इफिसियों 4:28 - राना थारु नयाँ नियम

²⁸ चोरी काम करन बारे फिर चोरी नाए करएं पर बोके अपनो हातनसे इमानदारीको काम करन पणो, ताकी गरीब आदमीनके सँग बाँटनके ताहीं बोके ठिन कुछ होए।

परमेस्वर को सच्चो वचन

²⁸ अगर तुम चोरी करत रहौ, तौ तुमकै चोरी करनो छोड़ देनो चाहिए और भले काम करनो सुरु कर देनो चाहिए, ताकी तुम अपने ताहीं इमानदारी को जीवन जी सकौ और गरीबन की मदत कर सकौ।

इफिसियों 4:28 Σταυροειδείς Αναφορές

लूका 19:8

जखायस प्रभु येशूके अग्गु ठाणके कही, “हे प्रभु, देख, मए अपन आधो सम्पति गरीबनके दइदेहओं, और अगर मए कोइसे अन्याय करके लओहुइँहओं, तओ मए बिनके चार गुणा लौटार देहओं।”

लूका 3:8

जहेमारे पाप छोडके परमेश्वर घेन घुमओ, दण्डसे बचनके ताहीं अइसो काम करओ, कि तुम नेहत्तओ पाप छोडके परमेश्वर घेन घुमे हओ; और अपने-अपने मनमे मत् सोँचओ, कि परमेश्वर हमके दण्ड नाए देहए, काहेकी अब्राहाम हमर दौवा हए; पर मए तुमसे कहात हओं, परमेश्वर तुमर ठिहा लेनके ताहीं अब्राहामके ताहीं पत्थरसे सन्तान उत्पन्न करसकत हए।

यूहन्ना 12:6

पर यहूदा इस्करियोत गरीबके प्रेम करके अइसो नाए कही रहए, पर चुट्टाके कारणसे अइसो कही रहए और रुपैयाकी थैली बहेके धरन दओगओ रहए और बो थैलीसे रुपैया निकारे करत रहए।

यूहन्ना 13:29

बिनको रुपैयाकी थैली यहूदा इस्करियोतके जिम्मामे होनके कारणसे कित्तो आदमी, येशू बोके तेवहारके ताहीं सामान किननके पठाइ होबैगो कहिके सम्झीं। और कित्तो आदमी, गरीबनके कुछ देनके पठाइ होबैगो कहिके सम्झीं।

रोमियों 12:13

प्रभु येशू ख्रीष्टके पबित्र आदमीनके जो कुछ जरुरत हए बोमे उनके मदत करओ, घरमे आएभए पहुनन्को सेवा सत्कार करनमे लागे रहाओ।

1 कोरिन्थी 4:12

और अपनो हातसे काम करके हम मेहेनत करत हएं। अपमानित होन समयमे हम बिनके आशिष देत हएं। और जब हम सताए जात हएं हम सहात हएं।

2 कोरिन्थी 8:12

काहेकी अगर तुम औरे आदमीनके दान देन चाँहत हओ कहेसे तुमर सँग भए अनुसारको दान ग्रहणयोग्य हुइहए, पर तुमर सँग नाए भओ बात बा नाए चाँहत हए।

2 कोरिन्थी 8:2

जब बे बहुत कष्ट द्वारा परीक्षामे पणे, तओ बे बहुत आनन्दित भए और बे बहुतए गरीब होएसे फिर बे दुस्रे बिश्वासीनके मन खोलके मदत करन दान दइं।

गलातियों 6:10

जहेमारे जहाँ तक मौका मिलए, हम सब आदमीनके सँग भलाइ करएं; खास करके सँगी बिश्वासीनके ताहीं।

1 तिमोथी 6:18

और बे भलो काम करएं, भलो काममे धनी बनएं, खुल्ला मनको होमएं, और औरेन्के देन तयार होमएं।

तीतुस 3:14

सिरफ इतकए इकल्लो नाए, तोके बिश्वासीनके सिखातए रहान पणो, कि अपने ध्यानके अच्छे काम करनके ताहीं लगातार मेहेनत करतए रहाएं, ताकी बेहीं आदमीनको जरुरत पुरा करपामएं, जौनके ठिन बिनको जरुरीको चीज कुछु नाए हए। और अइसे कर्नेसे बिश्वासी एक लक्षके सँग अपन जीबन जीइ लेहएं।

तीतुस 3:8

जा एक सच्ची कहानी हए, जो मए हबए तोके बताओ हओं। और मए चाँहत हओं, कि तए जे बातके बारेमे पक्का रुपसे बिश्वासीके सिखा, जाकेमारे कि जौन परमेश्वरमे बिश्वास करीहए, ताकी बे अच्छे काम करनके ताहीं अपनो समय देनमे ध्यान लगामएं। जा शिक्षा सबके ताहीं अच्छी हए, और फाइदा बाली बात हए।