गलातियों 1:7 - राना थारु नयाँ नियम

⁷ सिरफ एकए इकल्लो सच्चो अच्छो समाचार हए, पर कुछ आदमी ख्रीष्टके अच्छो समाचारके नाश करनके चाँहत हएं, और बे आदमी तुमके धोखा दइ हएं।

परमेस्वर को सच्चो वचन

⁷ बास्तव मैं, “दुसरो सुसमाचार” हईये नाय, लेकिन बात जौ है कि कित्ते ऐसे हैं जो तुमकै घबड़बाए देते, और मसीह को सुसमाचार कै बदलनो चाहथैं।

गलातियों 1:7 Σταυροειδείς Αναφορές

मत्ती 24:24

काहेकी झुठे ख्रीष्ट, और झुठे अगमबक्ता आमंगे, और हुइ सकत, कि बे चुनेभएनके फिर भणकानके ताहीं बणे-बणे चिन्हा और चमत्कारको काम दिखए हएं।

प्रेरित 13:10

“तए शैतानको लौंणा, सारा धार्मिकताको दुस्मन, और खराब बातसे भरोहए। का तए प्रभुको सुध डगरके टेणो करन कब्ही नाए छोडैगो?

प्रेरित 15:24

हमरे बीचसे गए कोइ-कोइ आदमी शिक्षा दइके तुमके दुख दइं कहान बारी बात हम सुनेहएं। पर हम बे आदमीनके नाए पठाए हएं।

प्रेरित 20:30

हियाँतककी तुमर अपने बिश्वासी समुह मैसे भणकान बारी बात मस्कन बारे आदमी आमंगे। और बे चेलनके अपने पिच्छु लैजामंगे।

2 कोरिन्थी 11:13

काहेकी अइसे आदमी सच्चे चुनेभए चेला नाए हएं पर बे छल काम करन बारे हएं, और ख्रीष्ट येशूसे चुनेभए चेलानके भेष लैके नेँगन बारे इकल्ले हएं।

2 कोरिन्थी 2:17

काहेकी तमान आदमी हानी हम परमेश्वरको बचन रुपैयाके ताहीं परचार नाए करत हएं, पर शुद्ध मनसे और ख्रीष्टको अधिकारसे हम परमेश्वरको बचन परचार करत हएं, जा जानके, कि परमेश्वर हमके देखन डटो हए।

2 कोरिन्थी 4:2

हम सरम लागन बारे काम और लुकी-छिपी करन बारो काम नाए करत हएं। हम छलकपट वा परमेश्वरको बचनमे मिलाओट करन बारो काम फिर नाए करत हएं। पर हम परमेश्वरके अग्गु सत्य इकल्लो सिखात हएं और जा सत्य हए कहिके हर आदमी गवाही देन सिकंगे।

गलातियों 1:6

मए दुखी हओं, कि परमेश्वर तुमके ख्रीष्टको अनुग्रहसे अपने आदमी होनके ताहीं बुलाइ बासे तुम इतनो जल्दी घुमिगए, और एक अलग शिक्षा जोसे कुछ आदमी “अच्छो समाचार” कहात हएं, और तुम बोके बिश्वास करनके या स्वीकार करनके सुरु करदए हओ।

गलातियों 2:4

तीतसके खतना नाए भओके बारेमे एक मुद्दा बनिगओ, जब कुछ झुठे बिश्वासी ददाभइया हमर समुहसे गुप्त रुपसे आए। और हमर उद्धारकर्ता येशूमे भओ हमर स्वतन्त्रताके नाश करनके कोसिस करत रहएं। ताकी बे हमके फिरसे यहूदी समुहको नियम कानुनको गुलाम बनाए पामएं।

गलातियों 4:17

झुठे गुरु तुमके अपने समुहसे सामिल करानके ताहीं पुरा कोसिस कर रहे हएं। पर उनको उदेश्य तुमर भलाइके ताहीं नाए हए; उनको उदेश्य जा हए, कि बे तुमके मोसे अलग करबान चाँहत हएं, ताकी तुम लगातार उनकी आज्ञाके पालन करओ।

गलातियों 5:10

मए परमेश्वरमे भरोसा करत हओं, कि बा तुमके झुठो शिक्षनमे बिश्वास करनसे बचाए रहाबए; पर जो तुमके परेसान करत हए, बो चहुँ कोइ फिर होबए बो परमेश्वरसे दण्ड पाबैगो।

गलातियों 5:12

तुमके झुटो शिक्षा देन बारे आदमी अपनएके नपुंसक बनाए लित्तो कहेसे ठिक हुइतो।

गलातियों 6:17

अब कोइ मोके दुख नाए देए, काहेकी मेरे शरीरमे जो दाग हए, बे दाग जा दिखात हएं, कि मए येशूको एक चुनो भओ चेला हओं।

2 तिमोथी 2:18

बे सच्चाईमे बिश्वास करन बन्द करदइ हएं। बे कहात हएं, कि परमेश्वर पहिलीयएसे मरे भए बिश्वासीनके अनन्त जीबनके ताहीं मरके जिन्दा हुइगओ हए। परिमाण स्वरुप, बे कुछ बिश्वासीनके ख्रीष्टको शिक्षामे बिश्वास करनसे रोक रहे हएं।

1 यूहन्ना 2:26

मए तुमके बे आदमीनके बारेमे चेतावनी दइ रहो हओं। जो झुठी शिक्षाके द्वारा तुमके धोखा देनके कोसिस करनडटे हएं।

1 यूहन्ना 4:1

हे मेरे प्यारे सँगीउ, हरकोइ आदमीनके उपर बिश्वास मत् करओ, जो पबित्र आत्मासे मस्कनको दाबि करत हए, पर आत्मनके जाँचओ कि बे परमेश्वरके घेनसे हएं, कि नाए हएं। काहेकी बहुतसे झुठे अगमबक्ता संसारमे हएं।

2 यूहन्ना 1:10

अगर कोइ तुमर ठिन आए, और अगर बो कुछ अइसो शिक्षा दइ रहोहए, जो ख्रीष्टको शिक्षासे अलग हए, बोके घरमे मत् आनके देओ, और बोके नमस्कार करके उत्सहा मतदेओ।

2 यूहन्ना 1:7

मए जा जहेमारे कहेरहो हओं, काहेकी बहुत आदमी जो झुठी शिक्षा दइके दुस्रेनके धोखा देत हएं, बे संसारमे हर ठिहामे गए हएं। बे कहात हएं, कि येशू ख्रीष्ट एक आदमीके रुपमे जा संसारमे नाए आओ। अगर कोइ आदमी अइसो कहात हए, बो आदमी ख्रीष्ट बिरोधी हए, जो हमेसा आदमीनके धोखा देतहए।

यहूदा 1:4

मए जा लिखनडटो हओं, काहेकी झुटो शिक्षा सिखान बारे कोइ परमेश्वरको आज्ञा नाए मानन बारे कुछ आदमी तुमर बीचमे चुप्पएसे घुसँगे। जे आदमीनसे परमेश्वर बहुत पिढी अग्गु पबित्र-शास्त्रमे कही रहए, कि बा सजाए देबैगो। बे गलत अनैतिक काम करन बहाना बनानके ताहीं परमेश्वरको अनुग्रहके बारेमे हमर सन्देशके बदली हएं। बे हमर अकेलो मालिकके और प्रभु येशू ख्रीष्टके फिर अस्वीकार करत हएं।

प्रकाश 12:9

जहेमारे अजिंगर और बक अधिनमे आन बारेनके पृथ्वीमे फेँको गओ। जा बडो अजिंगर बहे हए, जो बहुत समय पहिले साँपके रुपमे दिखाइ दइ रहए, जोसे शैतानको दूत या दोष लगान बारो फिर कहोजात हए। जा बहे हए जो जा संसारके आदमीनके धोखा देत आओ हए।

प्रकाश 13:14

पहिलो राक्षसको शक्तिसे अचम्मोके काम करेके कारणसे बहुत आदमी दुस्रो राक्षससे प्रभाबित भए और धोखा पाइं। दुस्रो राक्षसके द्वारा आदमीनसे कहोगओ, कि बे पहिलो राक्षसको पुजा करनके ताहीं एक मूर्ति बनामएं, जो हथियारसे अध्मरा हुइगओ रहए, पर फिरसे अच्छो हुइगओ रहए।

प्रकाश 19:20

तओ बो राक्षस और बोके सँगमे दुस्रो राक्षस फिर पक्णोगओ, बो झुठो अगमबक्ता राक्षसको तरफसे अचम्मोके चिन्हा दिखाइ और सबए आदमीनके धोखा दइ, जौन राक्षको छाप लगाए रहएं, और जौन बोको मूर्तिके आराधना करे रहएं। जे दुनौ आगी और गन्धकको कुण्डामे जिन्दए फेँकेगए।

प्रकाश 2:2

मए जान्त हओं, कि तए का करत हए, तए कैसे कडा मेहेनत करत हए और कभी हार नाए मानत हए। और मए जा फिर जान्त हओं, कि तए बुरे आदमीनको झुठी शिक्षनके नाए सहिपात हए। तए बे आदमीनके जाँचो हए जो कहात हएं, कि बे चुनेभए चेला हएं। पर बास्ताबमे बे नाए हएं, और तए जानो, कि बे झुठे हएं।

प्रकाश 2:20

पर तिर बिरुद्धमे मिर जा गुनासो हए: तए बो बैयर ईजेबेलके झुठो शिक्षा फैलान देतहए। बो कहात हए, “मए एक अगमबक्ता हओं” पर बक शिक्षा मेरे आदमीनके यौन पापमे भाग लेन और मूर्तिके बलि चढाओ भओ खानु खान लगात हए।

प्रकाश 2:6

पर एक अच्छी बात हए जो तए करत हए। बो जा हए, कि तए निकोलाइटसके द्वारा सिखाओ भओ दुष्ट कामनसे घृणा करत हए, ठिक उइसीयए जैसे मए घृणा करत हओं।