इफिसियों 4:24 - राना थारु नयाँ नियम

²⁴ और बा तुमके एक नयाँ आदमी बनाइ हए। जा नयाँ आदमीके परमेश्वर कता होनके ताहीं बनाओ गओ हए, अर्थात् बोके नेहात्तओकमे धर्मी और पबित्र होनके ताहीं बनाओ गओ हए।

परमेस्वर को सच्चो वचन

²⁴ और नये इंसानियत कै पहन लेबौ, जो परमेस्वर के ही तराहनी सच्ची धार्मिकता और सई जिंदगी मैं खुदकै दिखाथै जो इमानदार और पवित्र है।

इफिसियों 4:24 Σταυροειδείς Αναφορές

लूका 1:75

जब तक हम जिमंगे तबतक पबित्रतामे और धार्मिकतामे बाके अग्गु बाको सेवा कर पामएं।

यूहन्ना 17:17

तुमर बचन सत्य हए। जहेमारे उनके सत्यके द्वारा पबित्र बनाओ।

रोमियों 12:2

और जा संसारके आदमीन कता मतबनओ; पर अपनो मनके पुरा परिबर्तनके द्वारा तुमर चालचलन फिर बदलओ, जोसे तुम परमेश्वरको असल, ग्रहणयोग्य और सिद्ध इच्छा का हए बो तुम पता लगान सिकओ।

रोमियों 13:12

जा खराब संसारमे रहानके हमर समय लगभग खतम हुइगओ हए, एक रातके कता, जो लगभग खतम हुइगइ हए, और बो समय फिर ढिँगै हए जब ख्रीष्ट लौटके आबैगो; जहेमारे हमके बे चीजके बन्द करदेनके चाहो जो अंधियारोसे सम्बन्धित हएं। हमके बो हथियारको इस्तमाल करनके चाहो जोके उजियारोमे इस्तमाल करोजात हए।

रोमियों 13:14

बल्कि येशू ख्रीष्टके अपनो हथियार बनाओ और पापमय स्वभाबको इच्छा पुरा करनमे मतलागओ।

रोमियों 6:4

जहेमारे जब हम बप्तिस्मा लए तओ जा अइसो रहए, जैसे हम ख्रीष्टके सँग मरिगए और बाके सँग दफ्नाए गए, ताकी जैसे ख्रीष्ट दौवा परमेश्वरकी महिमाके द्वारा मरो भओ मैसे जिन्दा करोगओ, उइसीयए हम फिर एक नयाँ जीबन जिमंगे।

रोमियों 7:6

पर हम अब बो नियम कानुनके ताहीं मरिगए हएं जौन एकचोटी हमके बन्दी बनाएलै रहए, और अब हम नियम कानुनसे छुटीगए हएं, ताकी बाकी आत्माकी आज्ञा मानके अब हम परमेश्वरको सेवा नयाँ तरिकासे कर सकएं, नाएकी पुरानो तरिकासे, जोमे लिखो भओ बातके पालन करनके पणत होबए।

रोमियों 8:29

काहेकी जौनन्के बा पहिलीएसे चुनलै हए, बिनके पहिलीयएसे बाको लौंणा कता होन फैसला करीहए, ताकी बाको लौंणा बहुत बिश्वासी ददाभइयन मैसे बडो हुइपामएं।

1 कोरिन्थी 15:53

काहेकी हमर जा शरीर जो सजिलोसे मर जात हए और सणो जात हए, बोके एक अइसो शरीरमे बदलो जान चाहो, जौन नए त कभी मरत हए और नए त कभी सणत हए।

2 कोरिन्थी 3:18

हम सब दर्पन जेसो घुँघट नाए भओ अनुहारमे प्रभुको महिमा दिखात हएं। परमेश्वर हमके बहुतए-बहुत बडो महिमामे अपनुवए कता बनाए रहो हए। जा प्रभुको काम हए, जौन पबित्र आत्मा हए।

2 कोरिन्थी 4:16

जहेमारे हम हरेस नाए खात हएं। हमर बाहिरी मनुष्यत्व नाश होतए जातहए, तहुँफिर हमर आत्मा दिनए-दिन नयाँ होत जातहए।

2 कोरिन्थी 5:17

जहेमारे अगर कोइ ख्रीष्टमे बिश्वास करत हए कहेसे बो नयाँ स्वभाब पाइहए। पुरानो बितिगओ हए, देखओ नयाँ स्वभाब आइगओ हए।

गलातियों 3:27

और बे सब जो बप्तिस्मा लैडारी हएं, येशू ख्रीष्टके सँग एकतामे हएं, तुम नयाँ ख्रीष्टको जीबनके पैंधलए हओ, जैसे एक आदमी लत्ताके पैंधलेत हए।

गलातियों 6:15

काहेकी नए त खतना, और नए त बेखतना कुछु जरुरी नाए हए, पर जरुरी जा हए, कि “का हम नयाँ सृष्टिमे परिबर्तन भएहएं?”

इफिसियों 2:10

काहेकी येशू ख्रीष्टके सँग एकतामे हुइके हम नयाँ आदमी हुइके अच्छो-अच्छो काम करएं कहिके परमेश्वर हमके बनाइ। और हमर ताहीं करन बारो बो, अच्छो काम परमेश्वर पहिलीयएसे तयार करे हए।

इफिसियों 2:15

अपनी मृत्युके द्वारा, बा मोशाको नियम कानुनके जाको सब नियम और बिधिन्के साथ खतम करदइ, ताकी बा यहूदीनको समुह और गैर-यहूदीनको समुहके बीच शान्ति करपाबए और अइसियए एक नयाँ समुह बनाए पाबए।

इफिसियों 6:11

जैसे एक सिपाही अपने सब युद्धके हथियारन्के पैँधत हए, उइसीयए तुमके फिर बे चिजनके प्रयोग करनके पणो, जो परमेश्वर तुमके दइ हए, ताकी जब शैतान तुमके धोखा देन कोसिस करए, तओ तुम बोके बिरुद्ध लडपाबओ।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

हिब्रू 1:8

पर अपन लौंणाके बारेमे परमेश्वर कहात हए, “हे परमेश्वर, तुमर राज्य सदासर्वदाके ताहीं रहाबैगो, और तुम अपनो राज्यमे न्यायसे राज्य करैगे।

हिब्रू 12:14

सबए आदमीनके सँग शान्तिमे बैठन और पबित्र जीबन जीइन कोसिस करओ, पबित्रता बिना कोइ आदमी परमप्रभुके नाए देखपएहए।

1 पतरस 2:2

मए तुमके नयाँ जनम भए बाल्कन सँग तुलना करत हओं। नयाँ जन्मो भओ बालकाके मजबुत होतए बढनके ताहीं रोज अइयाकी दुध चाँहत हए। उइसीयए तुमके फिर परमेश्वरको बचन सुनन इच्छा करन पणत हए, ताकी तुमर परमेश्वर उपरको भरोसा बढतए जाबए और तुम बाचाए जाबओ।

2 पतरस 1:4

और बाको महिमा और भलाइके कारण बा हमके बहुत बडो और अनमोल प्रतिज्ञा दइ हए। जे बरदान इस्तमाल करके हम जा संसारको खराब इच्छनसे बचपामंगे, जौन आदमीनके नष्ट करत हए और ईश्वरीय स्वभाबमे हम सहभागी होन सिकत हएं।