनन बारे मैसे येशूमे बहुत बिश्वास करीं, और हुवाँ जम्मा मिलाएके लगभग: पाँच हजार लोग आदमी रहएं जो येशूमे बिश्वास करन बारे हुइगए।

प्रेरित 8:17

तओ पत्रुस और यूहन्ना अपन हात प्रभुमे बिश्वास करन बारेनके उपर धरीं, और बे पबित्र आत्मा पाइं।

प्रेरित 9:15

पर प्रभु बोसे कही, “तए चलो जा, काहेकी जत गैर-यहूदी, राजा और इस्राएल देशके आदमीनके अग्गु मेरे बारेमे परचार करनके ताहीं मए बोके मिर सेवा करनके ताहीं चुनो हओं।

1 कोरिन्थी 15:10

मए एक परमेश्वरसे चुनो भओ चेला बनोगओ काहेकी परमेश्वर मिर ताहीं दयालु रहए। और बाको अनुग्रह मेरे जीबनमे प्रभावशाली हए। पर मए अन्य चुनेभए चेलनसे जद्धा मेहेनत फिर करो तहुँफिर जा मेरे घेनसे नाए भओ पर परमेश्वरको अनुग्रहमे मोके बाको काम करनमे मदत करी।

1 कोरिन्थी 9:2

अगर अन्य आदमी जा स्वीकार नाए करत हएं, कि मए प्रभु येशूको चुनो भओ चेला हओं, तओ तुम बिश्वासी भइयनके जाके स्वीकार करन चाहो। काहेकी मए बहे हओं जो तुमर ठिन अच्छो समाचार लैके आओ रहओं। तुम प्रभु येशूमे बिश्वास कर रहेहओ, जासे साबित होत हए, कि मए बाको चुनो भओ चेला हओं।

गलातियों 3:5

परमेश्वर अब खुल्ला मनसे तुमके अपनो पबित्र आत्मा देतहए, और तुममे चमत्कारको काम करत हए, का जा जहेमारे हए, कि तुम मोशाको नियम कानुनके पालन करे? या जा जहेमारे हए, कि तुम ख्रीष्टके बारेमे अच्छो समाचारके सुने और बोमे बिश्वास करे?

कलस्सी 1:29

जाके पुरा करनके ताहीं मए बहुत मेहेनत और संघर्ष करत हओं। बो शक्तिको प्रयोग करतए, जो शक्ति मोके ख्रीष्ट देतहए, और जौन शक्ति मोएमे काम करत हए।

1 थेसलोनिकी 2:13

जहेमारे हम फिर परमेश्वरके लगातार धन्यबाद देत हएं; कि जब हमसे परमेश्वरको सन्देश सुने हओ, हम तुमर बीचमे परचार करे, तओ तुम आदमीको सन्देश नाए पर परमेश्वरको सन्देश हए समझके स्वीकार करे। और अब परमेश्वरको जा सन्देश तुमरमे काम कर रहो हए, जौन ख्रीष्टमे बिश्वास करत हएं।